മക്കളുടെ വളര്‍ച്ച കാണാന്‍ പറ്റുന്നത് മാതാപിതാക്കളുടെ പുണ്യം! ദിലീപിന്റെ വാക്കുകളിൽ സുചിത്രയോടും ലാലിനോടും ഉള്ള സ്നേഹം

Authored by: ഋതു നായർ|Samayam Malayalam•31 Oct 2025, 10:21 pm

മോഹൻലാലിൻറെ മകൾ വിസ്മയ നായിക ആകുന്ന സിനിമ ആണ് തുടക്കം. ചിത്രത്തിന്റെ പൂജ ചടങ്ങുകൾ അതിഗംഭീരം ആയിട്ടാണ് നിർവഹിച്ചത്. നിരവധി താരങ്ങൾ അതിഥികൾ ആയ എത്തിയ ചടങ്ങിൽ ദിലീപ് നടത്തിയ പ്രസംഗം ആണ് വൈറൽ ആകുന്നത്.

എന്നെ വിളിച്ചതിനുള്ള നന്ദി അറിയിക്കുന്നു. എന്റെ ഓർമ്മയിൽ പെട്ടെന്ന് വരുന്നത് ഉള്ളടക്കം സിനിമയുടെ അസിസ്റ്റന്റ് ആയി ലാലേട്ടന്റെ കൂടെ വർക്ക് ചെയ്യുന്നത് ആണ്. അതിന്റെ നിർമ്മണം ബാലാജി സാറിന്റെ മകൻ ആയ സുരേഷ് ബാലാജി സാർ ആയിരുന്നു. ശരിക്കും പറഞ്ഞാൽ സൗത്ത് ഇന്ത്യ മാത്രമല്ല ഇന്ത്യൻ സിനിമയിൽ ഒന്നടങ്കം എടുത്തു പറയുന്ന ഒരു പേരായിരുന്നു ബാലാജി പ്രൊഡക്ഷൻസ്. ഇവിടെ ഇന്ന് ഏറ്റവും പ്രൗഡ് ആയ കാര്യം സുചിയേച്ചിയാണ്. കാരണം ഇത്രയും വലിയ നിർമ്മാതാവിന്റെ മകൾ, നമ്മളുടെ സ്വന്തം ആയ ലാലേട്ടന്റെ ഭാര്യ ആണ്. രണ്ടുമക്കൾ അവർ രണ്ടുപേരും സിനിമയിലേക്ക് വരുന്നത് അതൊക്കെ ഒരു പുണ്യമാണ്. കാരണം മക്കളുടെ വളർച്ച അച്ഛനും അമ്മയും എന്ന നിലയിൽ കാണാൻ സാധിക്കുന്നത് ഒരു ഭാഗ്യംപുണ്യം തന്നെ ആണ്.

ALSO READ: കളെ പ്രത്യേകിച്ചും ഗർഭിണികളാണെങ്കിൽ ഭയങ്കര ഇഷ്ടം! രാധിക വീണ്ടും വീണ്ടും അമ്മ ആയപ്പോൾ ഏറെ സന്തോഷിച്ചതും സുരേഷ്

ശരിക്കും പറഞ്ഞാൽ നമ്മൾക്ക് എല്ലാവർക്കും പ്രത്യേകിച്ചും അത്രയും സ്നേഹിക്കുന്ന ലാലേട്ടന്റെ കുടുംബത്തിൽ ഒരു പരിപാടി നടന്നപ്പോൾ അതിനു എന്നെ വിളിച്ചതിൽ നന്ദി ഞാൻ പറയുന്നു. അതുപോലെ തന്നെ ആന്റണി ചേട്ടൻ. ഞാൻ സിനിമയിൽ വന്ന കാലം മുതൽക്കേ കാണുന്നതാണ് ആന്റണി ചേട്ടനെ. അദ്ദേഹത്തിന്റെ വളർച്ച അദ്ദേഹത്തിന്റെ കഷ്ടപ്പാട് ഒക്കെ ഞാൻ കണ്ടിട്ടുണ്ട്. മലയാള സിനിമക്ക് തന്നെ ഒരുപാട് കച്ചവട സാദ്യതകൾ ഒക്കെ കാണിച്ചു തന്ന ആള് ആന്റണി ചേട്ടൻ ആണ്. എംബിഎ ഒന്നും പഠിച്ചിട്ടില്ല പക്ഷെ എല്ലാ സാധ്യതകളും അദ്ദേഹത്തിന് അറിയാം. അത്രയും ഗംഭീരമായിട്ടാണ് അദ്ദേഹം കാര്യങ്ങൾ ചെയ്യുന്നത്

മായ ലാലേട്ടന്റെ വിസ്മയ, ഇന്ത്യൻ സിനിമയിൽ വിസ്മയം ആകട്ടെ എന്നും ആശംസിക്കുന്നു. ആന്റണി ചേട്ടന്റെ മകനും, അപ്പുവിനും എന്റെ ആശംസകൾ . പിന്നെ ജൂഡ് അദ്ദേഹത്തിന്റെ കഴിവുകൾ നമുക്ക് അറിയുന്നതാണ് ഈ സിനിമയിലും അദ്ദേഹം വിസ്മയം സൃഷ്ടിക്കട്ടെ; ദിലീപ് ആശംസകൾ നേർന്നുകൊണ്ട്പറഞ്ഞു .