മമ്മൂട്ടിയുടെ നായിക, ഹുമ ഖുറേഷിയുടെ കസിനെ കുത്തിക്കൊന്നു!

Authored by: അശ്വിനി പി|Samayam Malayalam•8 Aug 2025, 12:43 pm

വൈറ്റ് എന്ന മമ്മൂട്ടി ചിത്രത്തിലൂടെ മലയാളി പ്രേക്ഷകർക്ക് ഏറെ പരിചിതയാണ് ഹുമ ഖുറേഷി എന്ന നടി. താരത്തിന്റെ കസിൻ കൊല്ലപ്പെട്ടു എന്ന വാർത്തയാണ് ഇപ്പോൾ പുറത്തുവരുന്നത്. പാർക്കിങിനെ ചൊല്ലിയുള്ള തർക്കത്തിൽ ആസിഫിനെ കുത്തി പരിക്കേൽപ്പിക്കുകയായിരുന്നു. ആശുപത്രിയിലേക്ക് കൊണ്ടുപോകുമ്പോഴേക്കും മരിച്ചു.

Also Read: കല്യാണം കഴിച്ചത് 2 വയസ്സ് മൂത്ത ആളെ, ഇപ്പോൾ പ്രണയിക്കുന്ന ആളുടെ വയസ്സോ? ധനുഷും മൃണാളും തമ്മിലുള്ള പ്രായ വ്യത്യാസം?

ഇന്നലെ അർധരാത്രി 11 മണിക്കാണ് സംഭവം. ദില്ലിയിലെ നിസാമുദ്ദീന് സമീപം ജംങ്ക്പുര ഭോഗൽ ലൈനിന് സമീപത്തുവച്ചാണ് സംഭവം. തന്റെ വീടിന്റെ മെയിൻ ഗേറ്റിന് മുന്നിലായി ബൈക്ക് പാർക്ക് ചെയ്യുന്നതുമായി ബന്ധപ്പെടാണ് ആസിഫിന് രണ്ട് യുവാക്കളോട് സംസാരിച്ചു, സംസാരം വഴക്കായി, രണ്ടു പേർ ചേർന്ന് ആസിഫിനെ കുത്തി പരിക്കേൽപിക്കുകയായിരുന്നു.

Also Read: എല്ലാം ഷെയർ ചെയ്തതിനു ശേഷം കേസ് കൊടുത്തിട്ട് കാര്യമില്ല! വിവാഹത്തിനുശേഷം ജീവിതം കളറായി; ഷിയാസും ദർഭയും പറയുന്നു

ഉടനെ അടുത്തുള്ള ആശുപത്രിയിൽ എത്തിച്ചുവെങ്കിലും ജീവൻ നഷ്ടപ്പെട്ടു. കൊലപ്പെടുത്തിയ രണ്ട് പ്രതികളെയും അറസ്റ്റ് ചെയ്തതായി പൊലീസ് അറിയിച്ചു. നിസ്സാരമായ കാര്യത്തിനാണ് ആസിഫിനെ, മൂർച്ചയുള്ള ആയുധങ്ങൾ കൊണ്ട് കുത്തി പരിക്കേൽപ്പിച്ചത് എന്ന് ഭാര്യയും കുടുംബവും ആരോപിച്ചു. നേരത്തെയും പാർക്കിങിനെ ചൊല്ലി ഈ യുവാക്കൾ ആസിഫിനോട് തർക്കിച്ചിരുന്നുവത്രെ.

Also Read: ഇത് വല്ലാത്തൊരു തരം പ്രണയമാണ്! അല്ലു അ‍ർജുനും ഭാര്യയും ഒരുമിച്ചുള്ള വീഡിയോ വൈറലാവുന്നു


വ്യാഴാഴ്ച, ആസിഫ് ജോലി കഴിഞ്ഞ് തിരിച്ചെത്തിയപ്പോൾ, വീടിന്റെ പ്രധാന കവാടത്തിന് മുന്നിൽ അയൽക്കാരന്റെ ഇരുചക്ര വാഹനം പാർക്ക് ചെയ്തിരിക്കുന്നത് കണ്ടതായും തുടർന്ന് അത് അവിടെ നിന്ന് മാറ്റാൻ ആവശ്യപ്പെട്ടതായും ആസിഫിന്റെ ഭാര്യ സൈനാശ് ഖുറേഷി പറഞ്ഞു. എന്നാൽ മാറ്റി പാർക്ക് ചെയ്യുന്നതിന് പകരം, അവർ ആസിഫിനെ അസഭ്യം പറയുകയായിരുന്നു. തുടർന്നുണ്ടായ വഴക്കിലാണ് കുത്തി പരിക്കേൽപ്പിച്ചത്. കേസിൽ പൊലീസ് കൂടുതൽ അന്വേഷണം നടത്തി വരികയാണ്.