2 weeks ago
6
അതിനിടയിലാണ് യാഷിനെതിരെ നേരത്തെ ഉയര്ന്ന് ആരോപണങ്ങള്ക്ക് അമ്മ പുഷ്പ അരുണ് കുമാര് മറുപടി നല്കിയത്. പ്രത്യേകിച്ച് പേരെടുത്ത് പറയാതെ തന്നെ, അത് ആര്ക്കുള്ള മറുപടിയാണ് എന്നത് വളരെ വ്യക്തമാണ്.
മൗനം വലിയൊരു യുദ്ധമാണ്, എന്റെ മറുപടി അതാണ്, മനസ്സിലാവേണ്ടവര്ക്ക് മനസ്സിലായിക്കോളുമെന്ന് കിച്ചു സുധി പറയുന്നു
2023 ല് കെജിഎഫിന്റെ വന് വിജയത്തിന് ശേഷം തെലുങ്കിലെ പ്രമുഖ നിര്മാതാവും നടന് അല്ലു അര്ജുന്റെ അച്ഛനുമായ അല്ലു അരവിന്ദ് പ്രതികരിച്ചതിനോടാണ് ഇന്ന് പുഷ്മ അരുണ്കുമാറിന്റെ പ്രതികരണം. കെജിഎഫിന് മുന്പ് യാഷ് ആരായിരുന്നു. അങ്ങനെ ഒരു നടന് അടയാളമേ ഉണ്ടായിരുന്നില്ല. ആ സിനിമയുടെ വന് കാന്വാസും നിര്മാണവുമാണ് സിനിമയുടെ വിജയത്തിന് കാരണം - എന്നാണ് അല്ലു അരവിന്ദ് പറഞ്ഞത്.
അതിനുള്ള മറുപടിയാണ് ഇന്ന് യാഷിന്റെ അമ്മ നല്കിയിരിക്കുന്നത്. കെജിഎഫിന്റെ വിജയത്തിന് മുന്പ് യാഷ് അഞ്ച് ബാക്ക് ടു ബാക്ക് ഹിറ്റുകള് നല്കിയ നടനാണ്. യാഷൊരു സാധാരണ മനുഷ്യനാണെങ്കില്, നിങ്ങള് അവകാശപ്പെടുന്നത് പോലെ ഒന്നുമല്ലാത്ത ആളായിരുന്നുവെങ്കില് എന്തിനാണ് അവന്റെ വളര്ച്ചയില് നിങ്ങള് പേടിക്കുന്നത്. കെജിഎഫിന് മുന്പ് യാഷ് ആരായിരുന്നു എന്ന് ചോദിക്കേണ്ട യാതൊരു കാര്യവുമില്ല. അതിന് മുന്പ് തന്നെ അവന് ഒരുപാട് നല്ല സിനിമകള് നല്കിയിട്ടുണ്ട്. അതിനപ്പുറം മറ്റുള്ള സൂപ്പര് താരങ്ങളെ പോലെ അവനൊരു സമ്പന്ന കുടുംബത്തില് ജനിച്ച ആളല്ല. അവനൊരു ബസ് ഡ്രൈവറുടെ മകനാണ്, ഇന്നവന് നേടിയതെല്ലാം അവന്റെ സ്വന്തം കഷ്ടപ്പാടിന്റെ ഫലമാണ്. ഒരു അമ്മ എന്ന നിലയില് ഞാന് അതില് അഭിമാനിക്കുന്നു- എന്നാണ് പുഷ്പ അരുണ് കുമാര് പറഞ്ഞത്.
അല്ലു അരവിന്ദിന്റെ ഈ പരമാര്ശത്തിന് ശേഷം ഇതേ ചോദ്യം യാഷിനോട് ചോദിച്ചിരുന്നു, കെജിഎഫിന് മുന്പ് ആരായിരുന്നു യാഷ് എന്ന്. അന്ന് അദ്ദേഹം നല്കിയ മറുപടി, ഒരു സിനിമയുടെ വിജയവും ഒരാളേക്ക് മാത്രം ചുരുങ്ങുന്നതല്ല എന്നാണ്. ഒരു സിനിമ നിര്മാതാവിന്റെ മാത്രമാണെന്ന് ഞാന് വിശ്വസിക്കുന്നില്ല. ഒരു സിനിമയ്ക്ക് വേണ്ടി ഒരുപാടാളുകള് കഷ്ടപ്പെടുന്നുണ്ട്. നടനാകട്ടെ എഴുത്തുകാരനാവട്ടെ ടെക്നീഷ്യന്മാരാവട്ടെ അങ്ങനെ ഒരുപാടുപേര്. എന്നാല് തനിക്ക് കിട്ടിയ റോള് ഒരു നടന് നന്നായി ചിയ്തില്ലെങ്കില് ഒരിക്കലും ആ സിനിമ വിജയിക്കില്ല- എന്നാണ് യാഷ് നല്കി. മറുപടി
English (US) ·