മഞ്ജു എങ്ങനെ ലേഡി സൂപ്പർസ്റ്റാറാകും ആ സിനിമകൾക്ക് ശേഷം ഒന്നും ചെയ്തിട്ടില്ല : ദിലീപിന്റെ ഭഭബ സഹിക്കാൻ പറ്റാത്തത്; ശാന്തിവിള പറയുന്നു

പറയാൻ ഉള്ളത് മനസ്സിൽ വയ്ക്കാതെ തുറന്നുപറയുന്ന സംവിധായകൻ ആണ് ശാന്തിവിള ദിനേശ് . മലയാള സിനിമക്ക് മികച്ച സംഭാവന നൽകിയ ശാന്തിവിള ഇപ്പോൾ അഭിനയത്തിലും സജീവം ആവുകയാണ്. തന്റെ വ്യക്തമായ അഭിപ്രായങ്ങൾ കൊണ്ട് നിരവധി ശത്രുക്കളെയും നേടിയ അദ്ദേഹം സമയം മലയാളത്തിന് നൽകിയ അഭിമുഖത്തിലൂടെ തിരിച്ചുവരവിലെ നായികമാരെക്കുറിച്ചും, ദിലീപ് സിനിമകൾ അടക്കം ഈ അടുത്തിറങ്ങിയ ചിത്രങ്ങളെ കുറിച്ചും സംസാരിക്കുകയാണ്.

അവരെ മടുത്തത് കൊണ്ടാണ് തിരിച്ചുവരവ് ആഘോഷിക്കപ്പെടാതെ പോകുന്നത് എന്നാണ് അദ്ദേഹത്തിന്റെ അഭിപ്രായം; ലേഡി സൂപ്പർ സ്റ്റാർ എന്നല്ലേ മഞ്ജു വാര്യരെ നിങ്ങൾ വിളിക്കുന്നത്. അപ്പോൾ നിങ്ങൾ പറയും ദിലീപിനെ ഞാൻ അനുകൂലിക്കുന്നതുകൊണ്ടാണ് എതിർക്കുന്നത് എന്ന്. ലേഡി സൂപ്പർ സ്റ്റാർ എന്ന് വിളിക്കണം എങ്കിൽ ഇപ്പോൾ തെലുഗിലെ വിജയശാന്തി ഹിന്ദിയിലെ രേഖ അവരൊക്കെയാണ്. ആറാം തമ്പുരാനും, കന്മദത്തിനും ശേഷം അവർ ഒരു കുന്തവും കാണിച്ചില്ല. സമ്മർ ഇൻ ബേത്ലഹേം പോലെയുള്ള കെട്ടുകാഴ്ചയിൽ ആണ് പിന്നെ അവർ അഭിനയിച്ചത്. അതൊന്നും നടി എന്ന നിലയിൽ അംഗീകരിക്കാനാകില്ല.

ചോട്ടാമുംബൈയിലെ ഭാവനയും, നവ്യയുടെ ഒരുത്തിയും ഒക്കെ അവർ നന്നായി ചെയ്തു. കസ്തൂരിമാനും, പെരുമഴക്കാലം ഒക്കെ കണ്ടപ്പോൾ മീര കുറേക്കാലം നിൽക്കും എന്നോർത്ത്. പക്ഷേ അവർ ഇപ്പൊ എന്ത് വേഷവും ചെയ്യാം എന്ന നിലയിലേക്ക് മാറി. നോട്ടബിൾ ആയി ഒന്നും അല്ല ഇവരൊന്നും.

ALSO READ: ദിലീപ് ഒപ്പമില്ലാതെയും യാത്രകൾ പഠിച്ചു, സ്വന്തം കാലിൽ നില്ക്കാൻ ശീലിച്ചു! എല്ലാം ഓർമ്മവന്നു കുറച്ചുനേരത്തിനുള്ളിൽ! വൈറൽ വീഡിയോ
സർവ്വം മായ ആണ് എനിക്ക് ഇപ്പോൾ ഇറങ്ങിയ ചിത്രങ്ങളിൽ ഏറെ ഇഷ്ടം ആയത്. ഒന്നുകൂടി കാണാൻ ആഗ്രഹം ഉണ്ടെന്ന് ഭാര്യ പറഞ്ഞു. ഭഭ ബ ആദ്യ ദിവസം രാത്രി പന്ത്രണ്ടുമണിക്ക് പോയി കണ്ട സിനിമയാണ്. പക്ഷേ പത്തിരുപത് മിനിറ്റ് കണ്ടപ്പോൾ തന്നെ പോകാം എന്ന് പറഞ്ഞു, ഓ സഹിക്കാൻ പറ്റില്ല. എന്ത് അടിസ്ഥാനത്തിൽ ദിലീപ് ഇത് ചെയ്തു എന്ന് ചോദിച്ചാൽ എനിക്ക് അറിയില്ല. പക്ഷേ ഞാൻ ചോദിച്ചാൽ പറയും ചേട്ടന് ഇപ്പോഴത്തെ ജെനെറേഷനെ അറിയില്ല എന്ന്. എന്നാൽ ഞാൻ ഇപ്പോഴും പറയും സി ഐഡി മൂസ, കുഞ്ഞിക്കൂനൻ പറക്കും തളിക പോലെയുള്ള സിനിമകൾ ചെയ്‌താൽ ദിലീപിന് ഇനിയും സ്‌പേസ് ഇവിടെ കിട്ടും. മലയാളത്തിന് അങ്ങനെ ഒരു സ്‌പേസ് ഉണ്ട്. ദിലീപിന് ഇനിയും പത്തുവർഷത്തോളം ഈസി ആയി പോകാൻ ആകും. അത് മലയാളത്തിന്റെ സ്‌പേസ് ആണ്. സെലെക്ഷനിൽ ശ്രദ്ധിച്ചാൽ മതി.

ദാരിദ്ര്യ സിനിമ ഒന്നും ഇപ്പോൾ ഇല്ലല്ലോ. നല്ല പൈസ കൊടുത്ത് ഫ്രെയിം ഒക്കെ ഒരുക്കി ചെയ്യുന്നവർ അല്ലെ ഇന്നത്തെ ആളുകൾ. ഇപ്പോൾ ടെക്‌നോളജി ഒക്കെ മാറിയില്ലേ. അതൊക്കെ വലിയ മാറ്റം ആണ്. മുന്നൂറുകോടി സിനിമ ഒക്കെയാണ് ഇന്ന് മലയാളത്തിൽ സംഭവിച്ചത്; ശാന്തിവിള വാചാലനായി,