ഭാര്യയെയും മക്കളെയും ചേർത്തു പിടിച്ച് ടൊവിനോ തോമസ്; ഈ ബന്ധം ഇതാണ് എല്ലാത്തിനും മുകളിൽ!

Authored by: അശ്വിനി പി|Samayam Malayalam•11 Sept 2025, 1:53 pm

ഒന്നും ഇല്ലായ്മയിൽ നിന്ന് വന്ന് ഇന്ന് മലയാള സിനിമയുടെ പേര് ഇന്റർനാഷണൽ ലെവലിൽ ഉയർത്തുന്നതിൽ പ്രധാന പങ്ക് വഹിച്ചുകൊണ്ടിരിയ്ക്കുന്ന നടന്മാരിൽ ഒരാളാണ് ടൊവിനോ തോമസ് . പാൻ ഇന്ത്യൻ താരം എന്ന വിശേഷണത്തിനപ്പുറം, മലയാള സിനിമയിൽ നിന്നുകൊണ്ടു തന്നെ, മലയാള സിനിമയിലൂടെ ഇന്റർനാഷണൽ അവാർഡ് നേടുന്നു. രണ്ടാം തവണയും ടൊവിനോ തോമസ് സെപ്റ്റിമിയസ് അവാർഡ് നേടിയത് മലയാളക്കരയ്ക്ക് അഭിമാനമായിരുന്നു

എന്നാൽ ഒരു വളർച്ചയും തന്റെ തലക്കനം കൂട്ടുന്നില്ല, ഓരോ വളർച്ചയിലും കുടുംബത്തെ ചേർത്തു പിടിക്കുകയാണ് നടൻ. സിനിമയുടെ വിജയത്തിലും നടന്റെ വളർച്ചയിലും പ്രശംസിക്കുന്നതിനൊപ്പം തന്നെ, എത്ര മികച്ച ഫാമിലി മാനാണ് താൻ എന്ന് കാണിക്കുന്ന വിധം ഫോട്ടോകളും പോസ്റ്റുകളും ടൊവിനോ തോമസിന്റെ ഇൻസ്റ്റഗ്രാം പേജിൽ പ്രത്യക്ഷപ്പെടാറുണ്ട്. അതിലൊരു പോസ്റ്റാണ് ഇപ്പോൾ ശ്രദ്ധ നേടുന്നത്.

Also Read: 200 കോടി ക്ലബ്ബിൽ കല്യാണി പ്രിയദർശൻ, മലയാള ചരിത്രത്തിൽ ഈ റെക്കോഡ് സൃഷ്ടിക്കുന്ന ആദ്യത്തെ നായിക നടി!

ഭാര്യയെയും രണ്ട് മക്കളെയും ചേർത്ത് പിടിച്ചു നിൽക്കുന്ന രണ്ട് ഫോട്ടോകളാണ് ടൊവിനോ തന്റെ ഇൻസ്റ്റഗ്രാം പേജിൽ പോസ്റ്റ് ചെയ്തിരിയ്ക്കുന്നത്. ലവ് ഇമോജി അല്ലാതെ പ്രത്യേകിച്ചൊരു ക്യാപ്ഷനും ചിത്രത്തിനില്ല. പക്ഷേ ആ ചിത്രങ്ങൾക്ക് എന്തോ വല്ലാത്തൊരു ഭംഗിയുണ്ട്. ഇതാദ്യമായല്ല ടൊവിനോ തോമസും ഭാര്യയും മക്കളും നിൽക്കുന്ന കുടുംബ ചിത്രം വൈറലാവുന്നത്. പല തവണ ടൊവിനോയുടെ കുടുംബ ചിത്രം സോഷ്യൽ മീഡിയയിൽ ശ്രദ്ധ നേടിയിട്ടുണ്ട്.

Also Read: മോന് പത്തൊൻപത് ! അന്ന് സംയുക്ത എടുത്ത സ്‌ട്രോങ് ഡിസിഷനാണ് ഇന്ന് ഈ കാണുന്ന സന്തോഷം; പുതിയ ചിത്രം ഏറ്റെടുത്ത് ആരാധകർ

തന്റെ ഒന്നുമില്ലായ്മയിൽ കൂടെ നിന്ന, സിനിമ എന്ന തന്റെ സ്വപ്നത്തിന് പിന്തുണ നൽകിയ ആളാണ് ഭാര്യ ലിഡിയ എന്ന ടൊവിനോ പല അവസരങ്ങളിലും പറഞ്ഞിട്ടുണ്ട്. മക്കളിലൂടെയും താൻ ജീവിതം പടിക്കുകയാണ് ടൊവിനോ പറഞ്ഞിട്ടുള്ളത്.


നിലവിൽ പള്ളി ചട്ടമ്പി എന്ന ചിത്രത്തിന്റെ ഷൂട്ടിങ് തിരക്കിലാണ് ടൊവിനോ തോമസ്. അതിനൊപ്പം ഗീതു മോഹൻദാസ് സംവിധാനം ചെയ്യുന്ന ടൊക്സിക് എന്ന യാഷ് ചിത്രത്തിലും ടൊവിനോ അഭിനയിക്കുന്നുണ്ട്. നരിവേട്ടയാണ് ടൊവിനോയുടെ ഏറ്റവുമൊടുവിൽ പുറത്തിറങ്ങിയ ചിത്രം. ഈ ചിത്രത്തിനാണ് മികച്ച ഏഷ്യൻ നടനുള്ള സെപ്റ്റിമിയസ് അവാർഡ് ലഭിച്ചത്. നേരത്തെ 2018 എന്ന ചിത്രത്തിന് വേണ്ടി 2013 ലും ടൊവിനോ ഈ പുരസ്കാരം നേടിയിരുന്നു.