മാമാട്ടിക്കുട്ടിക്കും അമ്മയ്ക്കുമൊപ്പം കാവ്യ എത്തി, മൂത്ത ചേച്ചിയുടെ വരവിനെ കുറിച്ച് അനു സിത്താര

കലാക്ഷേത്രയുടെ പരിപാടിയ്ക്കായി കാവ്യ മാധവന്‍ ദുബായില്‍ എത്തിയ വിശേഷം കഴിഞ്ഞ ദിവസം മുതല്‍ സോഷ്യല്‍ മീഡിയയിലൂടെ ആരാധകര്‍ അറിയുന്നതാണ്. നീല സാരിയില്‍ അതീവ സുന്ദരിയായ കാവ്യയുടെ ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു. എന്തായാലും ദുബായില്‍ പോയ സ്ഥിതിക്ക് മറ്റൊരാളെ കൂടെ കണ്ടതിന് ശേഷമാണ് കാവ്യ മാധവന്‍ തിരിച്ചെത്തിയത്. മറ്റാരെയുമല്ല, അനു സിത്താരയെ.

അഭിനയത്തില്‍ നിന്ന് ബ്രേക്ക് എടുത്ത് മാറി നില്‍ക്കുന്ന അനു സിത്താര ഇപ്പോള്‍ ദുബായില്‍ നൃത്ത വിദ്യാലയം നടത്തുകയാണ്. കമലദളം എന്ന ഡാന്‍സ് സ്‌കൂളിന്റെ വിശേഷങ്ങള്‍ അനു തന്റെ സോഷ്യല്‍ മീഡിയ പേജിലൂടെ നിരന്തരം പങ്കുവയ്ക്കുന്നുണ്ടായിരുന്നു. ഇപ്പോഴിതാ അവിടേക്ക് കാവ്യ മാധവന്‍ എത്തിയ വീഡിയോ പങ്കുവച്ചിരിയ്ക്കുന്നു.

Also Read: 40 കഴിഞ്ഞ പ്രിയങ്കയ്ക്കും ദീപികയ്ക്കും ഇവിടെ നായികയാവാം; തനിക്ക് വരുന്ന അമ്മ റോളിനെ കുറിച്ച് ഭൂമിക ചൗള

മൂത്ത ചേച്ചിയുടെ ചേര്‍ത്തു പിടിക്കല്‍ പോലെയായിരുന്നു കാവ്യ ചേച്ചിയുടെ സാന്നിധ്യം, കമലദളത്തില്‍ കാവ്യ ചേച്ചി വന്നു- എന്ന് പറഞ്ഞാണ് അനു സിത്താര വീഡിയോ പങ്കുവച്ചത്. കാവ്യ മാധവനൊപ്പം മകള്‍ മഹാലക്ഷ്മിയും (മാമാട്ടിക്കുട്ടി) അമ്മയും ഉണ്ടായിരുന്നു. വീഡിയോ ആരാധകര്‍ ഏറ്റെടുത്തുകഴിഞ്ഞു.

അനു സിത്താര അഭിനയ ലോകത്തേക്ക് വന്ന തുടക്ക കാലത്ത്, കാണാന്‍ കാവ്യ മാധവനെ പോലെ തന്നെയുണ്ട് എന്ന കമന്റുകള്‍ ഒരുപാട് വന്നിരുന്നു. കാവ്യയുടെ അതേ സൗന്ദര്യം എന്നൊക്കെയുള്ള കമന്റുകള്‍ കേള്‍ക്കാന്‍ തനിക്കും ഇഷ്ടമാണ് എന്ന് അനു പറഞ്ഞിട്ടുണ്ട്. ചെയ്ത സിനിമകളും കഥാപാത്രങ്ങളും, വേഷവിധാനങ്ങളും എല്ലാം ഇരുവരുടെയും ഒരുപോലെയാണെന്നാണ് ഇന്നും ആളുകളുടെ കമന്റ്

Also Read: അവന്‍ നിന്നെ ഇട്ടിട്ട് പോകും എന്ന് പറഞ്ഞവര്‍ ഇത് കാണണം; അരുണ്‍ രാവണിനെ കുറിച്ച് സായി ലക്ഷ്മി

ദിലീപുമായുള്ള വിവാഹത്തിന് ശേഷം സിനിമാ ജീവിത് സ്വിച്ച് ഇട്ടത് പോലെ നിര്‍ത്തുകയായിരുന്നു കാവ്യ. ലക്ഷ്യ എന്ന ഓണ്‍ലൈന്‍ ബിസിനസിന്റെ തിരക്കുകളും, മകള്‍ മീനാക്ഷിയ്‌ക്കൊപ്പമുള്ള നിമിഷവുമാണ് ഇപ്പോള്‍ കാവ്യയുടെ തിരക്കുകള്‍. സിനിമയില്‍ നിന്ന് വിട്ടു നിന്നുവെങ്കിലും തന്നെ വിളിക്കുന്ന പൊതു ചടങ്ങുകളിലെല്ലാം പഴയ അതേ പ്രൗഢിയോടെ കാവ്യ എത്താറുണ്ട്.