മോൾക്കും മോഡലാണ്! മകളെ ചൊല്ലിയോ സ്വത്തിനെയോ ഭാവിയെയോ ഒന്നിനെ ചൊല്ലിയും ബഹളം വച്ചില്ല; മഞ്ജുവിനെ കുറിച്ച് ആരാധിക

Authored byഋതു നായർ | Samayam Malayalam | Updated: 22 Apr 2025, 3:12 pm

ഏവർക്കും റോൾമോഡൽ ആക്കാൻ പറ്റുന്ന ജീവിതമാണ് മഞ്ജു വാര്യരുടേത്. അഭിനയത്തിൽ മഞ്ജുവാര്യർ തരംഗം സൃഷ്ടിച്ചശേഷം ആണ് കുടുംബ ജീവിതത്തിലേയ്ക്ക് മടക്കം. കുടുംബജീവിതത്തിൽ നല്ലൊരു ഭാര്യയായി അമ്മയായി നല്ലൊരു കുടുംബിനിയായി ആ ഗംഭീരമാക്കി. പക്ഷേ ഒരുപാട് അഗ്നിപരീക്ഷകൾ അവർക്ക് നേരിടേണ്ടി വന്നു. പിന്നീട് കലാരംഗത്തേയ്ക്ക് മടങ്ങിവന്നപ്പോൾ സീറോയിൽ നിന്നും തുടങ്ങേണ്ടി വന്നു അവർക്ക്.
ഇപ്പോഴിതാ താരത്തെ കുറിച്ചൊരു കുറിപ്പ് ആണ് സോഷ്യൽ മീഡിയയിൽ നിറയുന്നത്.

നിങ്ങളഭിനയിക്കുന്ന നൂറ് ചിത്രങ്ങളില്‍ ഒരെണ്ണംപോലും അഭിനേത്രി എന്ന നിലയ്ക്ക് ഞങ്ങളെയോ നിങ്ങളെയോ സാറ്റിസ്ഫൈ ചെയ്യാതെ പോയാലും മഞ്ജു എന്ന തികഞ്ഞ പോരാളിയുടെ പ്രഭയ്ക്ക് എന്നും മാറ്റ് കൂടുകയേ ഉള്ളു! - കുറിപ്പിൽ ആരാധിക കൂടിയായ ശരണ്യ പറയുന്നു.

ഈ പുഴയും കടന്ന് , കന്‍മദം , സമ്മര്‍ ഇന്‍ ബത്ലഹേം , ആറാം തമ്പുരാന്‍ , കണ്ണെഴുതിപൊട്ടും തൊട്ട് , തുടങ്ങി അനേകം ചിത്രങ്ങള്‍ ചെയ്ത മഞ്ജു വാര്യര്‍ എന്ന അഭിനേത്രിയെ വെച്ച് നോക്കുമ്പോള്‍ ,അവരുടെ തിരിച്ചുവരവില്‍ അഭിനയിച്ച കഥാപാത്രങ്ങളിലൊക്കെയും കുറച്ച് സ്വാഭാവികത കുറഞ്ഞ് പോയോ എന്ന് പലപ്പോളും തോന്നിയുണ്ട്. കുറേ കഥാപാത്രങ്ങള്‍ റോങ്ങ് ചോയ്സുകള്‍ ആയിരുന്നു എന്നും തോന്നാറുണ്ട് ,ഒടിയന്‍ ,നീര്‍മാതളം ഉള്‍പ്പെടെ... പക്ഷേ ഈ കാലം കൊണ്ട് ഒരു വ്യക്തിയെന്ന നിലയില്‍ , അവര്‍ കൈവരിച്ചിരിക്കുന്ന സംയമനം ഒരു പര്‍വതത്തേക്കാള്‍ ഉയരത്തില്‍ മഞ്ജുവിനെ വളര്‍ത്തിയിരിക്കുന്നു എന്ന് എഴുതാതെ വയ്യ....!!!! അവരെ ദ്രോഹിച്ച മനുഷ്യരുടെ ,നാല് പാടും നിന്ന് തീ കത്തുമ്പോള്‍, അതിനിടയ്ക്ക് അവര്‍ ചിരിച്ച് നില്‍ക്കുന്നത് ബാഹുബലിയിലെ പട്ടാഭിഷേകരംഗത്തില്‍ വാനോളം ഉയര്‍ന്നു പൊങ്ങുന്ന ആ സ്വര്‍ണ പ്രതിമയേക്കാള്‍ പ്രഭയോടെ ആണ്.

ALSO READ: വിവാഹം കഴിക്കാൻ കഴിവുള്ള ആളായതുകൊണ്ടല്ല എന്നെ അവർ അംഗീകരിച്ചത്! ലക്ഷ്മി ജയന് മറുപടി കൊടുത്ത കമൽ ഹാസൻ

ജീവിതത്തില്‍ വേദനിപ്പിച്ച ഒരാള്‍ക്കെതിരെയും പരസ്യമായോ രഹ്യസ്യമായോ പ്രതികരിക്കാതിരിക്കാന്‍ മനുഷ്യനായ് ജനിച്ച മറ്റേതെങ്കിലുമൊരാള്‍ക്ക് കഴിയുമോ...?? അറിയാതെ പോലും ഒരിടത്തും അവരൊന്നും പറഞ്ഞ് പോകുന്നില്ല...ഇന്റര്‍വ്യൂ ചെയ്യാന്‍ വരുന്നവരുടെ കൊനഷ്ട് ചോദ്യങ്ങള്‍ക്ക് അവര്‍ അളന്ന് തൂക്കി കൊടുക്കുന്ന ഉത്തരങ്ങളില്‍ നിന്ന് , പോലും ഒരു ചാനലുകാരനും ഒന്നും ചോര്‍ത്തിക്കൊണ്ടുപോയില്ല നാളിതുവരെയ്ക്കും.........!!അവരുടെ മകളെ ചൊല്ലിയോ, സ്വത്തിനെയോ, ഭാവിയെയോ, ഒന്നിനെ ചൊല്ലിയും അവര്‍ ഒരിടത്തും വിഴുപ്പലക്കിയില്ല.....!!! നിങ്ങളഭിനയിക്കുന്ന നൂറ് ചിത്രങ്ങളില്‍ ഒരെണ്ണംപോലും അഭിനേത്രി എന്ന നിലയ്ക്ക് ഞങ്ങളെയോ നിങ്ങളെയോ സാറ്റിസ്ഫൈ ചെയ്യാതെ പോയാലും മഞ്ജു എന്ന തികഞ്ഞ പോരാളിയുടെ പ്രഭയ്ക്ക് എന്നും മാറ്റ് കൂടുകയേ ഉള്ളു.... !!!!!

നിങ്ങള്‍ അഭിനയത്തേക്കാള്‍ മികവ് തെളിയിച്ചത് ജീവിതത്തിലാണ്....!!!നിങ്ങളുടെ മകള്‍ക്ക് മാത്രമല്ല ,അതിജീവനം എന്ന കല പഠിക്കാന്‍ നിങ്ങളേക്കാള്‍ മികച്ച മോഡലിനെ സ്ത്രീ സമൂഹം ഒന്നടങ്കം കണ്ടിട്ടുമില്ല ....!! മഞ്ജു തുടങ്ങിവെച്ച സംയമനത്തിന്റെ ഭാഷ , നിശബ്ദ പോരാട്ടങ്ങളുടെ മൂര്‍ച്ച , ഒരു പുതിയ സംസ്കാരത്തിന്റെ തുടക്കമാണ്.. സത്യത്തിന്റെ , വാശിയുടെ അതിജീവനത്തിന്റെ- ശരണ്യ രാജ് കുറിച്ചു