മമ്മൂട്ടിയും ഇന്ദ്രൻസും പിന്നെ കുട്ടന്റെ ഷിനിഗാമിയും! പുതിയ ചർച്ചകൾക്ക് കൂടി തിരി കൊളുത്തിയ സിനിമ

കുട്ടന്റെ ഷിനിഗാമിയാണ് സോഷ്യൽ മീഡിയ നിറയേ. മമ്മൂട്ടിയും ഇന്ദ്രൻസും കുട്ടന്റെ ഷിനിഗാമിയും പുതിയ ചർച്ചകൾക്ക് കൂടിയാണ് തിരി കൊളുത്തിയത്. ഇന്ദ്രൻസ് വ്യത്യസ്ത ഗെറ്റപ്പിൽ എത്തുന്ന ചിത്രം
നർമത്തിൽ ചാലിച്ച ത്രില്ലർ മൂഡുള്ള ഒരു കൊച്ചു സിനിമയാണ്.

ഗ്രാമീണ പശ്ചാത്തലത്തിൽ ഫാന്റസിയുടെ ചുവടുപിടിച്ച് മുന്നേറുന്ന കഥ പ്രേക്ഷകരെ ചിരിപ്പിക്കും രസിപ്പിക്കും എന്നാണ് അണിയറപ്രവർത്തകർ പറഞ്ഞത്. അതേപോലെ തന്നെ ഒരു വൈബ് ആണ് ചിത്രം അവസാനിക്കുമ്പോൾ പ്രേക്ഷകർക്ക് കിട്ടിയതും ഹൃദയത്തെ സ്പർശിക്കുന്ന ഒരു കഥകൂടിയാണ് കുട്ടന്റെ ഷിനിഗാമി .

ഇന്ദ്രൻസും ജാഫർ ഇടുക്കിയും മികച്ച പ്രകടനം കാഴ്ച വയ്ക്കുന്ന ഈ ചിത്രത്തിന്റെ കഥയും സംവിധാനവും നിർവഹിച്ചിരിക്കുന്നത് റഷീദ് പാറക്കൽ ആണ്.ചിത്രത്തെക്കുറിച്ചു പുകഴ്ത്തി മമ്മൂട്ടിയും എത്തിയിരുന്നു

'കുട്ടന്റെ ഷിനിഗാമി'യിലെ ഇന്ദ്രൻസിന്റെ അഭിനയത്തെ പുകഴ്ത്തി ആണ് മമ്മൂട്ടി എത്തിയത്, ഇന്ദ്രൻസിന്റെ അഭിനയം തന്നെ 'അത്ഭുതപ്പെടുത്തി എന്നാണ് അദ്ദേഹത്തിന്റെ വാക്കുകൾ.

കുട്ടന്റെ ഷിനിഗാമി' എന്നൊരു സിനിമയുണ്ട്. എത്ര പേർ അത് കണ്ടിട്ടുണ്ടെന്ന് എനിക്കറിയില്ല. ഈ വ്യക്തി നടത്തിയ പ്രകടനം... ഞാൻ അത്ഭുതപ്പെട്ടു പോയി. നിങ്ങൾ വിശ്വസിക്കില്ല, അത്തരമൊരു വ്യക്തിയാണ് കാലനെ അവതരിപ്പിക്കുന്നത്. ഒരു സ്യൂട്ട് ഒക്കെ ധരിച്ചെത്തുന്ന കാലൻ . വളരെ നല്ല ചിത്രമാണ്. ജാഫർ ഇടുക്കിയും ഇന്ദ്രൻസും മികച്ച പ്രകടനമാണ് കാഴ്ചവച്ചത് മമ്മൂട്ടി പറഞ്ഞു.

മഞ്ചാടി ക്രിയേഷൻസിന്റെ ബാനറിൽ അഷറഫ് പിലാക്കലാണ് ഷിനിഗാമിയുടെ നിർമ്മാണം നിർമാണം. അനീഷ് ജി മേനോൻ, ശ്രീജിത്ത് രവി, സുനിൽ സുഖദ, അഷറഫ് പിലായ്ക്കൽ, ഉണ്ണിരാജ, മുൻഷി രഞ്ജിത്ത്, പ്രിയങ്ക, അഖില, സന എന്നിവരാണ് കുട്ടൻ്റെ ഷിനിഗാമിയിലെ മറ്റ് പ്രധാന അഭിനേതാക്കൾ.