ബോള്‍ഡ് ഫോട്ടോഷൂട്ട് ചിത്രങ്ങള്‍ പോസ്റ്റ് ചെയ്യുമ്പോള്‍ നെഗറ്റീവ് കമന്റ് വരില്ലേ, അപ്പോഴെന്ത് ചെയ്യും എന്ന് ചോദിച്ചപ്പോള്‍ അഹാന പറഞ്ഞത്

സോഷ്യല്‍ മീഡിയയില്‍ വളരെ സജീവമായിട്ടുള്ള നടിയാണ് അഹാന കൃഷ്ണകുമാര്‍. ഒരിടയ്ക്ക് ഒത്തിരി സൈബര്‍ അറ്റാക്കും അഹാനയ്ക്ക് നേരിടേണ്ടതായി വന്നിരുന്നു. എന്നാല്‍ ഇപ്പോള്‍ അത്തരം യാതൊരു നെഗറ്റീവ് കമന്‍രുകള്‍ക്കും അഹാന പ്രാധാന്യം നല്‍കുന്നില്ല. ബോള്‍ഡ് ഫോട്ടോഷൂട്ട് ചിത്രങ്ങളൊക്കെ പോസ്റ്റ് ചെയ്യുമ്പോള്‍ വരുന്ന നെഗറ്റീവ് കമന്റുകളോട് എന്താണ് പ്രതികരണം എന്ന് ചോദിച്ചപ്പോള്‍ താരപുത്രി തന്റെ നിലപാട് വ്യക്തമായി. റായന്‍ മിഥുന് നല്‍കിയ അഭിമുഖത്തില്‍ സംസാരിക്കുകയായിരുന്നു അഹാന.

എന്നെ അതൊട്ടും ബാധിക്കുന്നില്ല, ഞാനത് മൈന്റാക്കുകയും ചെയ്യുന്നില്ല. എന്റെ കുടുംബം, ഏറ്റവും അടുത്ത സുഹൃത്തുക്കള്‍, പ്രിയപ്പെട്ടവര്‍ എന്നിങ്ങനെ ഞാനുമായി എന്നും ബന്ധപ്പെട്ടിരിയ്ക്കുന്ന എന്റേതായ ഒരു ചെറിയ ലോകമുണ്ട്. ആ ലോകത്ത് ചുരുങ്ങിയത് 25 പേരെങ്കിലം ഉണ്ടാവും, അവരെ മാത്രമേ ഞാന്‍ ബോധ്യപ്പെടുത്തേണ്ടതുള്ളൂ, അവര്‍ നെഗറ്റീവ് പറയുകയോ, വിമര്‍ശിക്കുകയോ ചെയ്യുന്നുണ്ടോ എന്നത് മാത്രമാണ് എന്നെ സംബന്ധിച്ച് കാര്യമുള്ള ഒന്ന്.

Also Read: മറ്റുള്ളവരുടെ കുടുംബ ജീവിതത്തിലെ പ്രശ്‌നങ്ങള്‍ക്ക് എന്റെ ഫോട്ടോ ഉപയോഗിക്കരുത്; ശക്തമായി വിലക്കി അംബിക

നെഗറ്റീവ് കമന്റ് ഇടുന്നവര്‍ ഉപയോഗിക്കുന്നത് വ്യാജ പ്രൊഫൈലുകളാണ്. അവര് പറയുന്നത് തെറ്റാണെന്നും, മോശമാണെന്നും അവര്‍ക്ക് അറിയാവുന്നത് കൊണ്ടല്ലേ ഫേക്ക് അക്കൗണ്ടില്‍ നിന്ന് കമന്റിടുന്നത്. അത്തരമൊരു നെഗറ്റീവിന് പിന്നെ ഞാന്‍ എന്തിനാണ് എന്റെ സമയവും മൈന്റും കളയുന്നത്. സോഷ്യല്‍ മീഡിയയ്ക്കപ്പുറം എനിക്കൊരു യഥാര്‍ത്ഥ ലോകമുണ്ട്, അവിടെയാണ് റിയല്‍ ഞാന്‍.

മനുഷ്യനാണ് മോശം കമന്റുകള്‍ വേദനിപ്പിക്കും. അങ്ങനെ സംഭവിക്കുമ്പോള്‍ ചിലപ്പോള്‍ ഞാന്‍ ആ നെഗറ്റീവ് കരഞ്ഞ് പുറത്ത് കളയും, അല്ലെങ്കില്‍ ആരോടെങ്കിലും പറയും. ഞാന്‍ എപ്പോഴും എനിക്ക് ചുറ്റുമുള്ളവരില്‍ കംഫര്‍ട്ടാണ്, ഡിപ്പന്റഡുമാണ്. അവര്‍ എനിക്കൊപ്പമുള്ളപ്പോള്‍ നെഗറ്റീവുകള്‍ ബാധിക്കുന്നില്ല. സോഷ്യല്‍ മീഡിയ നെഗറ്റീവുകള്‍ ബാധിക്കുമ്പോള്‍ അത് സ്വിച്ച് ഓഫ് ചെയ്ത് എന്റെ യഥാര്‍ത്ഥ ലോകത്തേക്ക് തിരിച്ചെത്തുന്നതോടെ അത് അവസാനിച്ചു. ആ യാതാര്‍ത്ഥ്യം മാത്രമേ എന്നും നിലനില്‍ക്കുകയുള്ളൂ.

സോഷ്യല്‍ മീഡിയ ഒരിക്കലും ഒരു തെറ്റായ ലോകമല്ല. വാസ്തവത്തില്‍ എനിക്കൊക്കെ ജോലിയുടെ ഭാഗമാണ് സോഷ്യല്‍ മീഡിയ, കോണ്ടന്റ് ക്രിയേറ്റര്‍ എന്ന നിലയില്‍ ഉപജീവനമാണ്. ആരെങ്കിലും എന്തെങ്കിലും നെഗറ്റീവ് പറഞ്ഞു എന്ന് കരുതി ഞാന്‍ എന്റെ അക്കൗണ്ട് ഡിആക്ടിവ് ചെയ്യാനൊന്നും പോകുന്നില്ല. പറയുന്നവര്‍ക്ക് പറഞ്ഞിട്ട് പോകാം, അത് എന്നെ ബാധിക്കുന്നതല്ല- എന്നാണ് അഹാന കൃഷ്ണ പറഞ്ഞത്