മോഹൻലാലുമായുള്ള ക്ലാഷിൽ ജയിച്ചില്ലേ? ഹൃദയപൂർവ്വം സിനിമയ്ക്കൊപ്പമുള്ള ലോകയുടെ മത്സരത്തെ കുറിച്ച് ചോദിച്ചപ്പോൾ കല്യാണി പറഞ്ഞ മറുപടി

Authored by: അശ്വിനി പി|Samayam Malayalam•15 Sept 2025, 3:53 pm

ഇക്കൊല്ലത്തെ ഓണം കല്യാണി പ്രിയദർശനാണ് തൂക്കിയത്. ഓണം റിലീസ് ചിത്രങ്ങളിൽ എന്നും മലയാളി പ്രേക്ഷകർക്ക് ഒരു പ്രതീക്ഷയാണ്. സത്യൻ അന്തിക്കാടും മോഹൻലാലും വർഷങ്ങൾക്ക് ശേഷം ഒന്നിച്ച ഹൃദയപൂർവ്വം , കല്യാണിയും ഫഹദ് ഫാസിലും ഒന്നിച്ച ഓടും കുതിര ചാടും കുതിര, കല്യാണി കേന്ദ്ര കഥാപാത്രമായി എത്തിയ ലോക ചാപ്റ്റർ 1 ചന്ദ്ര എന്നീ ചിത്രങ്ങളായിരുന്നു ഇത്തവണ ഓണത്തിന് പുറത്തിറങ്ങിയത്. അതിൽ വിജയം ഉറപ്പിച്ച് ജൈത്രയാത്ര തുടരുകയാണ് ദുൽഖർ സൽമാൻ നിർമിച്ച കല്യാണിയുടെ ലോക

ടൊമനിക് അരുൺ സംവിധാനം ചെയ്ത ഡാർക് ഫാന്റസി സൂപ്പർ ഹീറോ ചിത്രമായ ലോക ഇതിനോടകം 200 കോടി ക്ലബ്ബ് കടന്നു. മലയാള സിനിമ ചരിത്രത്തിൽ ആദ്യമായിട്ടാണ് ഒരു സ്ത്രീപക്ഷ ചിത്രം 200 കോടി ക്ലബ്ബ് കടക്കുന്നത്. ചിത്രം ഇപ്പോഴും മികച്ച അഭിപ്രായങ്ങളും മൗത്ത് പബ്ലിസിറ്റിയും നേടി മുന്നേറുകയാണ്. മോഹൻലാലിനെ പോലൊരു സൂപ്പർ താരത്തിന്റെ ചിത്രത്തോട് മത്സരിച്ച് ബോക്സോഫീസിൽ കുതിക്കുന്നതിനെ കുറിച്ചും, ലാലേട്ടനൊപ്പമുള്ള ക്ലാഷിനെ കുറിച്ചും ചോദിച്ചതിന് കല്യാണ പ്രിയദർശൻ മറുപടി നൽകുന്നു.

Also Read: 1.90 ലക്ഷം റീൽസുകൾ, 50,000 യൂട്യൂബ് ഷോർട്ട്‌സുകൾ! ഓണം മൂഡ് മാറ്റിയ മൂഡ് സോങ്, ഗ്ലോബൽ ഹിറ്റടിച്ച് സരിഗമയുടെ ഏത് മൂഡ്

ഒരു സിനിമയെയും അതിന്റെ ജയ - പരാജയത്തിന്റെ അടിസ്ഥാനത്തിൽ അളക്കുന്നതായി ഞാൻ കണ്ടിട്ടില്ല. സ്കൂളിലായിക്കോട്ടെ കോളേജിൽ ആയിക്കോട്ടെ ആര് ജയിച്ചു ആര് വിജയിച്ചു എന്നൊന്നുമില്ല, എല്ലാം അക്കാഡമിക്സിന്റെ ഭാഗമാണ്. അതുലോരൊരു സംസ്കാരത്തിന്റെ ഭാഗമാണ് ഇതും. ജയ പരാജയം വച്ച് സിനിമ അളക്കാൻ സാധിക്കില്ല

Also Read: ഞാൻ വിവാഹം കഴിക്കുമ്പോൾ അവൾ വളരെ ചെറുപ്പമാ! ഒന്ന് ചിരിച്ച് ഇരുന്നൂടെ എന്നൊക്കെ എന്നോട് ഇടയ്ക്കിടെ ചോദിക്കും

കലയിൽ, സിനിമയിൽ ജയിച്ചവരും പരാജയപ്പെട്ടവരും ഇല്ല. രണ്ട് സിനിമകളും മികച്ച രീതിയിൽ വിജയം നേടുന്നു. രണ്ട് സിനിമകൾക്കും ഒരുപോലെ പ്രേക്ഷകർ നൽകുന്ന സ്നേഹത്തിന്റെ തെളിവാണ് ഇത്. ഞങ്ങളുടെ രണ്ട് പേരുടെയും കാര്യത്തിൽ ഞാൻ എക്സൈറ്റഡ് ആണ്. പിന്നെ ലാൽസർ, അക്ഷരാർത്ഥത്തിൽ ഏന്റെ ഏറ്റവും പ്രിയപ്പെട്ട ആളുകളിൽ ഒരാളാണ്. അഭിനേതാക്കൾ ആണെന്നത് വിടൂ, അദ്ദേഹം എനിക്കേറ്റവും പ്രിയപ്പെട്ടവരിൽ ഒരാളാണ്. വ്യത്യസ്തമായ സിനിമകളിൽ ഞങ്ങൾക്ക് രണ്ട് പേർക്കും ആഘോഷിക്കാൻ സാധിക്കുന്നു എന്നതിലുള്ള എക്സൈറ്റ്മെന്റിലാണ് ഞാൻ- കല്യാണി പ്രിയദർശൻ പറഞ്ഞു.
ഇന്റസ്ട്രിയിൽ മോഹൻലാലിന്റെ ഏറ്റവും അടുത്ത സുഹൃത്താണ് കല്യാണിയുടെ അച്ഛൻ പ്രിയദർശൻ. ചെറുപ്പം മുതലേ കല്യാണിയും സഹോദരൻ സിദ്ധാർത്ഥും, മോഹൻലാലിന്റെ മക്കളായ പ്രണവും വിസ്മയയും എല്ലാം ഒന്നിച്ചു കളിച്ചു വളർന്നവരാണ്.