മുന്‍ പങ്കാളി പ്രണയത്തിന്റെ പേരില്‍ ടോര്‍ച്ചര്‍ ചെയ്യുകയായിരുന്നു, എന്റെ പ്രതികാരമാണ് ആ പോസ്റ്റ്; ഇപ്പോഴത്തെ സന്തോഷ ജീവിതത്തെ കുറിച്ച് അമല പോള്‍

Authored byഅശ്വിനി പി | Samayam Malayalam | Updated: 3 May 2025, 9:05 am

ഭര്‍ത്താവ് ജഗദ് ദേശായിയ്‌ക്കൊപ്പമുള്ള ആദ്യത്തെ വിവാഹ വാര്‍ഷികത്തിന് അമല പോള്‍ പങ്കുവച്ച സോഷ്യല്‍ മീഡിയ പോസ്റ്റ് വന്‍ വൈറലായിരുന്നു. ജഗദിനൊപ്പമുള്ള ഈ സന്തോഷ ജീവിതം, തന്റെ മുന്‍ കാമുകന്മാര്‍ക്കെല്ലാം കാണിക്കുന്നു എന്ന് പറഞ്ഞായിരുന്നു അമല പോളിന്റെ പോസ്റ്റ്. അതിനെ പ്രശംസിച്ചും വിമര്‍ശിച്ചും പലരും രംഗത്ത് എത്തിയതും കണ്ടു. മുന്‍ ഭര്‍ത്താവ് എഎല്‍ വിജയ്ക്കുള്ള മറുപടിയാണിതെന്നായിരുന്നു തമിഴ് സിനിമാ ലോകത്ത് കേട്ട വാര്‍ത്തകള്‍.

ഇപ്പോഴിതാ ആ പോസ്റ്റിനെ കുറിച്ച് അമല പോള്‍ സംസാരിക്കുന്നു. അത് എന്റെ പ്രതികാരമാണെന്നാണ് ഗലാട്ട പിങ്ക് അവാര്‍ഡ് ഷോയില്‍ അമല പോള്‍ പറഞ്ഞത്. കല്യാണം കഴിക്കാന്‍ പോകുന്നു, കുഞ്ഞുങ്ങള്‍ വേണം എന്നൊക്കെ പ്ലാന്‍ ചെയ്ത് എന്റെ ജീവിതത്തില്‍ ഒന്നും സംഭവിച്ചിട്ടില്ല. ഞാന്‍ വളരെ അധികം അനുഗ്രഹീതയാണ്, നമ്മളെല്ലാവരും അങ്ങനെയാണ്. പക്ഷേ അത് മനസ്സിലാക്കാന്‍ നമ്മള്‍ ശ്രമിക്കണം.

Also Read: എന്റെ കണ്ണടയുന്ന കാലം വരെ നിങ്ങളെയൊക്കെ കണ്‍നിറയെ കാണണം എന്ന പ്രാര്‍ത്ഥനയേയുള്ളൂ; മകനെ ചേര്‍ത്തുപിടിച്ച് ഇമോഷണലായി ദാവീദ് ജോണ്‍

എന്റെ ജീവിതത്തില്‍ ഇനിയെല്ലാം കറക്ടായി നടക്കണം എന്ന് ഞാന്‍ ആഗ്രഹിച്ചു, അത് ഞാന്‍ പ്രപഞ്ചത്തോട് പറഞ്ഞു. അങ്ങനെ എനിക്ക് കറക്ടായ ഒരു പാര്‍ട്ണറെ ദൈവം തന്നു, അത് കഴിഞ്ഞ് ഒരു കുഞ്ഞ്. കുഞ്ഞ് വന്നതിന് ശേഷമാണ് ഞാന്‍ പരിപൂര്‍ണയായി എന്ന ഒരു തോന്നല്‍ എനിക്കുണ്ടായത്. ജീവിതം ഇപ്പോള്‍ കൂടുതല്‍ മനോഹരമാണ്- അമല പോള്‍ പറഞ്ഞു

ജീവിതത്തില്‍ സത്യസന്ധമായ പ്രണയം അനുഭവിക്കാന്‍ കഴിയുക എന്ന് പറഞ്ഞാല്‍ അത് വലിയ ഭാഗ്യമാണ്. പ്രണയം പോലെ പവര്‍ഫുള്‍ ആയ ഒരു സംഭവം ലോകത്ത് മറ്റൊന്നില്ല. എന്റെ ഭര്‍ത്താവ്, എന്റെ പങ്കാളി ജഗ്ഗ് (ജഗദ് ദേശായി) പ്രണയം എന്ന വാക്കിന്റെ അര്‍ത്ഥം എന്താണോ അതാണ്. എന്റെ സോള്‍മേറ്റ്.

വിവാഹ വാര്‍ഷികത്തിന് ഇത് എന്റെ മുന്‍ കാമുകന്മാരെല്ലാം കാണട്ടെ എന്ന പോസ്റ്റിടാനുള്ള കാരണം, ഒരുപാട് പേര്‍ പ്രണയത്തിന്റെ പേര് പറഞ്ഞ് നമ്മളെ പറ്റിക്കുന്നുണ്ട്. പ്രണയമാണ് എന്ന് പറഞ്ഞ് ടോര്‍ച്ചര്‍ ചെയ്യുകയാണ് ചെയ്യുന്നത്. പ്രണയം എന്ന വാക്കിനെ പലരും ദുരുപയോഗം ചെയ്യുന്നു. ഒരു സത്യസന്ധമായ പ്രണയം ഞാന്‍ അനുഭവിക്കുമ്പോളാണ്, ഇതാണ് പ്രണയം എന്ന് ഞാന്‍ തിരിച്ചറിഞ്ഞത്.

ഇങ്ങനെയും പ്രണയിക്കാന്‍ പറ്റുമോ, പ്രണയത്തില്‍ ഇത്രയും സന്തോഷമുണ്ടോ, പ്രണയിക്കുമ്പോള്‍ എനിക്ക് ഞാനായിരിക്കാന്‍ സാധിക്കുമോ എന്നൊക്കെ ഞാന്‍ തിരിച്ചറിഞ്ഞത് ജീവിതത്തില്‍ എനിക്ക് ഒരു സത്യമായ പ്രണയം സംഭവിച്ചപ്പോഴാണ്. എന്നെ പ്രണയിച്ച് പറ്റിച്ചവരോടുള്ള പ്രതികാരമാണ് ആ പോസ്റ്റ്- അമല പോള്‍ പറഞ്ഞു