ബിടിഎസ് താരം എന്റെ ഭർത്താവാണ് എന്ന് ആരാധിക, മിസ്സ് യു വൈഫ് എന്ന് ബിടിഎസ് താരങ്ങളും; എന്താണ് ഇവിടെ സംഭവിക്കുന്നത്?

Authored by: അശ്വിനി പി|Samayam Malayalam•19 Aug 2025, 1:04 pm

കൊറിയൻ മ്യൂസിക് ബാന്റ് ആയ കെ പോപ്പിനെ ആരാധിക്കുന്നവരാണ് ഇന്നത്തെ ന്യൂജെനറേഷനിലെ ബഹുഭൂരിഭാഗം ആളുകളും. പ്രത്യേകിച്ച് പെൺ കുട്ടികൾ. അത്രയധികം സ്ത്രീ ആരാധകരുടെ മനസ്സിൽ ബിടിഎസ് താരങ്ങൾ ഓരോരുത്തരും സ്ഥാനം പിടിച്ചിരിയ്ക്കുന്നു. അതിൽ ഒരാരാധിക തന്റെ ഭർത്താവ് എന്നാണ് വിശേഷിപ്പിച്ചത്.

പുതിയ ആൽബത്തിന്റെ വർക്കുകളുമായി ബന്ധപ്പെട്ട് ലോസ് ആഞ്ചൽസിലാണ് ബിടിഎസ് താരങ്ങൾ ഇപ്പോൾ ഉള്ളത്. സോളോ ടൂർ പൂർത്തിയാക്കി ജിൻ കൂടെ തിരിച്ചെത്തിയപ്പോൾ ടീം വീണ്ടും പഴയ ഫോമിൽ എത്തിയിരിക്കുകയാണ്. ഏഴുപേരും ഒരേ വീട്ടിലാണ് താമസം, ഒരുമിച്ച് മ്യൂസിക് ക്രിയേറ്റ് ചെയ്യുന്നതിനൊപ്പം ഒരുമിച്ചുള്ള ഫ്രീ ടൈമുകളും ആസ്വദിക്കുന്നുണ്ട്.

Also Read: ട്രഡീഷണൽ ലുക്കിൽ അതീവ സുന്ദരിയായ ചിത്രങ്ങളാണ് ഇഷാനി കൃഷ്ണ തന്റെ ഇൻസ്റ്റഗ്രാമിൽ പങ്കുവച്ചിരിയ്ക്കുന്നത്. ഈ ചിത്രങ്ങൾക്കൊരു പ്രത്യേകതയുണ്ട്

ജിൻ തിരിച്ചുവന്ന സാഹചര്യത്തിൽ ലോസ് ആഞ്ചൽസിലെ ഒരു ബീച്ചിൽ നിന്ന് ലൈവ് വീഡിയോയുമായി ബിടിഎസ് താരങ്ങൾ എത്തിയിരുന്നു. അതിൽ ആരാധകരുടെ കമന്റുകൾക്ക് മറുപടി നൽകി അവരെയും എൻഗേജ് ചെയ്തുവച്ചു. അങ്ങനെ വന്ന കൂട്ടത്തിലാണ്, മിസ് യു ഭർത്താവേ എന്ന് പറഞ്ഞ് ഒരു ആരാധിക എത്തിയത്. ഉടനെ ആർ എം അതിന് മറുപടി നൽകി, മിസ് യു ഭാര്യേ എന്ന്.

Also Read: ഈ മനുഷ്യർക്ക് ഇങ്ങനെയൊക്കെ സ്നേഹിക്കാൻ പറ്റുമോ! കണ്ണന്റെ വിയർപ്പ് തുടച്ച് നവനീതിന്റെ അമ്മ; കുടുംബമായാൽ ഇങ്ങനെ വേണമെന്ന് അഭിപ്രായം

ജിമിൻ, ജിൻ, ജങ്കൂക്ക്, ജെ ഹോപ്പ്, സുഗ, ആർ എം, വി തുടങ്ങി ഏഴ് ബിടിഎസ് താരങ്ങളിൽ ആരെ ഉദ്ദേശിച്ചാണ് ഭർത്താവ് എന്ന് ആരാധിക പറഞ്ഞത് എന്നറിയില്ല, എന്നാൽ ആരാധികയുടെ സ്നേഹത്തോടെയുള്ള വിളി ഏഴു പേരും അങ്ങേറ്റെടുത്തു, ഭാര്യ എന്ന് തിരിച്ചി വിളിച്ചുകൊണ്ട് നിങ്ങളെ ഞങ്ങളും മിസ്സ് ചെയ്യുന്നു എന്ന പ്രതികരണം മറ്റ് ആരാധകരെയും സന്തോഷിപ്പിക്കുന്നതാണ്.


എന്നാൽ ഇതൊന്നും പോര, ഉടനെ നിങ്ങൾ ഏഴ് പേരും ഒന്നിച്ചുള്ള ആൽബമോ, സ്റ്റേജ് ഷോയോ ഉടനെ വരണം എന്ന ആഗ്രഹമാണ് ആരാധകരായ ആർമിയ്ക്ക്. അതിനുള്ള ശ്രമങ്ങളാണ് ഇപ്പോൾ അണിയറയിൽ നടന്നുകൊണ്ടിരിയ്ക്കുന്നത്. 2026 ൽ പുതിയ ആൽബം വരും എന്നാണ് അറിയുന്നത്.