ബ്ലാക്ക്പിങ്കിന്റെ ഡെഡ്ലൈൻ വേൾഡ് ടൂർ ഇനിയും നീളും, ഏഷ്യയിൽ രണ്ട് ഷോകൾ കൂടെ ചേർത്തു!

Authored by: അശ്വിനി പി|Samayam Malayalam•19 Sept 2025, 4:24 pm

ബിടിഎസ് പോലെ തന്നെ ഇന്റർനാഷണൽ തലത്തിൽ ശ്രദ്ധ നേടിയ കൊറിയൻ ഗേൾസ് ഗ്രൂപ്പ് ആണ് ബ്ലാക്ക്പിങ്ക്സ്. ജിസൂ, ജെന്നി, റോസ്, ലിസ എന്നിവരടങ്ങുന്ന നാല് പേരടങ്ങുന്ന ഗ്രൂപ്പ് ഇപ്പോൾ തങ്ങളുടെ ഡെഡ്ലൈൻ വേൾഡ് ടൂറിലാണ്. യൂറോപ്യൻ രാജ്യങ്ങളിലെ ഷോകൾക്ക് ശേഷം ഏഷ്യൻ രാജ്യങ്ങളിലേക്ക് കടക്കും എന്ന റിപ്പോർട്ട് നേരത്തെ വന്നതാണ്.

2026 ജനുവരി 25 ഓടുകൂടെ വേൾഡ് ടൂർ അവസാനിക്കും എന്നായിരുന്നു നേരത്തെ വന്ന വിവരം. എന്നാൽ അത് നീളും, രണ്ട് ഷോകൾ കൂടെ അതിലേക്ക് ആഡ് ചെയ്തു. ജനുവരി 26 ന് ഷോ അവസാനിക്കും എന്നാണ് ഇപ്പോഴുള്ള വിവരം. സിങ്കപ്പൂരിലും ഹോങ് കോക്കിലുമുള്ള ഓരോ ഷോകൾ വീതം കൂട്ടിയതോടെയാണ് ഡേറ്റ് മുന്നോട്ടായത്.

Also Read: നിങ്ങൾക്ക് വേണ്ടി മരിക്കും എന്ന് പറയുന്നവർക്ക്, അവർക്ക് വേണ്ടി ജീവിച്ചുകൂടെ; ജീവിതത്തിൽ എടുത്ത ഏറ്റവും മികച്ച തീരുമാനം എന്ന് ഉത്തര ഉണ്ണി

നിലവിൽ യൂറോപ് ഷോകൾ തീർന്നതിന് ശേഷമുള്ള ബ്രേക്കിലാണ് ബ്ലാക്പിങ്ക് താരങ്ങൾ. ഏഷ്യൻ ഷോകളിലേക്കുള്ള മുന്നൊരുക്കങ്ങൾ നടത്തിക്കൊണ്ടിരിയ്ക്കുകയാണ്. ഏഷ്യയിലെ എട്ട് രാജ്യങ്ങളിലായി 20 ഷോകളാണ് നാല് പേരും ഏറ്റെടുത്തിരിയ്ക്കുന്നത്. കഴിഞ്ഞ രണ്ട് മാസങ്ങളായി, ദക്ഷിണ കൊറിയ മുതൽ അമേരിക്ക വരെയും പിന്നീട് യൂറോപ്പ് വരെയും ഇതിനോടകം പല ഷോകളും പൂർത്തിയാക്കി കഴിഞ്ഞതാണ്.

Also Read: ഇരുപത്തിയഞ്ചുലക്ഷം വരെ വാങ്ങിയ നാളുകൾ! ബാങ്ക് ബാലൻസ്, ബിസിനസ്, വീടുകൾ, ലക്ഷ്വറി വണ്ടികൾ; കാവ്യയും സിനിമ യാത്രയും

ഷെഡ്യൂളുകൾ പ്രകാരം കയോസിയുങ്ങിൽ നിന്ന് ബാങ്കോക്കിലേക്കും ജക്കാർത്തയിലേക്കും ബുലാക്കനിലേക്കും സിംഗപ്പൂരിലേക്കും ടോക്കിയോയിലേക്കും ഒടുവിൽ ഹോങ്കോങ്ങിലേക്കും പോകാനാണ് പ്ലാൻ.


ഇതിനിടയിൽ ബ്ലാക്ക്പിങ്കിന്റെ പുതിയ ആൽബത്തിന്റെ വാർത്തകളും വന്നിരുന്നു. രണ്ട് മാസത്തെ ഈ ബ്രേക്കിൽ ഒരു ചെറിയ ആൽബത്തിന്റെ പണിപ്പുരയിലാണ് ജിസൂവും ജെന്നിയും റോസും ലിസയും. മൂന്ന് വർഷത്തെ ഇടവേളയ്ക്ക് ശേഷം ബ്ലാക്ക് പിങ്ക് ഒരു ആൽബം ചെയ്യുന്നു എന്ന വാർത്ത ബ്ലാക്ക്പിങ്കിന്റെ ഏജൻസിയായ വൈജി എന്റർടൈൻമെന്റ്സിന്റെ ഹെഡ് യങ് ഹ്യുൻ സുക് സ്ഥിരീകരിച്ചതാണ്. നവംബറിൽ ആൽബം പുറത്തിറങ്ങും എന്നായിരുന്നു നേരത്തെ വന്ന വിവരം. അതിനെ കുറിച്ചുള്ള അപ്ഡേഷനുകളൊന്നും പുറത്തുവന്നിട്ടില്ല