മോഹൻലാലിന് മുൻപ് ദുൽഖറിന് ദാദാസാഹെബ് ഫൽകെ പുരസ്കാരമോ? ദുൽഖറിന്റെ കൈയ്യിലുള്ള ഈ ഫലകം, ഇതെന്താണ്?

Authored by: അശ്വിനി പി|Samayam Malayalam•22 Sept 2025, 2:02 pm

ഇന്ത്യ മുഴുവൻ ഇപ്പോൾ സംസാരിക്കുന്നത്, മലയാള സിനിമയ്ക്ക് അഭിമാനമായി മോഹൻലാൽ ദാദാസാഹെബ് ഫൽകെ പുരസ്കാരം നേടിയതിനെ കുറിച്ചാണ്. നാൽ പതിറ്റാണ്ടിലേറെയായുള്ള അഭിനമ മികവിനെയും, സിനിമാ ലോകത്തിന് നൽകിയ സംഭാവനകളെയും മാനിച്ചാണ് മോഹൻലാലിന് ഇന്ത്യയുടെ പരമോന്നത പുരസ്കാരങ്ങളിലൊന്നായ ദാദാസാഹെബ് ഫൽകെ നൽകി ആദരിച്ചത്. ഇതിന് മുൻപ് മലയാളത്തിൽ ഈ പുരസ്കാരം കൊണ്ടുവന്നത് അടൂർ ഗോപാലകൃഷ്ണനാണ്.

2004 ൽ ആണ് അടൂർ ഗോപാല കൃഷ്ണന് ദാദാസാഹെബ് ഫൽകെ പുരസ്കാരം ലഭിച്ചത്. അന്നത്തെ രാഷ്ട്രപതി എപിജെ അബ്ദുൾ കലാമിൽ നിന്ന് അദ്ദേഹം പുരസ്കാരം ഏറ്റവാങ്ങി. അതിന് മുൻപ് മലയാളത്തിലൊരു ഫൽകെ എത്തിയിട്ടില്ല. ഇപ്പോൾ ഇരുപത് വർഷങ്ങൾക്ക് ശേഷം ആ പുരസ്കാരം മലയാളത്തിലേക്ക് എത്തിച്ചത് നടനവിസ്മയം മോഹൻലാൽ ആണ്. ഇതിനിടയിൽ എങ്ങനെയാണ് ദുൽഖറിന്റെ പേര് വന്നത്.

Also Read: ബിഗ് ബോസിലേക്ക് പോകുമ്പോൾ ഞാൻ പാപ്പരായിരുന്നു; ശബ്ദം പ്രശ്നമായി എന്ന് അകത്ത് നിന്നേ മനസ്സിലായി എന്ന് റെന ഫാത്തിമ

2023 ൽ ദുൽഖറിന് ദാദാസൈഹെബ് പുരസ്കാരം ലഭിച്ചു എന്ന് പറഞ്ഞ് ഫോട്ടോകൾ സഹിതം ആണ് സോഷ്യൽ മീഡിയയിൽ വൈറലാവുന്നത്. ദുൽഖറിന് ദാദാസാഹെബ് പുരസ്കാരം ശരിക്കും കിട്ടിയോ എന്ന് തിരഞ്ഞ് ഗൂഗിളിൽ എത്തിയവരും കുറവല്ല. ദാദാസാഹെബ് ഫൽകെ പുരസ്കാരത്തിന് സമാനമായ പുരസ്കാരവും കൈയ്യിൽ പിടിച്ച് ദുൽഖർ നിൽക്കുന്ന ചിത്രം ഫേക്ക് അല്ല, എന്നാൽ ഇത് രാജ്യം ആദരിച്ചു നൽകുന്ന പരമോന്നത ബഹുമതിയും അല്ല!

Also Read: പ്രായം വെറുമൊരു നമ്പറാണ് എന്നൊക്കെ പറഞ്ഞാലും ഉള്ളിലൊരു തേങ്ങലുണ്ട്, 42 വയസ്സായി; പിറന്നാൾ ദിനത്തിൽ റിമി ടോമി


ദാദാസാഹെബ് ഫൽകെ ഇന്റർനാഷണൽ ഫിലിം ഫെസ്റ്റിവൽ പുരസ്കാരമാണ് ദുൽഖർ നേടിയത്. ഫിലിം ഫെസ്റ്റിവലും, ഫൽകെ പുരസ്കാരവും രണ്ടും രണ്ടാണ്. 2023 ൽ ചുപ് എന്ന ഹിന്ദി ചിത്രത്തിലെ നെഗറ്റീവ് റോളിന് വേണ്ടിയാണ് മികച്ച വില്ലനുള്ള പുരസ്കാരം ദുൽഖറിന് ലഭിച്ചത്. ഹിന്ദി ഫിലിം ഇന്റസ്ട്രിയിൽ നിന്ന് ദുൽഖറിന് ലഭിച്ച ആദ്യത്തെ പുരസ്കാരമായിരുന്നു അത്, അതും നെഗറ്റീവ് വേഷത്തിന് വേണ്ടി. ആ പുരസ്കാര ലബ്ധിയുടെ ചിത്രങ്ങളുമായിട്ടാണ് ഇപ്പോൾ ചിലർ ദുൽഖറിനും ദാദാസാഹെബ് കിട്ടി എന്ന് പോസ്റ്റ് ചെയ്യുന്നത്.