മൂന്ന് മക്കളെയും ചേര്‍ത്തു നിര്‍ത്തി കാര്‍ത്തിക; അഭിനയനമൊക്കെ നിര്‍ത്തി, എവിടെയാണിപ്പോള്‍?

മീശ മാധവന്‍, പുലിവാല്‍ കല്യാണം, അപരിചിതന്‍ തുടങ്ങിയ ഒത്തിരി സിനിമകളിലൂടെ പ്രേക്ഷക ശ്രദ്ധ നേടിയ നടിയാണ് കാര്‍ത്തിക മാത്യു . എന്നാല്‍ ാെരു ദശാബ്ദത്തോളമായി നടി അഭിനയത്തില്‍ നിന്നെല്ലാം പാടെ അകന്ന് കഴിയുകയാണ്. വളരെ അപൂര്‍വ്വമായി സോഷ്യല്‍ മീഡിയയില്‍ പോസ്റ്റുകള്‍ പങ്കുവയ്ക്കുന്നതുകൊണ്ടു തന്നെ കാര്‍ത്തികയെ സംബന്ധിച്ച വിശേഷങ്ങള്‍ ആരാധകര്‍ അറിയുന്നുണ്ട്.

ഇപ്പോഴിതാ മൂന്ന് മക്കളെയും ചേര്‍ത്ത് പിടിച്ചു നില്‍ക്കുന്ന ഒരു ഫോട്ടോ പങ്കുവച്ചിരിയ്ക്കുകയാണ് കാര്‍ത്തി. കേരള സാരിയാണ് കാര്‍ത്തികയുടെ വേഷം, മക്കള്‍ മൂന്നു പേരും ഒരേ നിറത്തിലുള്ള ഷര്‍ട്ടും മുണ്ടും ധരിച്ച് നില്‍ക്കുന്നതാണ് ചിത്രത്തില്‍ കാണുന്നത്. യുഎസ്എ യിലെ മിഷിഗണില്‍ നിന്നാണ് ചിത്രങ്ങള്‍ പോസ്റ്റ് ചെയ്തിരിക്കുന്നത് എന്നതും പോസ്റ്റില്‍ വ്യക്തമാണ്.

Also Read: രൂപം തന്നെ മാറാന്‍ എന്തായിരുന്നു രാജേന്ദ്രന് അസുഖം? ആ ഫോട്ടോ വൈറലായപ്പോള്‍ നടന്‍ നല്‍കിയ മറുപടി

2001 ല്‍ വാസന്തിയും ലക്ഷ്മിയും പിന്നെ ഞാനും എന്ന ചിത്രത്തിന്റെ റീമേക്ക് ആയ കാശിയിലൂടെയാണ് കാര്‍ത്തിക മാത്യുവിന്റെ സിനിമയിലേക്കുള്ള അരങ്ങേറ്റം. ഊമപ്പെണ്ണിന് ഉരിയാടാ പയ്യന്‍ എന്ന ചിത്രത്തില്‍ സഹോദരി വേഷം ചെയ്തുകൊണ്ട് മലയാളത്തിലേക്ക് എത്തി. മീശാമാധവനിലെയും പുലിവാല്‍ കല്യാണത്തിലെയും പെങ്ങള് കുട്ടി വേഷം തന്നെയാണ് കാര്‍ത്തികയെ കൂടുതല്‍ പരിചിതയാക്കിയത്.

തീര്‍ത്തും യാദൃശ്ചികമായിട്ടാണ് ഞാന്‍ സിനിമയിലേക്ക് വന്നത് എന്നാണ് കാര്‍ത്തിക പറഞ്ഞിട്ടുള്ളത്. അതുകൊണ്ടു തന്നെ അഭിനയം നിര്‍ത്തുമ്പോഴും കാര്യമായി ആലോചിക്കേണ്ടി വന്നിട്ടില്ല. 2015 ല്‍ പുലന്‍ വിസാരണൈ 2 എന്ന തമിഴ് ചിത്രത്തില്‍ അഭിനയിച്ചുകൊണ്ട് അഭിനയം നിര്‍ത്തുകയും ചെയ്തു. ഇപ്പോള്‍ കുടുംബത്തിനൊപ്പം യുഎസ്എ യില്‍ സെറ്റില്‍ഡ് ആണ് നടി.

Also Read: ഇത് ആളിക്കത്തും, ഗംഭീരമായ മേക്കിങ്; പ്രതിഛായ കണ്ട പ്രേക്ഷക പ്രതികരണം!

Also Read: എവിടെ പോയാലും ഞങ്ങള്‍ ഒരുമിച്ചാണ്, അസുഖം വന്നപ്പോഴാണ് ഇല്ലാതെ പറ്റില്ലെന്ന് ബോധ്യമായത്; അന്ന് സന്ധ്യ പറഞ്ഞത്

2009 ല്‍ ആയിരുന്നു മെറിന്‍ മാത്യു എന്നയാളുമായുള്ള കാര്‍ത്തികയുടെ വിവാഹം. ഏറെ നാളത്തെ പ്രണയത്തിന് ശേഷമായിരുന്നു വിവാഹം. വിവാഹത്തിന് ശേഷവും അഭിനയത്തില്‍ സജീവമായിരുന്നു, പിന്നീട് ഗര്‍ഭിണിയായതോടെയാണ് പൂര്‍ണമായും ബൈ പറഞ്ഞ് പോയത്.