മകളോടുള്ള സ്നേഹം എങ്ങനെ കാണിക്കണം എന്നറിയില്ല; ഒന്നാം പിറന്നാളിന് ദീപിക പദുക്കോൺ ദുവയ്ക്ക് വേണ്ടി ഉണ്ടാക്കിയത്?

Authored by: അശ്വിനി പി|Samayam Malayalam•10 Sept 2025, 11:12 am

ബോളിവുഡ് താര സുന്ദരി ദീപിക പദുക്കോണിനും രൺവീർ സിംഗിനും ഒരു പെൺകുഞ്ഞ് പിറന്നിട്ട് ഇന്നേക്ക് ഒരു വർഷം പൂർത്തിയാവുന്നു. മകളുടെ ആദ്യത്തെ പിറന്നാൾ ദീപികയും രൺവീറും എങ്ങനെയൊക്കെ ആഘോഷിക്കും എന്ന കാര്യത്തിൽ കഴിഞ്ഞ ദിവസങ്ങൾ മുതലേ സോഷ്യൽ മീഡിയയിൽ ആരാധകരുടെ ചർച്ചയുണ്ടായിരുന്നു. എന്നാൽ രാവിലെ ദീപിക പങ്കുവച്ച പോസ്റ്റ് ആരാധകരുടെ ഹൃദയം തൊടുന്നതാണ്

ഒരു കേക്കിന്റെ ചിത്രം പങ്കുവച്ചുകൊണ്ട്, ഇത് എന്റെ സ്നേഹത്തിന്റെ ഭാഷയാണോ എന്നറിയില്ല. മകളുടെ ഒന്നാം പിറന്നാളിന് താൻ തയ്യാറാക്കിയ കേക്ക് ആണ് എന്ന് ദീപിക കുറിച്ചു. രുചിയുള്ള ഭക്ഷണം സ്വന്തം കൈകൊണ്ട് മകൾക്ക് ഉണ്ടാക്കി നൽകുന്നതിലൂടെ അറിയാം, മകളുടെ കാര്യത്തിൽ ദീപിക എത്രത്തോളം ശ്രദ്ധിയ്ക്കുന്നു എന്ന് ആരാധകർ പറയുന്നു.

Also Read: ദീപിക പദുക്കോണിന് ഒരേ നിർബന്ധം, പിന്നെ പാർവ്വതി ഒന്നും നോക്കിയില്ല; ബോളിവുഡ് ക്യൂനിനൊപ്പമുള്ള ചിത്രത്തെ കുറിച്ച് പാർവ്വതി കൃഷ്ണ

വാടകഗർഭധാരണത്തിലൂടെ കുഞ്ഞിനെ നേടി, വളർത്താൻ ആയമാരെ വയ്ക്കുന്ന സെലിബ്രിറ്റി നടമാർ ദീപിക പദുക്കോണിനെ കണ്ടു പഠിക്കണം എന്നാണ് ചിലരുടെ കമന്റുകൾ. മകൾ ദുവയ്ക്കൊപ്പം നിൽക്കാൻ വേണ്ടി, അവളുടെ വളർച്ചയുടെ ഓരോ ഘട്ടവും ആസ്വദിക്കാൻ വേണ്ടി സിനിമകളിൽ നിന്നും ചെറിയ ബ്രേക്ക് എടുത്ത് മാറി നിൽക്കുകയാണ് ദീപിക

2024 സെപ്റ്റംബർ 10 ന് ആണ് ദീപിക പദുക്കോണിനും രൺവീർ സിംഗിനും മകൾ പിറന്നത്, അവർ അവൾക്ക് ദുവ പദുക്കോൺ സിംഗ് എന്ന് പേരിട്ടു. കുഞ്ഞ് ജനിച്ച് ഒരു മാസം പിന്നിട്ടതിന് ശേഷമാണ് പേരിട്ടത്. പേരിടുന്നതിൽ തങ്ങൾക്ക് തിരക്കില്ലായിരുന്നു എന്ന് പിന്നീട് ദീപിക പദുക്കോൺ പറഞ്ഞിട്ടുണ്ട്. ആദ്യം അവളെ കൈയ്യിലെടുക്കുക, അവൾ ജീവിക്കാൻ പോകുന്ന ഈ ലോകത്തെ കാണിക്കുക, അവളുടെ വളർച്ച ആസ്വദിക്കുക എന്നതിലൊക്കെയായിരുന്നുവത്രെ രണ്ടു പേരുടെയും ശ്രദ്ധ.

Also Read: 47 ആയത്രേ 25 കാരിയുടെ അമ്മ! അറിയുമോ ഈ നിത്യഹരിത നായികയുടെ ബ്യൂട്ടി ആൻഡ് ഹെൽത്ത് സീക്രട്ട്സ്; മഞ്ജു വാര്യരുടെ ചിട്ടകൾ

2018 ൽ ആണ് ദീപിക പദുക്കോണിന്റെയും രൺവീർ സിംഗിന്റെയും വിവാഹം കഴിഞ്ഞത്. പക്ഷേ കുഞ്ഞുങ്ങൾ എപ്പോൾ വേണമെന്നത് ദീപിക പദുക്കോണിന് തീരുമാനിക്കാനുള്ള പൂർണ സ്വാതന്ത്ര്യം രൺവീർ നൽകിയതായി നടി പറഞ്ഞിട്ടുണ്ട്. തന്റെ ശരീരമാണ്, കുഞ്ഞിനെ ഗർഭം ധരിക്കേണ്ടതും പ്രസവിക്കേണ്ടതും താൻ മാനസികവും ശാരീരകവുമായി ഓകെയാവുമ്പോഴാണ് എന്നാണത്രെ രൺവീർ പറഞ്ഞത്.
ഇപ്പോൾ ദുവയുടെ മുഖം എപ്പോൾ ആരാധകരെ കാണിക്കും എന്നാണ് അറിയേണ്ടത്. പിറന്നാൾ ആശംസകൾക്കൊപ്പം, പിറന്നാളിന് ദുവയെ പരിചയപ്പെടുത്തുമോ എന്ന് ചോദിച്ചു വരുന്ന കമന്റുകളും ദീപിക പദുക്കോണിന്റെ പോസ്റ്റിന് താഴെ വരുന്നുണ്ട്.