മോനിഷ മാത്രമല്ല ഒരാൾ കൂടിയുണ്ട്! എന്റെ ജന്മസാഫല്യമാണ് മോനിഷയെ വെള്ളിത്തിരയിൽ കാണാൻ കഴിഞ്ഞത്

Authored by: ലക്ഷ്മി ബാല |Samayam Malayalam•28 Jul 2025, 9:54 am

ഇന്നും മലയാളികൾക്ക് നോവോർമ്മയാണ് നടി മോനിഷ ഉണ്ണി. അപ്രതീക്ഷിതമായി സംഭവിച്ച റോഡ് അപകടത്തിൽ ജീവൻ നഷ്‌ടമായ മകളുടെ ഓർമ്മയിൽ ആണ് അമ്മ ശ്രീദേവി ഉണ്ണി. നൃത്തത്തെ പ്രാണനായി കണ്ട മോനിഷയുടെ അമ്മയും നർത്തകിയാണ് അഭിനേത്രിയും. സിനിമകളിൽ ഇന്നും സജീവമായ ശ്രീദേവി ഇന്നും മകളുടെ ഓർമ്മയിൽ ജീവിക്കുന്നു. മിക്ക ആളുകൾക്കും ഒരു സംശയമാണ് മോനിഷ ഏകമകൾ ആണ് ശ്രീദേവിക്കെന്ന് എന്നാൽ അങ്ങനെയല്ല. മോനിഷക്ക് ഒരു സഹോദരൻ കൂടിയുണ്ട് സജിത്ത്. മകളുടെ മായാത്ത മരിക്കാത്ത ഓർമ്മകളും ആയി ജീവിക്കുന്ന ശ്രീദേവി, മോനിഷയെ വെള്ളിത്തിരയിൽ കാണാൻ കഴിഞ്ഞത് ആണ് തന്റെ ജന്മ സാഫല്യമെന്ന് പറയുന്നു.

എന്റെ ഏറ്റവും വലിയ ആഗ്രഹം ആയിരുന്നു മോനിഷയെ വെള്ളിത്തിരയിൽ കാണണമെന്നത് അതിനായി നമ്മൾ ആരെയും സമീപിച്ചിട്ടില്ല അവസരങ്ങൾ നമ്മളിൽ വന്നെത്തി. ഒരു ദിവസം വാസുവേട്ടൻ ( എം ടി വാസുദേവൻ) വിളിച്ചു മോളെ ഒന്ന് അഭിനയിപ്പിച്ചുകൂടെ എന്ന് തിരക്കി. എംടിയും ഹരിഹരനും കൂടി ഒരു പടം ചെയ്യുന്നുണ്ട് മോളെ അഭിനയിപ്പിക്കാമോ എന്ന് ചോദിക്കുന്നു എന്ന് ഉണ്ണി ഏട്ടൻ പറഞ്ഞു. ഇത് കേട്ടതും എനിക്ക് തുള്ളിച്ചാടണോ എന്നുപോലും തോന്നിപ്പോയി. കാരണം അവൾ വളരെ ചെറുപ്പത്തിൽ തന്നെ ടാലന്റഡ് ആണ്. അവളെ ഇങ്ങനെ സ്‌ക്രീനിൽ കാണുക എന്ന് പറയുമ്പോൾ എന്റെ ജന്മസാഫല്യം അല്ലേ. അങ്ങനെ നമ്മൾ ഓക്കേ പറഞ്ഞു.

ALSO READ: രാത്രിയിൽ ഉറക്കമില്ല! ആറോളം സ്റ്റിച്ചുകൾ ഉണ്ട്; ഇരിക്കാൻ പോലും പറ്റാത്ത വേദനയും; പോസ്റ്റ്പാർട്ടം ദിവസങ്ങളെ എങ്ങനെ ഫേസ് ചെയ്തു?
പുതിയ വീട് ഷിഫ്റ്റ് ചെയ്യുന്ന സമയത്താണ് ഈ അവസരം വന്നത്, അവൾ അന്ന് ഏഴാം ക്ലാസിൽ പഠിക്കുന്ന സമയമാണ്. സ്‌കൂളിലേക്കു പോകാൻ ഇറങ്ങി നിൽക്കുന്നു. ഞാൻ പിടിച്ചുകൊണ്ട് വന്നു പാവാടയും ബ്ലൗസും ഇടാൻ നിർബന്ധിച്ചു, അങ്ങനെ ചുരിദാർ ഇട്ട് ദേഷ്യപ്പെട്ട് നിന്നു. അവളെ അങ്ങനെ നിന്ന് കണ്ടതോടെ ഹരിഹരൻ ഉറപ്പിച്ചു, അതാണ് അവരുടെ ഗൗരി എന്ന്. ആദ്യം ഭയങ്കര ദേഷ്യം ആയി അവൾക്ക്, പക്ഷേ പിന്നെ അവൾ മുണ്ടും ബ്ലൗസും ധരിച്ചെത്തി, അങ്ങനെ ഫോട്ടോസ് എടുത്തു, അങ്ങനെയാണ് ആദ്യമായുള്ള സിനിമ എൻട്രി; മോനിഷയുടെ സിനിമ പ്രവേശത്തെ കുറിച്ച് സംസാരിക്കുകയായിരുന്നു ശ്രീദേവി അനീസ് കിച്ചണിൽ.