2 days ago
2
അതുവരെ മലയാളത്തില് സജീവമായിരുന്ന അനുമോള് എന്ന നടിയ്ക്ക് തമിഴകത്ത് വലിയൊരു ബ്രേക്ക് നല്കിയ സീരീസ് തന്നെയാണ് ഹാര്ട്ട് ബീറ്റ്. വെബ് സീരീസിലെ രധി എന്ന കഥാപാത്രത്തെ അത്രയധികം ജനം സ്വീകരിച്ചു, ഇഷ്ടപ്പെട്ടു. അതുകൊണ്ട് മാത്രം അനുമോള്ക്ക് തമിഴകത്ത് വലിയൊരു ഫാന് ഫോളോയിങും, ഫാന്സ് പേജുകളുമുണ്ട്.
എന്നാല് ഡോക്ടര് രധിയായി സംവിധായകന് ആദ്യം മനസ്സില് കണ്ടത് അനുമോളെ ആയിരുന്നില്ല. പല ഓപ്ഷനുകള്ക്ക് ശേഷമാണ് അനുമോളിലേക്ക് എത്തിയത്. എന്നാല് ഇപ്പോള് അനുമോളെ അല്ലാതെ മറ്റൊരാളെ രധിയായി സങ്കല്പ്പിക്കാന് പോലും കഴിയില്ല എന്നാണ് സംവിധായകന് പറയുന്നത്.
ഹാര്ട്ട്ബീറ്റിന്റെ കഥ എഴുതുമ്പോള് ഡോക്ടര് രധി എന്ന കഥാപാത്രമായി മനസ്സിലുണ്ടായിരുന്നത് മഞ്ജു വാര്യര് ആയിരുന്നുവത്രെ. എന്നാല് മഞ്ജു വാര്യരിലേക്ക് എത്തിപ്പെടാന് നമുക്ക് കഴിയില്ല എന്ന ചിന്തയിലാണ് അടുത്ത ഓപ്ഷനിലേക്ക് പോയത്. അത് നടി അഭിരാമിയാണ്. ഇപ്പോള് ബ്ലാസ്റ്റ് എന്ന ചിത്രത്തിലൂടെയെല്ലാം തിളങ്ങി നില്ക്കുന്ന അഭിരാമിയ്ക്ക് ഹാര്ട്ട് ബീറ്റിന്റെ കഥ ഇഷ്ടപ്പെട്ടിരുന്നു, ചെയ്യാമെന്നേറ്റതുമാണ്. പക്ഷേ ഡേറ്റ് ക്ലാഷ് വന്നതിനെ തുടര്ന്ന് അഭിരാമിയ്ക്ക് ഏറ്റെടുക്കാന് സാധിച്ചില്ല.
അതിന് ശേഷം മേഘ രാജ് എന്ന നായികയെ സമീപിച്ചു, അവര്ക്കും അത്രയധികം ഡേറ്റ്സ് നല്കാന് കഴിയില്ല എന്ന് പറഞ്ഞു. സ്വാസികയായിരുന്നു അടുത്ത ഓഫ്ഷന്. പക്ഷേ മകളായി അഭിനയിക്കുന്ന റീന എന്ന കഥാപാത്രവുമായി നോക്കുമ്പോള് സ്വാസികയ്ക്ക് അത് മാച്ച് ആവുന്നില്ല, ഒരുപാട് ചെറുപ്പമായിപോയി എന്ന ഫീലായി. അതിന് ശേഷമാണ് അനുമോളുടെ ഫോട്ടോ ശ്യാം കാണിച്ചു തന്നത്. നാല് മാസത്തോളം ഇരുന്ന് കണ്വിന്സ് ചെയ്താണ് അനുമോളെ ഈ വെബ്സീരീസിലേക്ക് കൊണ്ടുവന്നത് എന്നാണ് സംവിധായകന് പറയുന്നത്
English (US) ·