മോന് പത്തൊൻപത് ! അന്ന് സംയുക്ത എടുത്ത സ്‌ട്രോങ് ഡിസിഷനാണ് ഇന്ന് ഈ കാണുന്ന സന്തോഷം; പുതിയ ചിത്രം ഏറ്റെടുത്ത് ആരാധകർ

Authored by: ഋതു നായർ|Samayam Malayalam•10 Sept 2025, 9:56 pm

കുറേക്കാലങ്ങൾക്ക് ശേഷമാണ് സംയുക്ത വർമ്മ - ബിജുമേനോൻ ദമ്ബതികളുടെ മകൻ ദക്ഷ് ധാര്‍മിക്കിന്റെ ചിത്രം എത്തുന്നത്. സ്വകാര്യജീവിതത്തിന് അത്രത്തോളം പ്രാധാന്യം കൊടുക്കുന്ന ഇരുവരും ഏകമകൻ ദക്ഷിന്റെ ചിത്രങ്ങൾ അങ്ങനെ പങ്കിടാറില്ല. ഇക്കഴിഞ്ഞ ദിവസം ആണ് സംയുക്ത ഒരു ചിത്രം പങ്കിടുന്നത്.

ബിജുമേനോന്റെ പിറന്നാളും ഓണവും ഒക്കെ ആയതുകൊണ്ടാകണം തനി കേരള സ്റ്റൈലിൽ ആണ് ഇവർ മൂന്നുപേരും ഫോട്ടോയ്ക്ക് പോസ് ചെയ്തത്. ഏക മകൻ ആണ് ഇരുവർക്കും. പത്തൊൻപതുകാരൻ ആയി ഇവരുടെ മകൻ. കേരളത്തിന് പുറത്തുനിന്നാണ് പഠനമെന്ന് സൂചനകൾ ഉണ്ടെങ്കിലും മകനെ കുറിച്ച് കൂടുതൽ ഒന്നും ഇരുവരും തുറന്നുപറഞ്ഞിട്ടില്ല.

വിവാഹത്തോടെ അഭിനയരംഗം ഉപേക്ഷിച്ച സംയുക്ത പിന്നെ ഒരിക്കലും സിനിമ രംഗത്തേക്ക് വന്നിട്ടില്ല. പകരം വീട്ടമ്മയായി മാറി.

ഇഷ്ടമേഖല ആയ യോഗയിലും കൂടുതൽ പഠനങ്ങൾ നടത്തുന്നു. 2002 നവംബര്‍ 21-നായിരുന്നു ബിജു മേനോന്റെയും സംയുക്ത വര്‍മയുടെയും വിവാഹം വിവാഹത്തിന് ശേഷം 2006 ൽ നാല് വർഷങ്ങൾ കഴിഞ്ഞാണ് ഇരുവർക്കും മകൻ ജനിച്ചത്. അന്ന് അഭിനയത്തിൽ നിന്നും വിട്ടുനിൽക്കാനും കുടുംബം നോക്കാനും മകന്റെ കാര്യങ്ങൾക്കും ആയി പ്രൊഫെഷൻ വിടുന്ന സ്ട്രോങ്ങ് ആയ തീരുമാനം സംയുക്തയുടെത് ആയിരുന്നു. മടങ്ങി വരവ് ഉടനെ ഇല്ല എന്നാണ് വിവാഹശേഷം മാധ്യമങ്ങളോട് പറഞ്ഞത് എങ്കിലും വർഷങ്ങൾ ഇത്ര കഴിഞ്ഞിട്ടും ആ തീരുമാനത്തിന് മാറ്റം സംഭവിച്ചില്ല.

ALSO READ: മകളോടുള്ള സ്നേഹം എങ്ങനെ കാണിക്കണം എന്നറിയില്ല; ഒന്നാം പിറന്നാളിന് ദീപിക പദുക്കോൺ ദുവയ്ക്ക് വേണ്ടി ഉണ്ടാക്കിയത്?

1999-ൽ വീണ്ടും ചില വീട്ടുകാര്യങ്ങൾ എന്ന സിനിമയിൽ നായികയായിട്ടാണ് സംയുക്ത അരങ്ങേറ്റം കുറിച്ചത്. മികച്ച നടിക്കുള്ള കേരള സംസ്ഥാന ചലച്ചിത്ര അവാർഡ് നേടിയ സംയുക്ത പിന്നീട് വിവാഹശേഷം ഒരു പരസ്യചിത്രം മാത്രമാണ് ആകെ ചെയ്തിട്ടുള്ളത്.

ALSO READ:'ജീവനാംശം ഇല്ലാതെ വിവാഹമോചനം! കോടികൾ വിട്ടുനൽകി; ഇപ്പോൾ ആസ്തി അതുക്കും മേലെ', പരസ്യങ്ങൾ, ഉദ്‌ഘാടനങ്ങൾ, ബ്രാൻഡ് അംബാസിഡർ

ആകെ 18 ചിത്രങ്ങളിൽ അഭിനയിച്ച സംയുക്ത മികച്ച നടിക്കുള്ള രണ്ട് കേരള സംസ്ഥാന ചലച്ചിത്ര അവാർഡും മികച്ച നടിക്കുള്ള രണ്ട് ഫിലിംഫെയർ അവാർഡും നേടിയിട്ടുണ്ട്. 1999 ലും (വീണ്ടും ചില വീട്ടുകാര്യങ്ങൾ) 2000 ലും (മഴ ,മധുരനൊമ്പരക്കാറ്റ്, സ്വയംവരപ്പന്തൽ) മികച്ച നടിക്കുള്ള സംസ്ഥാനസർക്കാരിന്റെ അവാർഡ് അവർ നേടി. കുബേരൻ ആണ് അവസാനം അഭിനയിച്ച ചിത്രം.