മനോഹരമായ ഫോട്ടോഷൂട്ട് ചിത്രങ്ങളിലൂടെ ആ സന്തോഷ വാര്‍ത്ത പങ്കുവച്ച് പാര്‍വ്വതി നമ്പ്യാര്‍; അതെ ഞങ്ങളുടെ ആള്‍ ഇങ്ങെത്തുന്നു

2 months ago 2

Authored by: അശ്വിനി പി|Samayam Malayalam•17 Nov 2025, 2:35 pm

2020 ല്‍ ആയിരുന്നു പാര്‍വ്വതി നമ്പ്യാരുടെ വിവാഹം. അതിനിടയില്‍ പലതവണ വിവാഹ മോചന ഗോസിപ്പുകളും വന്നിട്ടുണ്ട്. എന്നാല്‍ ഇപ്പോള്‍ നടിയൊരു സന്തോഷ വാര്‍ത്തയാണ് പങ്കുവയ്ക്കുന്നത്

ചുരുക്കം ചില സിനിമകളിലേ അഭിനയിച്ചിട്ടുള്ളൂവെങ്കിലും പ്രേക്ഷകര്‍ക്ക് വളരെ അധികം പരിചിതയാണ് പാര്‍വ്വതി നമ്പ്യാര്‍ . വിവാഹത്തിന് ശേഷം അഭിനയത്തില്‍ നിന്ന് മാറി നില്‍ക്കുകയാണെങ്കിലും, തന്റെ ചെറിയ ചെറിയ സന്തോഷങ്ങളെല്ലാം നടി സോഷ്യല്‍ മീഡിയയിലൂടെ പങ്കുവയ്ക്കാറുണ്ട്. അങ്ങനെ ഏറ്റവുമൊടുവില്‍ പങ്കുവച്ചിരിയ്ക്കുന്നത് ഏറ്റവും സന്തോഷമുള്ള ഒരു വാര്‍ത്തയാണ്. അതെ പാര്‍വ്വതി നമ്പ്യാര്‍ അമ്മയാവാന്‍ പോകുന്നു

മനോഹരമായ ഫോട്ടോഷൂട്ട് ചിത്രങ്ങളും വീഡിയോകളും പങ്കുവച്ചുകൊണ്ടാണ് പാര്‍വ്വതി ആ സന്തോഷ വാര്‍ത്തയെ കുറിച്ച് പറയുന്നത്. ഗോള്‍ഡ് എംബ്രോയിഡറി വര്‍ക്കുകളുള്ള ഓഫ് വൈറ്റ് സാരിക്ക്, കറുപ്പ് സ്ലീവ്‌ലെസ്സ് ബ്ലൗസ് പെയര്‍ ചെയ്തതാണ് വേഷം. ഒരു ട്രഡീഷണല്‍ ഹെവി നക്ലൈസ് മാത്രമാണ് ഓര്‍ണമെന്റ്‌സ് ആയി ധരിച്ചിരിയ്ക്കുന്നത്. ലൂസ് ഹെയര്‍ സ്‌റ്റൈലില്‍ നെറ്റിയില്‍ ഒരു ചുവന്ന വട്ടപ്പൊട്ടും ആയാല്‍ ലുക്ക് പെര്‍ഫക്ട്.

Also Read: ഇത്രയും വലിയൊരു അംഗീകാരം കിട്ടിയിട്ട് ഒരു മാസം വരെ കാത്തിരുന്നത് എന്തിന്? സായി പല്ലവി പറയുന്നു

നിറ വയറിനെ താങ്ങിപ്പിടിച്ച്, നിറഞ്ഞ ചിരിയോടെ പങ്കുവച്ച ചിത്രങ്ങള്‍ അതി മനോഹരം എന്നല്ലാതെ ഒന്നും പറയാനില്ല. A psyche is choosing us, and we are opening successful grace- എന്നാണ് ഫോട്ടോകള്‍ക്ക് ക്യാപ്ഷന്‍ നല്‍കിയിരിക്കുന്നത്.

വിനിത് മേനോനാണ് പാര്‍വ്വതി നമ്പ്യാരുടെ ഭര്‍ത്താവ്. 2019 ല്‍ ആയിരുന്നു ഇരുവരുടെയും വിവാഹ നിശ്ചയം, 2020 ല്‍ ഗുരുവായൂര്‍ ക്ഷേത്രത്തില്‍ വച്ച് വിവാഹിതരായി. ഇതിനിടയില്‍ പലപ്പോഴും പാര്‍വ്വതി വിവാഹമോചിതയായി എന്ന തരത്തില്‍ ഗോസിപ്പുകള്‍ വന്നിരുന്നു. എന്നാല്‍ അതിനോടൊന്നും പ്രതികരിക്കാതിരുന്ന നടി ഭര്‍ത്താവിനൊപ്പമുള്ള മനോഹരമായ ചിത്രങ്ങള്‍ സോഷ്യല്‍ മീഡിയയില്‍ പങ്കുവച്ചുകൊണ്ടിരുന്നു.

Also Read: എന്തൊക്കെ സംഭവിച്ചാലും അങ്ങ് പറന്ന് പോകരുത്; ജീവിതത്തില്‍ ഇന്നും മുന്നോട്ടുകൊണ്ടു പോകുന്ന ആ ഉപദേശം

സഞ്ജു രാജസ്ഥാന്‍ വിടാനുണ്ടായ സാഹചര്യം വെളിപ്പെടുത്തി രാജസ്ഥാന്‍ റോയല്‍സ് ടീമുടമ

2011 ല്‍ മമ്മൂട്ടി ദ ബെസ്റ്റ് ആക്ടര്‍ എന്ന ടെലിവിഷന്‍ ഷോയിലൂടെയാണ് പാര്‍വ്വതി നമ്പ്യാര്‍ കരിയര്‍ ആരംഭിച്ചത്. ഏഴ് സുന്ദര രാത്രികള്‍, ലീല പോലുള്ള സിനിമകളിലെ വേഷം ശ്രദ്ധേയമായിരുന്നു. വിവാഹ ശേഷം അഭിനയം നിര്‍ത്തി എങ്കിലും, നര്‍ത്തകി കൂടെയായ പാര്‍വ്വതി ആ മേഖലയില്‍ സജീവമായിരുന്നു.

രചയിതാവിനെക്കുറിച്ച്അശ്വിനി പിസമയം മലയാളത്തില്‍ എന്റര്‍ടൈന്‍മെന്റ് സെക്ഷനില്‍ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് അശ്വിനി പി. 2013 ലാണ് പത്രപ്രവർത്തക എന്ന നിലയിലുള്ള കരിയർ ആരംഭിച്ചത്. വൺഇന്ത്യ - ഫിൽമിബീറ്റ് പോലുള്ള ദേശീയ മാധ്യമങ്ങളിൽ പ്രവ‍ൃത്തിച്ചു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനുമാണ് താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. സിനിമ ചർച്ചകളിൽ പങ്കെടുത്തിട്ടുണ്ട്. നവമാധ്യമ രംഗത്ത് പന്ത്രണ്ട് വര്‍ഷത്തെ പ്രവൃത്തി പരിചയം. പൊളിട്ടിക്കല്‍ സയന്‍സില്‍ ബിരുദവും ജേര്‍ണലിസത്തില്‍ ഡിപ്ലോമയും നേടി.... കൂടുതൽ വായിക്കുക