മകനും കുടുംബത്തിനും ഒപ്പം നവ്യക്ക് ആഘോഷം! അമ്മയുടെ തിരിച്ചുവരവിന് നന്ദിയുമായി സന്തോഷ് മേനോൻ; പുതിയ വിശേഷങ്ങൾ

ഷൂട്ടിങ് തിരക്കുകൾ എല്ലാം മാറ്റിവച്ചുകൊണ്ട് അനുജൻ രാഹുലിനും മകൻ സായി കൃഷ്ണക്കും അച്ഛനും അമ്മയ്ക്കും ഒപ്പം വിഷു അടിച്ചുപൊളിച്ചു നവ്യ നായർ. പടക്കം പൊട്ടിച്ചും കണി ഒരുക്കിയും സദ്യ വച്ചും കൈ നീട്ടം കൊടുത്തും വാങ്ങിയും എല്ലാം നവ്യ സ്വന്തം വീട്ടിൽ വിഷു ഗംഭീരമാക്കി.

നവ്യയും ഭർത്താവും തമ്മിൽ അകൽച്ചയിൽ എന്ന വാർത്തകൾ നിലനിൽക്കവെയാണ് രണ്ടിടത്തായി വിഷു ആഘോഷം നടന്നത്. നവ്യ അഭിനയത്തിലേക്ക് തിരിച്ചുവന്നപ്പോൾ ആയിരുന്നു ഭർത്താവ് സന്തോഷ് മേനോനുമായി വേർപിരിഞ്ഞോ എന്നുള്ള ചോദ്യങ്ങൾ ശക്തം ആയത്. എന്നാൽ പലകുറി ഇക്കാര്യത്തിനുള്ള വിശദീകരണം താരം നൽകുകയും ചെയ്തു .

മകന്റെ പഠനം നാട്ടിൽ ആയതും ബന്ധുക്കളും സ്വന്തക്കാരും എല്ലാം കേരളത്തിൽ ആയതുകൊണ്ടും ആണ് മുംബൈയിൽ നിന്നും കേരളത്തിലേക്ക് മകനൊപ്പം നവ്യ എത്തിയത്. ഇപ്പോൾ മാതംഗി എന്ന നൃത്ത വിദ്യാലയം നടത്തുകയാണ് നവ്യ നായർ. കേരളത്തിലെ പ്രശസ്ത ക്ഷേത്രങ്ങളിൽ എല്ലാം നൃത്ത സന്ധ്യ അവതരിപ്പിച്ചു വരുന്നു. അടുത്തിടെ ഗുരുവായൂർ ക്ഷേത്ര നടയിൽ നടന്ന പരിപാടി ഏറെ വൈറലായിരുന്നു.

കുടുംബജീവിതവും പ്രൊഫഷണൽ ലൈഫും എങ്ങനെയാണ് ഒരുമിച്ച് മുന്നോട്ട് കൊണ്ടുപോകേണ്ടത് എന്നതിന് ഉത്തമ ഉദാഹരണം കൂടി ആണ് നവ്യയുടെ ജീവിതം. മുപ്പത്തി ഒൻപതുകാരിയായ നവ്യ 2010ലാണ് സന്തോഷിനെ വിവാഹം ചെയ്തത്. ഒരു അറേഞ്ച്ഡ് മാരേജായിരുന്നു ഇരുവരുടെയും. വിവാഹം കഴിക്കാൻ മനസ്സ് കൊണ്ട് തയ്യാറെടുത്ത ശേഷം ആയിരുന്നു വിവാഹം എന്നാണ് നവ്യ പറഞ്ഞിട്ടുള്ളത്.