രഞ്ജിത്തും പ്രിയയും വീണ്ടും ഒന്നിച്ച പോലെ മറ്റൊരു റീയൂണിയൻ കൂടി! ആ വേദിയിൽ വച്ച് ഒരു റോസാപ്പൂ നൽകിയാൽ ലിസിക്കും പ്രിയനും ഒന്നാകാം

Authored by: ഋതു നായർ|Samayam Malayalam•11 Sept 2025, 9:35 am

സിനിമ ഇന്ഡസ്ട്രിയിലെ വിശേഷങ്ങൾ അതിന്റെ ഉള്ളിൽ തന്നെ ഒരാൾ പറയുമ്പോൾ കാഴ്ചക്കാർക്ക് ആകാംഷ കൂടും. അത്തരത്തിൽ സംവിധായകൻ ആലപ്പി അഷ്‌റഫ് പങ്കുവച്ച വാക്കുകൾ ആണ് ആരാധകർക്ക് ആവേശവും സന്തോഷവും ഒരുപോലെ നൽകുന്നത്. പ്രിയ രാമനും നടൻ രഞ്ജിത്തും ഒരുമിച്ചതുപോലെ ഉറപ്പായും ലിസിക്കും പ്രിയനും ഇടയിൽ ഒരു റീ യൂണിയൻ ഉണ്ടാകുമെന്നും അത് നടന്നുകാണാൻ ആഗ്രഹിക്കുന്നുവെന്നും അദ്ദേഹം പറയുന്നു. 'ലോക' വമ്പൻ ഹിറ്റായി ഓടിക്കൊണ്ടിരിക്കുമ്പോൾ സക്സസ് സെലിബ്രെഷന്റെ ഭാഗമായി കല്യാണിയുടെയും അച്ഛനും അമ്മയും ഒരേ വേദിയിൽ എത്തുകയും അവിടെ വച്ച് ഒരു റോസാപ്പൂ നൽകി വീണ്ടും ആ ദാമ്പത്യം ഇരുവരും വീണ്ടും തുടങ്ങുന്ന സീനിനെ കുറിച്ചാണ് അഷ്‌റഫ് പറയുന്നത്

പ്രിയ രാമന്റെയും ലിസി പ്രിയദർശന്റെയും വിശേഷങ്ങൾ അദ്ദേഹത്തിന്റെ വാക്കുകളിലൂടെ തുടർന്ന് വായിക്കാം

സ്വന്തം ഇച്ഛാശക്തികൊണ്ട് തകർന്നുപോകുമായിരുന്ന ദാമ്പത്യം തിരിച്ചുപിടിച്ച ആളാണ് പ്രിയ രാമൻ. ആദ്യ സിനിമയിൽ അഭിനയിക്കുന്നതിന്റെ ഇടയിലാണ് പ്രിയ രാമനും രഞ്ജിത്തും പരസ്പരം അറിയുന്നത്. തിരുവനന്തപുരത്തുകാരി ആണ് പ്രിയ. അവരെ സിനിമയിലേക്ക് കൊണ്ട് വന്നത് രജനീകാന്ത്. ഭാഗ്യരാജ് മുഖേന ആണ് അത് സംഭവിക്കുന്നത്. രഞ്ജിത്ത് ആ സമയത്ത് വില്ലൻ വേഷത്തിലൂടെ എത്തി. രാജമാണിക്യത്തിലെ വില്ലൻ വേഷമാണ് ഏറെ ശ്രദ്ധിക്കപ്പെട്ടത്. ഇവർ രണ്ടുപേരും അഭിനയിച്ച സിനിമകൾ ഏറെയുണ്ട്. ഇവരുടെ വിവാഹം നടക്കുന്നത് വീട്ടുകാരുടെ അനുവാദത്തോടെയും ഒരു പൈങ്കിളി പ്രണയമല്ല തങ്ങളുടേത് എന്ന് പലപ്പോഴതും ഇരുവരും സംസാരിച്ചിട്ടുണ്ട്. തുടക്കസമയത്ത് പുസ്തകങ്ങളെ കുറിച്ചാണ് ഇരുവരും സംസാരിച്ചിരുന്നത് എന്ന് ഒരിക്കൽ പ്രിയ തന്നെ പറയുന്നു.

കുടുംബത്തിന് വേണ്ടി അഭിനയരംഗം വിട്ട പ്രിയ രാമന്റെ ജീവിതം മാറ്റിമറിച്ചത് രഞ്ജിത്തിന് മറ്റൊരു ബന്ധം ഉണ്ടെന്ന് അറിഞ്ഞതോടെയാണ്. ആദ്യം ആ വാർത്ത വിശ്വസിക്കാൻ പ്രിയക്ക് സാധിച്ചില്ല. പതിനാറുവര്ഷം കഴിഞ്ഞപ്പോൾ ഡിവോഴ്സ് നേടി. കുട്ടികൾ പ്രിയക്ക് ഒപ്പം. സീരിയലുകളിലൂടെ പ്രിയ മടങ്ങിയെത്തി. രഞ്ജിത്ത് മറ്റൊരു ജീവിതത്തിലേക്കും എത്തി. എന്നാൽ രഞ്ജിത്ത് അവരും ആയി വേർപിരിഞ്ഞു. പക്ഷെ മറ്റൊരു ട്വിസ്റ്റ് സംഭവിച്ചു, 2018 ൽ ടെലിവിഷൻ വേദിയിൽ വച്ച് രഞ്ജിത് പ്രിയരാമൻ റീ യൂണിയൻ സംഭവിച്ചു. അങ്ങനെ രഞ്ജിത്ത് വീണ്ടും പ്രിയയുടെ ജീവിതത്തിലേക്ക് എത്തി. ബിഗ് ബോസിൽ വച്ച് രഞ്ജിത്ത് പറഞ്ഞ വാക്കുകളും ഏറെ വൈറൽ ആയിരുന്നു.

ALSO READ മകളോടുള്ള സ്നേഹം എങ്ങനെ കാണിക്കണം എന്നറിയില്ല; ഒന്നാം പിറന്നാളിന് ദീപിക പദുക്കോൺ ദുവയ്ക്ക് വേണ്ടി ഉണ്ടാക്കിയത്?

മലയാള സിനിമയിലും രണ്ടാം ദാമ്പത്യം തുടങ്ങാൻ സാധ്യത വരുന്നത് പ്രിയന്റെയും ലിസിയുടെയും കാര്യത്തിലാണ്. വലിയ പ്രശ്നങ്ങൾ കൊണ്ടുവേര്പിരിഞ്ഞ ദാമ്പത്യം ആയിരുന്നില്ല ഇവരുടേത്. അതുകൊണ്ടുതന്നെ ഇവർക്ക് ഇടയിൽ ഉള്ള മഞ്ഞുമല ഉരുകാൻ തുടങ്ങി എന്നാണ് ആലപ്പി അഷ്‌റഫ് പറയുന്നത്. ഇരുവരും അത്രയും നല്ല സൗഹൃദത്തിൽ ആണെന്നും അദ്ദേഹം പറയുന്നു..

ALSO READ: 'ജീവനാംശം ഇല്ലാതെ വിവാഹമോചനം! കോടികൾ വിട്ടുനൽകി; ഇപ്പോൾ ആസ്തി അതുക്കും മേലെ', പരസ്യങ്ങൾ, ഉദ്‌ഘാടനങ്ങൾ, ബ്രാൻഡ് അംബാസിഡർ

ഈ അടുത്ത് അദ്ദേഹം ഒരാൾക്കൊപ്പം വീട്ടിൽ വന്നിരുന്നു, ബ്രേക്ക് ഫാസ്റ്റ് കഴിച്ചിട്ടാണ് പോയതെന്ന് ലിസി പറഞ്ഞുവെന്നും അഷ്‌റഫ് പറയുന്നു. അങ്ങനെ എങ്കിൽ അവർ ഇരുവരും അധികം വൈകാതെ തമ്മിലുള്ള വിഷയങ്ങൾ പറഞ്ഞു തീർത്ത് ജീവിതത്തിൽ ഒന്നാകുമെന്നാണ് തന്റെ പ്രതീക്ഷ എന്നും ആലപ്പി അഷ്‌റഫ് സ്വന്തം ചാനലിലൂടെ കൂട്ടിച്ചേർത്തു.