മരിക്കാൻ പോയ ആളാണ് ഭീഷണി ഏൽക്കില്ലെന്ന് എലിസബത്ത്! എന്റെ ശത്രുവല്ല അദ്ദേഹമെന്ന് മറുപടിയുമായി ബാല

Authored by: ഋതു നായർ|Samayam Malayalam•18 Jul 2025, 10:45 am

ജീവിതത്തിലേക്ക് തിരിച്ചുവന്നുവെന്നും അപകടനില അതിജീവിച്ചുവെന്നും എലിസബത്ത്. എന്റെ ഒപ്പം കുറച്ചുപേരെങ്കിലും നിൽക്കുന്നതിൽ സന്തോഷം ഉണ്ടെന്നും, നീതിക്ക് വേണ്ടിയുള്ള തന്റെ പോരാട്ടം തുടരുമെന്നും എലിസബത്ത് പറയുന്നു. എന്നാൽ തന്റെ ശത്രുവല്ല എലിസബത്തെന്നാണ് ബാലയുടെ പ്രതികരണം. ഇരുവരുടെയും വാക്കുകൾ

മരിക്കാൻ റെഡി ആയ എനിക്ക് ഒരു ഭീഷണിയും കളിയാക്കലും ഏൽക്കില്ല. ഇനിയിപ്പോ എന്ത് കേസ് വന്നാലും ജെയിലിൽ കിടക്കാനും ഞാൻ റെഡിയാണ്. എനിക്ക് ഇതുവരെയും നീതി കിട്ടിയിട്ടില്ല. ഈ വീഡിയോ ചെയ്തതിന്റെ പേരിൽ ജീവിതകാലം മുഴുവനും ജയിലിൽ കിടക്കാൻ ഞാൻ റെഡിയാണ്. ഡോക്ടർ പേഷ്യന്റ് റിലേഷൻ ഷിപ്പ് ആണെന്ന് ആണ് പറഞ്ഞു കേട്ടത്. കല്യാണ ഫങ്ങ്ഷൻ ഒക്കെ നടത്തിയതും നെറ്റിയിൽ സിന്ദൂരം അണിയിച്ചതും ഒക്കെ ഞാൻ ഡോക്ടർ പേഷ്യന്റ് ബന്ധത്തിൽ ഉള്ള ആളായത് കൊണ്ടാണോ.

നിങ്ങളുടെ ആദ്യ പാർട്ണറിന്റെ നമ്പർ വരെയും എന്റെ കൈയ്യിൽ ഉണ്ട്. അവരുമായി നിങ്ങൾ കോണ്ടാക്ട് ഉണ്ടെന്നും എനിക്ക് അറിയാം. പിന്നെ ഭാര്യ ആണെന്ന് പറഞ്ഞു രജിസ്റ്റർ ചെയ്യാഞ്ഞത് ആണെങ്കിൽ നിങ്ങളും നിങ്ങളുടെ അമ്മയും ആണ് കുറ്റക്കാർ. കാരണം അന്ധവിശ്വാസം ആണ്. നാൽപ്പത്തി ഒന്ന് വയസ് വരെ ജാതകത്തിൽ വിഷയം ഉണ്ടെന്നും പറഞ്ഞാണ് നിങ്ങൾ നിയമപരമായി രജിസ്റ്റർ ചെയ്യാതെ ഇരുന്നത്.

ഒരു ഡോക്ടറെ കൂടെ നിർത്താൻ ഒരു ഫങ്ഷൻ നടത്തേണ്ട കാര്യം ഉണ്ടോ. നിങ്ങളും നിങ്ങളുടെ വീട്ടുകാരും കൂടി പറഞ്ഞു പറ്റിച്ചതാണ്. വേറെ ഒരാളുടെ മുൻപിൽ വച്ച് ശാരീരിക ഉപദ്രവം ഏൽപ്പിച്ച സമയത്തും ഞാൻ സൂയിസൈഡ് അറ്റംപ്റ് ചെയ്തിരുന്നു അത് ഞാൻ നേരത്തെ പറഞ്ഞതാണ്. മൂന്നു ദിവസം തുടർച്ചയായി എന്നെ പൂട്ടിയിട്ടതാണ്. അന്ന് നിങ്ങൾ എന്നോട് ചെയ്തതിന്റെ പ്രൂഫ് ഒക്കെയും എന്റെ കൈയ്യിൽ ഉണ്ട്. പല വീഡിയോയിലും നിങ്ങൾ പറഞ്ഞിരുന്നു എന്റെ ഭാര്യ ഗോൾഡ് ആണ് തേനാണ് എന്നൊക്കെ എത്ര പെട്ടെന്നാണ് ഞാൻ വിഷമായി നിങ്ങൾക്ക് മാറിയത്; എലിസബത്ത് പുതിയ വീഡിയോയിൽ പറയുന്നു.

ALSO READ: യൂസഫലിക്കും ബന്ധു! ഈ സമീർ ഹംസയെ എത്രപേർക്ക് അറിയാം! ലാലേട്ടനുമായി തകർക്കാനാകാത്ത ബന്ധം; വിശേഷങ്ങൾ

എന്റെ വൈഫും ഞാനും വളരെ നല്ല ജീവിതത്തിൽ പോകുകയാണ്. ഒരു ദിവസം പോലും ഞങ്ങൾ തമ്മിൽ വഴക്ക് ഇട്ടിട്ടില്ല. വളരെ നല്ല സ്നേഹത്തിൽ ആണ് മുൻപോട്ട് പോകുന്നത്.അങ്ങനെ ഉള്ള ഞാൻ എന്തിനാണ് മറ്റൊരാളെ ഉപദ്രവിക്കുന്നത്. അതൊന്നും എന്നെ ബാധിക്കുന്ന വിഷയങ്ങൾ അല്ല. എല്ലാത്തിനും കോർട്ട് ഓർഡർ ഉണ്ട്. ഞാനും അദ്ദേഹവും കോർട്ട് ഓർഡർ അനുസരിച്ചു മുൻപോട്ട് പോകേണ്ടവർ ആണ്. എന്നാൽ അദ്ദേഹം ഒരുപാട് വട്ടം കോർട്ട് ഓർഡർ വയലേറ്റ്‌ ചെയ്തു. അത് പാടില്ലാത്തതാണ്. ഞാൻ ആരെയും ഉപദ്രവിച്ചിട്ടില്ല, അവർ ഒരിക്കലും എന്റെ ശത്രുവല്ല. ഞാനും കോകിലയും ഇപ്പോൾ വളരെ സന്തോഷമായി ഞങ്ങളുടെ കുടുംബം ആയി പോകുന്നു. ഇത് എനിക്ക് എതിരെ നടക്കുന്ന മാസ് അറ്റാക്ക് ആണ്. എന്നെയും കോകിലയേയും വെറുതെ വിട്ടാൽ മതി. എല്ലാം നഷ്ടപെട്ട മനുഷ്യനാണ് ഞാൻ. ജീവിച്ചുപോക്കോട്ടേ; ബാല വിവിധ മാധ്യമങ്ങളോടായി പറഞ്ഞു.