രാജേഷ് അറുപത് ദിവസമായി ആശുപത്രിയിൽ! എങ്ങനെയാണ് ചിലവുകൾ വഹിക്കുന്നത്; മറുപടി നൽകി സുഹൃത്ത്

കഴിഞ്ഞ അറുപതില്പരം ദിവസങ്ങളായി ആശുപത്രിയിൽ ചികിത്‌സയിൽ ആണ് രാജേഷ് കേശവ് . രാജേഷ് ഇപ്പോൾ വെല്ലൂർ ആശുപത്രിയിൽ ചികിത്‌സ തുടരുകയാണ്. തുടക്കം മുതൽ ഇത്രയും ദിവസം അദ്ദേഹത്തിനും കുടുംബത്തിനും ഒപ്പം നിഴലായി നിൽക്കുന്നത് സുഹൃത്തുക്കൾ ആണ്. അതിൽ പ്രതാപ് ജയലക്ഷ്മി ആണ് രാജേഷിന്റെ വിവരങ്ങൾ അപ്‌ഡേറ്റ് ചെയ്യുന്നത്. ഇത്രയും ദിവസം ഒരാൾ ആശുപത്രിയിൽ കിടന്നാൽ ഉറപ്പായും വരുന്ന ഒരു ചോദ്യമുണ്ട് എങ്ങനെയാണ് ആശുപത്രി ചിലവുകൾ മുൻപോട്ട് കൊണ്ട് പോവുക എന്നത്.

വലിയ ഒരു തുക തന്നെ രാജേഷിനു ആയിട്ടുണ്ടാകും എന്ന കാര്യത്തിൽ സംശയം വേണ്ട. ലേക്ക് ഷോർ ആശുപത്രിയിൽ ദിവസങ്ങളോളം കിടന്ന ശേഷം ആണ് രാജേഷിനെ വെല്ലൂരിലേക്ക് മാറ്റിയത്. അതും എയർ ആംബുലൻസ് വഴിയാണ് ഷിഫ്റ്റ് ചെയ്തത്. രാജേഷിനെ ഇപ്പോൾ വെല്ലൂർ ആശുപത്രിയിലേക്ക് മാറ്റിയ ശേഷം ആരോഗ്യനിലയിൽ ഒരുപാട് മാറ്റങ്ങൾ ഉണ്ടായി എന്നാണ് പ്രതാപ് പറയുന്നത്.

പ്രാർത്ഥനയോടെ ചികിത്സ ചിലവുകൾ ഒക്കെ എങ്ങിനെ നടത്തുന്നത് ഭായി എന്ന ചോദ്യത്തിനാണ് അറിയുന്നവർ കുറച്ചൊക്കെ സഹായിക്കുന്നുണ്ട് എന്ന് രാജേഷ് മറുപടി നൽകിയത്. അതേസമയം രാജേഷ് അഭിനയിച്ച 'ഇന്നസന്റ്' സിനിമയുടെ റീലീസ് ഡേറ്റും , ധ്യാൻ നോടൊപ്പം അഭിനയിച്ച 'വടക്കൻ തേരോട്ടം' എന്ന മൂവിയുടെ റിലീസ് വാർത്തകളും അടക്കം നിരവധി സിനിമാ വിശേഷങ്ങൾ രാജേഷിനെ അറിയിക്കുന്നുണ്ട്. അത് കേൾക്കുമ്പോഴാണ് രാജേഷ് കൂടുതൽ റിയാക്ട് ചെയ്യുന്നത് എന്നും പ്രതാപ് അറിയിച്ചു.

ALSO READ: ലോകത്തിൽ ആച്ഛനോളം വലുത് മറ്റൊന്നുമില്ല! അമ്മപോലും പിന്നെയെ ഉള്ളൂ; അൻപത്തിയേഴിലെക്ക് കടന്ന് ദിലീപ്; ഇത് അച്ഛൻ മകൾ സ്‌പെഷ്യൽ ചിത്രം

പ്രതാപിന്റെ പോസ്റ്റ്

കഴിഞ്ഞ കുറച്ചു ദിവസങ്ങളിലായി എനിക്ക് വരുന്ന എല്ലാ മെസ്സേജുകളും ഇത് മാത്രമാണ്. കഴിഞ്ഞ 2 ആഴ്ച ആയി ഞാൻ ഒരു യാത്രയിൽ ആയിരുന്നതിനാൽ കൃത്യമായി reply കൊടുക്കാൻ കഴിഞ്ഞില്ല എല്ലാവരോടും ക്ഷമാപണം . എല്ലാ ദിവസവും എവിടെ ആയിരുന്നാലും രൂപേഷിൽ Rupesh Kesav നിന്നു updates എടുക്കുന്നുണ്ടെങ്കിലും നേരിട്ട് വന്നു കണ്ട് എഴുതുന്നതാണ് അതിന്റെ ഒരു ശെരി എന്ന് തോന്നി.
ഇന്ന് 60 ദിവസമായി രാജേഷ് കിടക്കയിലായിട്ട്.. വെല്ലൂർ മെഡിക്കൽ കോളേജിൽ എത്തിയിട്ട് ഒരു മാസവും കഴിഞ്ഞിരിക്കുന്നു.

ഇവിടെ PMR Department ന്റെ കീഴിലാണ് ചികിത്സകൾ ഏകോപിക്കുന്നത്. വിവിധ തെറാപ്പികൾ രാജേഷിനെ ചെയ്യിപ്പിക്കുന്ന കാര്യം മുൻപ് സൂചിപ്പിച്ചിരുന്നവങ്കിലും പലതും ഞങ്ങൾ ആദ്യമായി കാണുന്നവയാണ്. രാവിലെ തുടങ്ങുന്ന സ്‌പീച്ച് തെറ്റാപ്പിയും, ഫിസിയോ തെറാപ്പിയും സാധാരണ നമുക്ക് പരിചിതമായ ഒന്നല്ല. ഉച്ചക്ക് ശേഷമുള്ള ഒക്യൂപ്പെഷണൽ തെറാപ്പിയും അതിന്റെ സമയവുമെല്ലാം രോഗിയുടെയും കൂടെയുള്ളവരുടെ ക്ഷമയും മനസ്സികനിലയെയും ചിലപ്പോൾ പരീക്ഷിക്കുന്നവയാണ്.
ഒരേ കാര്യം പലതവണ പറഞ്ഞു പറഞ്ഞു, മടുക്കാതെ ചെയ്യിപ്പിക്കുന്ന ഇവിടുത്തെ തെറാപ്പിസ്റ്റുകളുടെ ആത്മാർത്ഥതയെയും സഹന ശക്തിയെയും മനസ്സ് കൊണ്ട് നമിക്കുന്നു.

രാജേഷ് കണ്ണു തുറന്നോ എന്ന് ചോദിക്കുന്നവരോട് അതെ എന്നാണ് ഉത്തരം എങ്കിലും ഫോക്കസ് കുറച്ചു കൂടി wide ആകേണ്ടതുണ്ട് .കേൾവി ശക്തി ഉണ്ടെന്നു വ്യക്തമായതോടെ പലവിധ തെറാപ്പികൾ ചെയ്യാൻ കൂടുതൽ ധൈര്യം ഡോക്ടർമാർക്ക് വന്നിട്ടുണ്ട്. പക്ഷേ രാജേഷ് ചിലപ്പോൾ പാതി മയക്കത്തിൽ, ഒരു തെറാപ്പിയും ചെയ്യാതെ മടി പിടിച്ചു കിടക്കുമ്പോൾ കൂടെയുള്ളവരെ അത് വിഷമിപ്പിക്കുന്നുണ്ട് എന്ന് അവൻ അറിയുന്നുണ്ടാവുമോ? എങ്കിലും ക്ഷമയോടെ, സാവധാനമാണെങ്കിൽ കൂടിയും പരമാവധി ചികിത്സ നൽകുവാൻ ഇവിടെ എല്ലാവരും ശ്രമിക്കുന്നുണ്ട്. രാജേഷിനു ചികിത്സാ സഹായം നൽകിയ ശ്രീ വേണു കുന്നപ്പള്ളിയെപ്പോലെയുള്ള സുമനസ്സുകളെ നന്ദിയോടെ ഓർക്കുന്ന.രാജേഷിനെ കേൾപ്പിക്കാൻ വോയിസ് അയക്കുന്നവരോട് ഒത്തിരി സ്നേഹം

കിടക്കയിൽ നിന്നു എണീറ്റു, ചിരിച്ച മുഖത്തോടെ കൈ വീശി കാണിക്കുന്ന രാജേഷിനായി നമുക്ക് കാത്തിരിക്കാം. അവനോടുള്ള പ്രാർത്ഥനയും സ്നേഹവും എന്നത്തപ്പോലെയും നമുക്ക് തുടരാം