ഭാവനയുടെ ശല്യം സഹിക്കാനാവാതെ ജയം രവി സംവിധായകനോട് പരാതി പറഞ്ഞു; ദീപാവലിയുടെ സെറ്റില്‍ നടന്നത്

ഭാവന അഭിനയിച്ച തമിഴ് സിനിമകളില്‍ പ്രേക്ഷകര്‍ക്കിഷ്ടപ്പെട്ട സിനിമകളിലൊന്നാണ് ദീപാവലി. ജയം രവിയും ഭാവനയും ഒന്നിച്ച ചിത്രത്തിലെ പാട്ടുകളും ഇത്ര വര്‍ഷങ്ങള്‍ക്കിപ്പുറവും ഹിറ്റാണ്. ആ സിനിമയില്‍ അഭിനയിച്ചതിന് പിന്നിലെ ചില രസകരമായ ഓര്‍മകള്‍ പങ്കുവയ്ക്കുകയാണ് ഭാവന. ഫെബ്രുവരി 6 ന് റിലീസ് ചെയ്യാന്‍ പോകുന്ന അനോമി എന്ന ചിത്രത്തിന്റെ പ്രമോഷന്റെ ഭാഗമായി പേളി മാണിയ്ക്ക് നല്‍കിയ അഭിമുഖത്തില്‍ സംസാരിക്കുകയായിരുന്നു ഭാവന.

പേളിയുടെ അതേ ഷോയില്‍ നേരത്തെ പരാശക്തി എന്ന ചിത്രത്തിന്റെ പ്രമോഷനുമായി ബന്ധപ്പെട്ട് ജയം രവി വന്നിരുന്നു. ചിരിച്ച് ചിരിച്ച് മണ്ണ്കപ്പിയാണ് രവി തിരിച്ചു പോയത്. ആ അഭിമുഖം താനും കണ്ടു എന്ന് പറഞ്ഞുകൊണ്ടാണ് ഭാവന തുടങ്ങിയത്. ഇതുപോലത്തെ ഒരു അഭിമുഖം ഇതുവരെ രവി എവിയെടും കൊടുത്തിട്ടുണ്ടാവില്ല, ഇവിടെ വന്നിരുന്ന് മൂക്കൊക്കെ ചീറ്റുന്നത് കണ്ടല്ലോ.

Also Read: രശ്മികയുടെയും വിജയ് ദേവരുടെയും കല്യാണം ഇന്ന്? വിവാഹ മണ്ഡപത്തില്‍ നിന്നുള്ള കാഴ്ചയുമായി പ്രചരിക്കുന്ന വീഡിയോയുടെ സത്യാവസ്ഥ?

ദീപാവലിയുടെ ഷൂട്ടിങ് സമയത്ത് നല്ല രസമായിരുന്നു, പരസ്പരം കളിയാക്കിയൊക്കെയാണ് ഓരോ ദിവസവും കടന്ന് പോയത്. ഞങ്ങള്‍ രണ്ട് പേരും തീര്‍ത്തും വ്യത്യസ്തമായ സ്വഭാവക്കാരാണ്. രവിയെ സംബന്ധിച്ച് ഇന്ന് എന്തെങ്കിലും സീരിയസ് സീനോ, ഇമോഷണല്‍ സീനോ എടുക്കുകയാണെങ്കില്‍ അന്ന് രാവിലെ വന്നാല്‍ മുതല്‍ രവിയും ഭയങ്കര സീരിയസ് ആയിരിക്കും. ആരോടും മിണ്ടുകയൊന്നുമില്ല. ആ ഒരു മൂഡ് പിടിക്കാന്‍ വേണ്ടി ദൂരെ മാറി ഒരു ചെയറില്‍ ഇരിക്കും.

നേരെ വിപരീതമാണ് ഞാന്‍, മരിക്കാന്‍ പോകുന്ന ഒരു സീനാണ് എടുക്കാന്‍ പോകുന്നത് എന്ന് പറഞ്ഞാലും ഓടിച്ചാടി, എല്ലാവരോടും സംസാരിച്ച് നടക്കുകയായിരിക്കും. പുഡ് വന്നോ, കഴിച്ചോ എന്നൊക്കെയായിരിക്കും എന്റെ ചിന്ത. ഞാന്‍ പോയി, രവി രവി എന്ന് വിളിച്ച് സംസാരിക്കാന്‍ പോകും. പറയ് എന്ന് പറഞ്ഞ് പുച്ഛത്തോടെ രവി എന്നെ നോക്കും. ഒരു കാര്യവുമില്ലാത്ത കാര്യം പറയാനായിരിക്കും ഞാന്‍ പോയത്. അതിന് എന്തെങ്കിലുമൊക്കെ മറുപടി പറഞ്ഞ് രവി ഒഴിവാക്കി വിടും.

പിന്നെയും ഞാന്‍ രവീ എന്ന് വിളിച്ച് പോകും. അവസാനം രവി സംവിധായകനോട് പറഞ്ഞു, സര്‍ പ്ലീസ്, ദയവ് ചെയ്ത് ഇവരോട് ഒന്ന് മിണ്ടാതിരിക്കാന്‍ പറയൂ. ഭയങ്കര ശല്യമാണ് സര്‍, എനിക്ക് മൂഡേ വരുന്നില്ല എന്നൊക്കെ പരാതി പറഞ്ഞിട്ടുണ്ട്. അപ്പോള്‍ സംവിധായകന്‍ ഏഴില്‍ സര്‍ എന്നോട് ചോദിക്കും, നിനക്ക് വാ വേദനിക്കുന്നില്ലേ, കടയുന്നില്ലേ എന്നൊക്കെ

ഞാന്‍ അതുവരെ തുള്ളിക്കളിച്ചാലും ഇമോഷണല്‍ സീന്‍ ആണെങ്കില്‍, പോയി ചെയ്തിട്ട് പിന്നെയും വര്‍ത്തമാനം പറയാന്‍ തുടങ്ങും. ഫണ്ണി സീന്‍ എടുക്കുന്ന ദിവസം രവി ഹാപ്പിയായിരിക്കും- ഭാവന പറഞ്ഞു