Published: November 02, 2026 04:13 PM IST
1 minute Read
ഓക്ലൻഡ് ∙ പ്രഫഷനലിസത്തിന്റെ കാര്യത്തിൽ യുവ ക്രിക്കറ്റ് താരങ്ങൾ വിരാട് കോലിയെ മാതൃകയാക്കണമെന്ന് ന്യൂസീലൻഡ് പേസർ ജേക്കബ് ഡഫി. കോലിക്കൊപ്പം ഐപിഎൽ ടീം റോയൽ ചാലഞ്ചേഴ്സ് ബെംഗളൂരുവിൽ സമയം ചെലവഴിക്കാൻ സാധിച്ചത് കരിയറിൽ നേട്ടമായെന്നും ഡഫി പറഞ്ഞു. ‘ ക്രിക്കറ്റിനെ വളരെ പ്രഫഷനലായി സമീപിക്കുന്നയാളാണ് കോലി. ആ ആത്മസമർപ്പണമാണ് അദ്ദേഹത്തിന്റെ നേട്ടങ്ങൾക്കു പിന്നിലെന്ന് ഞാൻ വിശ്വസിക്കുന്നു. ലോക ക്രിക്കറ്റിലെ സൂപ്പർ താരമാണ് അദ്ദേഹം.
പക്ഷേ, ആ താരപ്രഭയൊന്നും ഇല്ലാതെ വളരെ സിംപിളായാണ് എല്ലാവരോടും കോലി പെരുമാറാറുള്ളത്. ആർസിബിയിൽ ഉള്ളപ്പോൾ അതു ഞാൻ നേരിട്ടു മനസ്സിലാക്കിയതാണ്. ഏകദിന പരമ്പരയിൽ അദ്ദേഹത്തിന് എതിരെ കളിക്കാൻ സാധിക്കുന്ന ത്രില്ലിലാണ് ഞാനിപ്പോൾ’– ഡഫി പറഞ്ഞു. ഇന്ത്യ– ന്യൂസീലൻഡ് 5 മത്സര ഏകദിന പരമ്പരയിലെ ആദ്യ മത്സരം 4ന് ഓക്ലൻഡിൽ നടക്കും.
English Summary:






English (US) ·