9 months ago
8
Authored byഅശ്വിനി പി | Samayam Malayalam | Updated: 14 Apr 2025, 2:54 pm
മാസങ്ങള് പോലും തികയാത്ത വിവാഹ ബന്ധങ്ങളാണ് സിനിമ ലോകത്ത്. അതിനിടയില് 13 വര്ഷം നീണ്ടു നില്ക്കുന്ന തങ്ങളുടെ സന്തോഷ ദാമ്പത്യ ജീവിതത്തിന്റെ രഹസ്യം രാം ചരണും ഭാര്യയും വെളിപ്പെടുത്തുന്നു
രാം ചരണും ഭർത്താവും2007 ല് കരിയര് ആരംഭിച്ച രാം ചരണ് ഇപ്പോള് 18 വര്ഷങ്ങള് പൂര്ത്തിയാക്കുമ്പോഴും വിരലിലെണ്ണാവുന്ന അത്രയും സിനിമകള് മാത്രമേ ചെയ്തിട്ടുള്ളൂ. അതെല്ലാം സാമ്പത്തികമായി വിജയം നേടിയ സിനിമകളും ആണ്. അത്രയേറെ രാം ചരണ് തന്റെ തിരഞ്ഞെടുപ്പുകളില് ശ്രദ്ധിക്കുന്നു. കരിയറില് മാത്രമല്ല, വ്യക്തി ജീവിതത്തിലും കൃത്യമായ പ്ലാനിങോടുകൂടെയാണ് രാം ചരണും ഭാര്യ ഉപാസന കൊനിഡേലയും പോകുന്നത്.
Also Read: ഞാന് ചുരിദാറാണ് ഇട്ടിരുന്നത്! തന്റെ അശ്ലീല ഒഫോട്ടോ കണ്ടപ്പോള് മഞ്ജു വാര്യരുടെ പറഞ്ഞത്, ദുഷ്പ്രവൃത്തി ചെയ്യുന്ന ആളിന്റെ പണിയാണിത്
2012 ല് വിവാഹിതരായ രാം ചരണിനും ഉപാസനയ്ക്കും പത്ത് വര്ഷങ്ങള്ക്ക് ശേഷം 2013 ല് ആണ് ആദ്യത്തെ കുഞ്ഞ് പിറന്നത്. സാമ്പത്തികമായും, കരിയര് പരമായും തങ്ങള് മെച്ചപ്പെട്ടു നില്ക്കുന്ന സാഹചര്യത്തിലായിരിക്കണം കുഞ്ഞ് വരേണ്ടത് എന്ന തീരുമാനത്തിന്റെ അടിസ്ഥാനത്തില് വിവാഹം കഴിഞ്ഞ ഉടനെ തന്നെ ഇരുവരും തങ്ങളുടെ എഗ്ഗ്സ് ഫ്രീസ് ചെയ്തിരുന്നു. കരിയറില് ആഗ്രഹിച്ച ഉയരങ്ങളില് എത്തിയതിന് ശേഷം ഗര്ഭം ധരിക്കുകയും കുഞ്ഞു പിറക്കുകയും ചെയ്തു. പലര്ക്കും മാതൃകാപരമായിരുന്നു രാം ചരണിന്റെയും ഉപാസന കൊനിഡേലയുടെയും ഈ തീരുമാനം
കുഞ്ഞിന്റെ ജനനത്തില് മാത്രമല്ല, 13 വര്ഷത്തോളമായി നീണ്ടു നില്ക്കുന്ന രാം ചരണിന്റെയും ഉപാസനയുടെയും ഈ ദാമ്പത്യ ജീവിതത്തിന് പിന്നിലും ഒരു രഹസ്യമുണ്ട്, ഒരു സിംപിള് ടിപ്. എല്ലാ ആഴ്ചയും താരദമ്പതികളുടെ വീട്ടില് ഒരു ഡേറ്റ് നൈറ്റ് ഉണ്ടാവുമത്രെ. ആ ദിവസം ഇരുവരും ഫോണ് ഉപയോഗിക്കുകയോ ടിവി കാണുകയോ ചെയ്യാറില്ല. മറ്റെല്ലാ തിരക്കുകളും മാറ്റിവച്ച് രണ്ടു പേരും ഒരുപാട് സംസാരിക്കും, ചിരിക്കും, സന്തോഷിക്കും, ഒരുമിച്ചുള്ള കൂട്ടുകെട്ടും, ആ നിമിഷവും പരമാവധി ആസ്വദിയ്ക്കും. തുറന്ന സംസാരവും ഒരുമിച്ചുള്ള വളര്ച്ചയും ഞങ്ങളുടെ ബന്ധം കൂടുതല് ശക്തമാക്കി എന്നാണ് ഒരിക്കല് ഉപാസന കൊനിഡേല പറഞ്ഞത്.
രാം ചരണിന്റെയും ഭാര്യയുടെയും 13 വര്ഷത്തെ ദാമ്പത്യ ജീവിതത്തിന്റെ രഹസ്യം? ഇത് ആര്ക്കും ഫോളോ ചെയ്യാന് പറ്റുന്ന സിംപിള് ടിപ് ആണ്!
ഒന്പതാം ക്ലാസ് മുതല് സുഹൃത്തുക്കളായിരുന്നുവത്രെ രാം ചരണും ഉപാസനയും. ചെന്നൈയിലാണ് ഇരുവരും പഠിച്ചത്. 2011 ല് വീട്ടുകാരുടെ സമ്മതത്തോടെയും അനുഗ്രഹത്തോടെയും വിവാഹ നിശ്ചയവും, 2012 ല് വിവാഹവും കഴിഞ്ഞു. അപ്പോളോ ഹോസ്പിറ്റലിന്റെ വൈസ് ചെയര്മാനും ബി പോസിറ്റീവ് എന്ന മാഗസിന്റെ ചീഫ് എഡിറ്ററുമാണ് ഉപാസന കൊടിനേല.
രചയിതാവിനെക്കുറിച്ച്അശ്വിനി പിഅശ്വിനി- സമയം മലയാളത്തില് എന്റര്ടൈന്മെന്റ് സെക്ഷനില് സീനിയർ ഡിജിറ്റൽ കണ്ടൻ്റ് പ്രൊഡ്യൂസർ ആയി പ്രവൃത്തിയ്ക്കുന്നു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനും താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. വണ്, ഇന്ത്യ ഫില്മിബീറ്റ് പോലുള്ള ദേശീയ മാധ്യമങ്ങളില് പ്രവൃത്തിച്ചു. നവമാധ്യമ രംഗത്ത് പത്ത് വര്ഷത്തെ പ്രവൃത്തി പരിചയം. പൊളിട്ടിക്കല് സയന്സില് ബിരുദവും ജേര്ണലിസത്തില് ഡിപ്ലോമയും നേടി.... കൂടുതൽ വായിക്കുക
English (US) ·