യാത്രകൾ ഒരുപാട് ഇഷ്ടമായിരുന്നു, പക്ഷേ കുഞ്ഞ് ജനിച്ചതിന് ശേഷം പ്ലാനിങ് ഒന്നും നടക്കുന്നില്ല എന്ന് സൺ യെ ജിൻ

Authored by: അശ്വിനി പി|Samayam Malayalam•15 Sept 2025, 12:49 pm

ഹ്യൂൺ ബിന്നുമായുള്ള വിവാഹവും, കുഞ്ഞിൻറെ ജനനവും ഒക്കെയായി ഇന്റസ്ട്രിയിൽ നിന്ന് ബ്രേക്ക് എടുത്ത് മാറി നിൽക്കുകയായിരുന്നു സൺ യെ ജിൻ. ഒരുടവേളയ്ക്ക് ശേഷം പാർക്ക് ചാൻ വൂക്ക് സംവിധാനം ചെയ്ത ' ദി നമ്പർ 1 മസ്റ്റ്-വാച്ചഡ് മൂവി ദി ഇയർ ' എന്ന ചിത്രത്തിലൂടെ താരം തിരിച്ചെത്തി. സിനിമയുടെ പ്രമോഷനുമായി ബന്ധപ്പെട്ട് മറ്റ് താരങ്ങൾക്കൊപ്പം നൽകിയ അഭിമുഖത്തിൽ അമ്മയായതിന് ശേഷമുള്ള മാറ്റത്തെ കുറിച്ച് നടി സംസാരിക്കുകയുണ്ടായി.

ലൊക്കേഷനുകളിൽ നിന്ന് ലൊക്കഷനുകളിലേക്കുള്ള യാത്രയും മറ്റു തിരക്കുകളും എല്ലാം ഏറെ ആസ്വദിക്കുകയും ഇഷ്ടപ്പെടുകയും ചെയ്തിരുന്ന ആളാണ് ഞാൻ. എന്നാൽ കുഞ്ഞ് വന്നതിന് ശേഷം അത്തരം യാത്രയും, ഒരു വെക്കേഷൻ ട്രിപ് പ്ലാൻ ചെയ്യുന്നത് പോലും വളരെ വെല്ലുവിളി നിറഞ്ഞ കാര്യമാണ് എന്ന് സൺ യെ ജിൻ പറയുന്നു.

Also Read: ആള് നല്ല ഉറക്കത്തിലാണ്! ആരോഗ്യനില മെച്ചപ്പെട്ടാൽ വെല്ലൂരിലേക്ക് മാറ്റും; എനിക്ക് വര്ഷങ്ങളായി അറിയുന്ന പയ്യൻ

യാത്ര ചെയ്യാൻ എനിക്ക് വളരെ അധികം ഇഷ്ടമാണ്. ഒരു ചിത്രത്തിന്റെ ഷൂട്ടിങ് പൂർത്തിയായാൽ ഉടനെ ഞാൻ ഒരു ട്രിപ് പ്ലാൻ ചെയ്യുകയാണ് മുൻപൊക്കെ ചെയ്യാറുള്ളത്. പക്ഷേ ഇപ്പോൾ കുഞ്ഞ് വന്നതിന് ശേഷം അത് സാധ്യമല്ല എന്നാണ് നടി പറഞ്ഞത്. അതേ സമയം മാതൃത്വം താൻ വളരെ അധികം ആസ്വദിക്കുന്നുണ്ട് എന്നും സൺ യെ ജിൻ വ്യക്തമാക്കിയിരുന്നു.

Also Read: ആർജെ അമൻ ഭൈമി വിവാഹിതനായി; ആശംസകളുമായി ആര്യ ബഡായി, നിങ്ങൾ രണ്ടു പേരുടെയും ജീവിതത്തിൽ ഞാൻ ഒരുപാട് സന്തോഷിക്കുന്നു

ചിത്രത്തിൽ സൺ യെ ജിന്നിന്റെ കഥാപാത്രത്തെ കുറിച്ച് സംവിധായകൻ പാർക് ചാൻ വൂക്ക് സംസാരിക്കുകയുണ്ടായി. സൺ യെ ജിൻ കഥാപാത്രം നിരസിക്കും എന്നായിരുന്നു ഞാൻ ആദ്യം കരുതിയത്, അത് കരുതിക്കൂട്ടിത്തന്നെയാണ് ഞാൻ പോയതും. പക്ഷേ അവർ ഇങ്ങോട്ട് റിക്വസ്റ്റ് ചെയ്തത് ശരിക്കും എന്നെ ഇംപ്രസ് ചെയ്തു. ദയവ് ചെയ്ത് ഇതൊന്ന് ഉറപ്പ് വരുത്തു, സിനിമ റിലീസ് ചെയ്തതിന് ശേഷം എന്റെ സുഹൃത്തുക്കൾ നീ എന്തിന് ഇത് ചെയ്തു എന്ന് ചോദിക്കാൻ പാടില്ല- എന്നാണത്രെ സൺ യെ ജിൻ പറഞ്ഞത്.
സോൺ യെ ജിന്നിനൊപ്പം ലീ ബ്യൂങ് ഹൻ, ലീ സുങ് മിൻ, പാർക്ക് ഹീ സൂൺ, യോം ഹൈ റാൻ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളായി എത്തിയിരിയ്ക്കുന്നത്.