മീനൂട്ടിയുടെ കുറവ് നികത്തി ആവണി! അമ്മയ്ക്കും നാത്തൂനുമൊപ്പമായി മഞ്ജു വാര്യര്‍! ചിത്രങ്ങള്‍ പകര്‍ത്തി മധുവും

Edited byഅനുപമ നായർ | Samayam Malayalam | Updated: 14 Apr 2025, 2:52 pm

Samayam Malayalamഹാപ്പി മൊമന്‍സ് പകര്‍ത്തിയത് മധുവും

വ്യക്തി ജീവിതത്തിലെ കാര്യങ്ങളും മഞ്ജു വാര്യര്‍ സോഷ്യല്‍മീഡിയയിലൂടെ പങ്കുവെക്കാറുണ്ട്. മഞ്ജുവിന്റെ അച്ഛനും അമ്മയും സഹോദരനും ഭാര്യയും മകളും എല്ലാം പ്രേക്ഷകര്‍ക്ക് പരിചിതയാണ്. ഇവരോടൊപ്പമുള്ള സന്തോഷനിമിഷങ്ങളും താരം പങ്കുവെക്കാറുണ്ട്. ലോക് ഡൗണില്‍ എല്ലാവരും ഒന്നിച്ചായിരുന്നു. കാലങ്ങള്‍ക്ക് ശേഷമാണ് അമ്മയ്ക്ക് മകനെയും മകളെയും ഒന്നിച്ച് കിട്ടിയത്. ആ സന്തോഷത്തിലായിരുന്നു അമ്മ. എഴുത്തും, സിനിമയും, വായനയും, പാട്ടും, ഡാന്‍സുമൊക്കയായി ഒന്നിച്ചുള്ള നിമിഷങ്ങള്‍ ശരിക്കും ആഘോഷമാക്കുകയായിരുന്നു എല്ലാവരും.

ഇപ്പോഴിതാ വിഷു ദിനത്തിലും അമ്മയ്ക്കും സഹോദരനും കുടുംബത്തിനുമൊപ്പമാണ് മഞ്ജു. സാരിയണിഞ്ഞ് അതീവ സന്തോഷത്തോടെയായി ചിത്രങ്ങള്‍ക്ക് പോസ് ചെയ്യുകയായിരുന്നു താരം. വീട്ടിലെത്തിയാല്‍ തന്നെ സന്തോഷമാണ്. സദ്യ കഴിക്കാനായി അമ്മ ഇല മുറിക്കാനായി പോയ സമയത്തായിരുന്നു മധു ചിത്രങ്ങള്‍ പകര്‍ത്തിയത്. മധുവിന്റെ ക്യാമറയ്ക്ക് മുന്നില്‍ എല്ലാവരും പോസ് ചെയ്യുകയായിരുന്നു. ആവണിയുടെ കൂടെയും മഞ്ജു ചിത്രം എടുത്തിരുന്നു.

Also Read: ഇവര്‍ എങ്ങോട്ടേക്കാണ്! എയര്‍പോര്‍ട്ടില്‍ ഭാവനയ്‌ക്കൊപ്പം കുഞ്ചാക്കോ ബോബന്‍! ചിത്രങ്ങള്‍ വൈറല്‍!

കണ്ണടച്ച് തുറക്കും മുന്‍പ് മകളുടെ സ്‌കൂള്‍ ജീവിതം തീര്‍ന്നുവെന്നായിരുന്നു ദിവസങ്ങള്‍ക്ക് മുന്‍പ് മധു പറഞ്ഞത്. കുട്ടിക്കാലത്തെയും ഇപ്പോഴത്തെയും വീഡിയോയും പങ്കുവെച്ചിരുന്നു. ആവണി ഇത്രയും വലുതായോ എന്നായിരുന്നു ചിത്രം കണ്ടവരെല്ലാം ചോദിച്ചത്. ആന്റിയോളം വളര്‍ന്നിരിക്കുകയാണ് ആവണി. അതേക്കുറിച്ചായിരുന്നു ആരാധകരും ചോദിച്ചത്. മീനാക്ഷിയുടെ അഭാവത്തില്‍ ആവണി വലിയൊരു ആശ്വാസമാണ് മഞ്ജുവിന് എന്നാണ് ആരാധകര്‍ പറയാറുള്ളത്. ആവണിയോടൊപ്പമുള്ള സന്തോഷനിമിഷങ്ങള്‍ മഞ്ജു പങ്കുവെക്കാറുമുണ്ട്. ഈ സന്തോഷം എന്നും ജീവിതത്തിലുണ്ടാവട്ടെ എന്നായിരുന്നു ചിത്രങ്ങള്‍ കണ്ടവര്‍ പറഞ്ഞത്.

മധുവായിരുന്നു ആദ്യം നൃത്ത പഠനം തുടങ്ങിയത്. അതുകണ്ടായിരുന്നു മഞ്ജു ചുവടുവെച്ച് തുടങ്ങിയത്. അതോടെ അനിയത്തിയെ പഠിപ്പിക്കാനായി തീരുമാനിക്കുകയായിരുന്നു വീട്ടുകാര്‍. അന്ന് തുടങ്ങിയതാണ് നൃത്തത്തിനൊപ്പമുള്ള യാത്ര. എത്ര വലിയ തിരക്ക് വന്നാലും നൃത്തം കൈവിടരുത് എന്നായിരുന്നു അച്ഛന്‍ മകളോട് പറഞ്ഞത്. ആ ഉപദേശം ഇന്നും അതുപോലെ പാലിക്കുന്നുണ്ട് താരം.

അമ്മയെപ്പോലെ തന്നെ മകളും നൃത്തത്തില്‍ താല്‍പര്യം കാണിച്ചിരുന്നു. ഫ്രണ്ട്‌സിന്റെ കല്യാണത്തിനായി മീനൂട്ടി ചുവടുവെച്ചതിന്റെ വീഡിയോ വൈറലായിരുന്നു. ഇന്‍സ്റ്റഗ്രാമിലൂടെയായി ഇടയ്ക്കിടയ്ക്ക് ഡാന്‍സ് റീലുകള്‍ പങ്കുവെക്കാറുണ്ട്. പോസ്റ്റുകളായാലും റീലായാലും അമ്മയുമായുള്ള സാമ്യത്തെക്കുറിച്ച് പറഞ്ഞ് ആരാധകരെത്താറുണ്ട്. അമ്മയോ, മകളോ പരസ്യമായി ചോദ്യങ്ങളിലൊന്നും പ്രതികരിക്കാറില്ല. ഇടയ്ക്ക് മഞ്ജു മകളെ ഫോളോ ചെയ്യുന്നത് ആരാധകര് കണ്ടെത്തിയിരുന്നു.