മായയുടെ മരണം അപകടമല്ല, ദുരഭിമാനക്കൊല! സർവ്വം മായ ഇനി വെറും സിനിമയല്ല… സോഷ്യൽ മീഡിയയിലെ ഒരു മിസ്റ്ററി

നിവിൻ പോളിയുടെ തിരിച്ചുവരവ് അടയാളപ്പെടുത്തിയ ചിത്രമാണ് സർവ്വം മായ . റിലീസ് ചെയ്ത് ആദ്യ അഞ്ച് ദിവസങ്ങൾ കൊണ്ടുമാത്രം 50 കോടി നേടിയ ചിത്രം നിവിന്റെ ആദ്യ നൂറുകോടി ചിത്രം കൂടിയാണ്. അഖിൽ സത്യൻ സംവിധാനം ചെയ്ത ചിത്രം ഇതിനകം തന്നെ ഏറെ ചർച്ച ചെയ്യപ്പെടുകയുണ്ടായി. എന്നാൽ ഇപ്പോഴും മായ ആയി എത്തിയ ഡെലൂല്യൂവിന്റെ കാമുകൻ ആരാണ് എന്ന് കണ്ടെത്താൻ ആർക്കും സാധിച്ചിട്ടില്ല. ചിത്രം ഹോട്ട് സ്റ്റാറിൽ റിലീസ് ചെയ്തപ്പോൾ മുതലാണ് കൂടുതൽ ആളുകൾ ചിത്രം കണ്ടത്. അതോടെ വലിയ ചർച്ചകൾക്കും വഴിവച്ചു. കുറച്ച് ദിവസങ്ങൾക്ക് മുമ്പ് “മായയുടെ കാമുകൻ ആരാണ്?” എന്ന ചർച്ച സോഷ്യൽ മീഡിയയിൽ ട്രെൻഡായിരുന്നു. നിവിൻ പോളി മുതൽ ജനാർദനൻ വരെ പേരുകൾ ഉയർന്നു! ഇപ്പോൾ അതെ സിനിമയിലെ അപകടരംഗം കൊലപാതകമാക്കി മാറ്റിയാണ് ചർച്ചകൾ

തെന്നൽ കൃഷ്ണ പങ്കിട്ട കുറിപ്പ്

വെറുമൊരു അപകടമോ… അതോ കൃത്യമായി ആസൂത്രണം ചെയ്ത ദുരഭിമാനക്കൊലയോ?
“സർവ്വം മായ” വീണ്ടും സോഷ്യൽ മീഡിയയിൽ തീപിടിക്കുകയാണ്!ഒ.ടി.ടിയിലെത്തിയിട്ട് രണ്ടാഴ്ച കഴിഞ്ഞിട്ടും ചർച്ചകൾക്ക് അവസാനമില്ല. ഫീൽ ഗുഡ് സിനിമയെന്നായിരുന്നു പലരും കരുതിയത്. പക്ഷേ ക്ലൈമാക്‌സിന് അടുത്തെത്തുമ്പോൾ പ്രേക്ഷകരുടെ ഹൃദയം പിടിച്ചു കുലുക്കിയ ആ അപകടരംഗം… അത് വെറും ഒരു ആക്‌സിഡന്റല്ലെന്ന പുതിയ വാദമാണ് ഇപ്പോൾ വൈറലാകുന്നത്!

സംവിധായകൻ അഖില്‍ സത്യന്‍ പോലും കരുതിയിട്ടുണ്ടാകില്ല ഇങ്ങനെ ഒരു ഡീക്കോഡിംഗ് സോഷ്യൽ മീഡിയയിൽ പൊട്ടിത്തെറിക്കുമെന്ന്!

റിയ ഷിബു അവതരിപ്പിച്ച മായയുടെ മരണരംഗം സിനിമയിലെ ഏറ്റവും ഞെട്ടിക്കുന്ന നിമിഷം. പക്ഷേ ഇപ്പോൾ ഒരു ഫേസ്ബുക്ക് പോസ്റ്റ് പറയുന്നു —“അത് പ്ലാൻ ചെയ്ത ഒരു കൃത്യമായ കൊലപാതകമായിരിക്കാം!”
‘തെന്നൽ കൃഷ്ണ’ എന്ന ഐ.ഡി പങ്കുവെച്ച കുറിപ്പാണ് ചർച്ചയ്ക്ക് തീകൊളുത്തിയത്.

വിനീത് ശ്രീനിവാസൻ അവതരിപ്പിച്ച വിനോദ് മാത്യു മാഞ്ഞൂരാൻ കാറിൽ കയറുന്ന നിമിഷം മുതൽ അദ്ദേഹത്തിന്റെ ബോഡി ലാംഗ്വേജ് സംശയാസ്പദമാണെന്നാണ് പോസ്റ്റിലെ വാദം. മകൾ ഒരു ഹിന്ദു പയ്യനെ പ്രണയിച്ചതിനാൽ പിതാവ് നടത്തിയ ദുരഭിമാനക്കൊലയാണോ ഇത്? അപകടം നടക്കുന്ന സമയത്ത് ആ ഭാഗത്ത് ആരുമില്ലെന്ന് ഉറപ്പാക്കിയതോ? അനിയനെ മുൻകൂട്ടി ഒഴിവാക്കിയതോ? ഇവയൊക്കെയാണോ “പർഫെക്റ്റ് പ്ലാൻ”? പോസ്റ്റിന്റെ അവസാന വരി കൂടി ചിന്തിപ്പിക്കുന്നു — “അതിനാലായിരിക്കാം, പ്രേതമായ ശേഷം മായ മാതാപിതാക്കളെ സമീപിക്കാൻ പോലും മടിച്ചതെന്ന്…”
---
കമന്റുകളിൽ പൊട്ടിത്തെറി! പോസ്റ്റിനേക്കാൾ രസകരമാണ് കമന്റുകൾ.
“രണ്ടാം ഭാഗം വരും! സേതുരാമയ്യർ സി.ബി.ഐ കേസ് അന്വേഷിക്കും!” — സേതുരാമയ്യര്‍ നെ ടാഗ് ചെയ്തുള്ള കമന്റ്.ഇത് മന്നാർ മത്തായി സ്പീക്കിങ് ലെ ബിജു മേനോന്റെ കരച്ചിലിനോട് സാമ്യമുണ്ട്!” കാർ റോങ് സൈഡിൽ പാർക്ക് ചെയ്തതും പ്ലാനിന്റെ ഭാഗം!”

സത്യം എന്താണ്? സംവിധായകന്റെ കാഴ്ചപ്പാടോ… ?ഒരു കാര്യമാണ് ഉറപ്പ് — “സർവ്വം മായ” ഇനി വെറും സിനിമയല്ല… സോഷ്യൽ മീഡിയയിലെ ഒരു മിസ്റ്ററിയായി മാറിയിരിക്കുന്നു!