മഴയിൽ മുങ്ങുമോ ബെംഗളൂരു ചെന്നൈ മത്സരം? ഉപേക്ഷിച്ചാൽ കോഹ്ലിക്കും സംഘത്തിനും വൻ തിരിച്ചടി

Edited byഅനുഷ ഗംഗാധരൻ | Samayam Malayalam | Updated: 3 May 2025, 10:54 am

ബെംഗളൂരു: ഐപിഎൽ 2025 സീസണിൽ ഇന്ന് ചെന്നൈ സൂപ്പർ കിങ്‌സും റോയൽ ചലഞ്ചേഴ്‌സ് ബെംഗളൂരുവും തമ്മിൽ ഏറ്റുമുട്ടാൻ ഒരുങ്ങുകയാണ്. എന്നാൽ വാശിയേറിയ ഈ മത്സരത്തിന് മഴ വില്ലനാകുമോ എന്നാണ് ആരാധകരിൽ ഭയം. റോയൽ ചലഞ്ചേഴ്‌സ് ബെംഗളൂരുവിന്റെ ഹോം ഗ്രൗണ്ടായ ചിന്നസ്വാമി സ്റ്റേഡിയത്തിൽ വെച്ച് രാത്രി 7.30 നാണ് മത്സരം. കാലാവസ്ഥ റിപ്പോർട്ട് അനുസരിച്ച് മഴ പെയ്യാൻ സാധ്യത ഉണ്ട്. അങ്ങനെയെങ്കിൽ ആർസിബിയ്ക്ക് അത് തിരിച്ചടിയാകും.
ചെപ്പോക്കിലെ നാണക്കേടിന് മറുപടി കൊടുക്കുമോ; സിഎസ്കെയെ വീഴ്ത്തി പോയിന്റ് ടേബിളിൽ ഒന്നാമനാകാൻ ആർസിബി; ടീമുകൾ നേരിടുന്ന വെല്ലുവിളികൾഐപിഎൽ 2025 ൽ പോയിന്റ് പട്ടികയിൽ ഒന്നാം സ്ഥാനത്തായിരുന്ന ആർസിബി ഇപ്പോൾ മൂന്നാം സ്ഥാനത്താണ്, മുംബൈ ഇന്ത്യൻസിന്റെയും ഗുജറാത്ത് ടൈറ്റൻസിന്റെയും പെട്ടന്നുള്ള കുതിപ്പാണ് ഒന്നാം സ്ഥാനക്കാരായ ആർസിബിയെ മൂന്നാം സ്ഥാനത്തേക്ക് എത്തിച്ചത്. എന്നാൽ ഇന്ന് നടക്കുന്ന മത്സരത്തിൽ ചെന്നൈയെ പരാജയപ്പെടുത്തി ഉയർന്ന റൺ റേറ്റ് നേടി ഐപിഎൽ ടേബിൾ ടോപ്പിൽ എത്താം എന്നാണ് പ്രതീക്ഷ. ആ പ്രതീക്ഷയ്ക്ക് മങ്ങലേൽപ്പിക്കുകയാണ് ബെംഗളൂരിൽ മൂടി നിൽക്കുന്ന കാർമേഘം.
ഇന്ന് വൈകുന്നേരത്തോടെ ബെംഗളൂരിൽ മഴ ശക്തമാകാൻ സാധ്യത ഉണ്ട് എന്നാണ് അക്യുവെതർ റിപ്പോർട്ട് ചെയ്‌തിരിക്കുന്നത്‌. 43% സാധ്യത കാണുന്നതുകൊണ്ടുതന്നെ ഇടിമിന്നലോടുകൂടിയ മഴ കാരണം മാച്ച് തടസപ്പെടാൻ സാധ്യതയുണ്ടെന്നും പ്രവചനമുണ്ട്. ഐപിഎൽ 2025 സീസണിൽ കളിച്ച 10 കളികളിൽ 8 തോൽവി വഴങ്ങി സീസണിൽ നിന്ന് ആദ്യം പുറത്തായ ടീം ആണ് എം എസ് ധോണി നയിക്കുന്ന ചെന്നൈ സൂപ്പർ കിങ്‌സ്. അതുകൊണ്ടു തന്നെ ഈ മത്സര ഫലം സീസണിൽ നിർണായക ചലനങ്ങൾ ഒന്നും തന്നെ ടീമിന് നൽകില്ല. എന്നാൽ ഈ സീസണിൽ ഏറ്റുവാങ്ങിയ ഒരു വമ്പൻ നാണക്കേടിന് മറുപടി പറയാൻ ഒരുപക്ഷെ ഇന്ന് നടക്കുന്ന മത്സരത്തിൽ ജയിച്ചാൽ സിഎസ്കെയ്ക്ക് സാധിക്കും.

ഈ സീസണിൽ ഇതിന് മുൻപ് ഇരു ടീമുകളും ഏറ്റുമുട്ടുന്നത് ചെന്നൈയുടെ ഹോം ഗ്രൗണ്ടായ ചെപ്പോക്കിൽ വെച്ചാണ്. അന്ന് വർഷങ്ങൾക്ക് ശേഷം ആർസിബി ചെന്നൈയുടെ ഹോം ഗ്രൗണ്ടിൽ വിജയിച്ചു. ഇത് ആരാധകരെ നന്നേ നിരാശയിലാക്കി. ഇന്ന് ആ തോൽവിക്കുള്ള പ്രതികാരം ബെംഗളൂരിന്റെ ഹോം ഗ്രൗണ്ടിൽ വെച്ച് തീർക്കാൻ സിഎസ്കെ സജ്ജമായപ്പോളാണ് മഴ വില്ലനായി എത്തുന്നത്.

അതേസമയം ആർസിബിയ്ക്കും ഇന്ന് നടക്കുന്ന മത്സരത്തിൽ ജയം അനിവാര്യമാണ്. നിലവിൽ 14 പോയിന്റുള്ള ആർസിബി ഇന്ന് ചെന്നൈയെ തകർത്താൽ 16 പോയിന്റ് നേടും. അങ്ങനെ വന്നാൽ വീണ്ടും ഐപിഎൽ ടേബിൾ ടോപ്പിൽ എത്തും. ഇത്തരത്തിൽ ടേബിൾ ടോപ്പിൽ ഗ്രൂപ്പ് മത്സരങ്ങൾ അവസാനിച്ചാൽ മാത്രമേ ഫൈനലിലേക്കെത്താനുള്ള വഴി ആർസിബിയ്ക്ക് ലളിതമാവുകയുള്ളു.