രോഹിതിന്റെ വാക്കുകൾ ശ്രദ്ധയോടെ കേൾക്കുന്ന ഹർദിക് പാണ്ഡ്യ; മുംബൈ ഇന്ത്യൻസ് പങ്കുവെച്ച വീഡിയോ വൈറൽ

Edited byഅനുഷ ഗംഗാധരൻ | Samayam Malayalam | Updated: 24 Apr 2025, 5:10 pm

മുംബൈ; 2025 ഐപിഎൽ സീസണിൽ തുടക്കത്തിൽ ഫോം നഷ്‌ടമായ പ്രകടനമായിരുന്നു രോഹിത് ശർമ കാഴ്ചവെച്ചിരുന്നത്. എന്നാൽ അവസാന രണ്ട് മത്സരങ്ങളിൽ ടീമിന്റെ വിജയ ശില്പിയായത് മുംബൈയുടെ മുൻ നായകനും ഇന്ത്യയുടെ ഏകദിന നായകനുമായ രോഹിത് ശർമ്മയാണ്. തുടർച്ചയായി രണ്ട് മത്സരങ്ങളിൽ താരം അർധ സെഞ്ചുറിയും കടന്ന് റൺ നേടി. ഇതോടെ 2016 ശേഷം വീണ്ടും ഹിറ്റ്മാൻ തുടർച്ചയായി അർധ സെഞ്ചുറി സ്വന്തമാക്കി.
CSK vs SRH: ഇരുവർക്കും നിർണായകം; ജയിച്ചെങ്കിൽ മാത്രം പ്ലേ ഓഫ് സാധ്യതകഴിഞ്ഞ ദിവസം രോഹിത് 46 പന്തിൽ നിന്ന് 70 റൺസ് നേടിയതോടെ മുംബൈ സൺറൈസേഴ്‌സ് ഹൈദരാബാദിനെതിരെ ഏഴ് വിക്കറ്റിന്റെ വിജയം നേടി. തുടർച്ചയായ നാലാം വിജയമാണ് മുംബൈ നേടിയത്.
ആദ്യ പന്തിൽ തന്നെ കൃത്യമായി കളിച്ച ഓപ്പണർ, അനായാസമായ ടൈമിങ്ങിലൂടെ ഹൈദരാബാദിന്റെ പന്തുകൾ ബൗണ്ടറി കടത്തി. എട്ട് ബൗണ്ടറികളും മൂന്ന് സിക്സറുകളും ഉൾപ്പെടുന്ന അദ്ദേഹത്തിന്റെ ഇന്നിങ്സ്, 144 റൺസ് വിജയലക്ഷ്യം എളുപ്പത്തിൽ മറികടക്കാൻ സഹായിച്ചു, മത്സരശേഷം മുംബൈ ഡ്രസ്സിംഗ് റൂമിൽ അദ്ദേഹത്തിന് ഒരു പ്രത്യേക അംഗീകാരം ലഭിക്കുകയും ചെയ്തു.സോഷ്യൽ മീഡിയയിൽ മുംബൈ ഇന്ത്യൻസ് പങ്കിട്ട ഒരു വീഡിയോയിൽ, സൂര്യകുമാർ യാദവ് രോഹിതിന് ഡ്രസിങ് റൂമിൽ വെച്ച് ബാറ്റിങ് അവാർഡ് നൽകുന്നത് വിഡിയോയിൽ കാണാം."തുടർച്ചയായി 50കൾ" എന്ന ക്യാപ്ഷനോടെയാണ് വീഡിയോ പോസ്റ്റ് ചെയ്‌തത്‌.

നമ്മൾ സ്ഥിരമായി ചെയ്തുകൊണ്ടിരുന്നത് തന്നെ തുടർന്നും ചെയ്യാം. നമ്മൾ കാര്യങ്ങൾ സ്ഥിരതയോടെ മുന്നോട്ടുകൊണ്ടുപോകണം, ഇന്നത്തെ ദിവസം അതിന്റെ മറ്റൊരു നല്ല ഉദാഹരണമായിരുന്നു. അത് തന്നെ മുറുകെ പിടിച്ച് നമുക്ക് മുന്നോട്ടുപോകാം," എന്ന് ഡ്രസിങ് റൂമിൽ സഹതാരങ്ങളെ അഭിസംബോധന ചെയ്തുകൊണ്ട് രോഹിത് പറഞ്ഞു. രോഹിതിന്റെ വാക്കുകൾ ശ്രദ്ധയോടെ കേൾക്കുന്ന ഹർദിക് പാണ്ഡ്യയെയും ഈ വിഡിയോയിൽ കാണാം.
ആദ്യ ആറ് മത്സരങ്ങളിൽ നിന്ന് 13.7 എന്ന ശരാശരിയിൽ 82 റൺസ് മാത്രം നേടിയ രോഹിത്, നിരവധി ചോദ്യങ്ങൾ ഉയർത്തിയിരുന്നു. എന്നാൽ അവസാന രണ്ട് മത്സരങ്ങളിൽ ചെന്നൈയ്‌ക്കെതിരെ 76 റൺസും ഹൈദരാബാദിനെതിരെ 70 റൺസും നേടിയ രോഹിത് വിമർശകരെ നിശബ്ദരാക്കി. രണ്ടും 50 പന്തിൽ താഴെ മാത്രം എടുത്ത മികച്ച പ്രകടനമാണ്.

അതേസമയം കഴിഞ്ഞ മത്സരത്തോടെ ഫ്രാഞ്ചൈസിക്ക് വേണ്ടി ഏറ്റവും കൂടുതൽ സിക്സറുകൾ നേടിയ ബാറ്റ്സ്മാൻ എന്ന നിലയിൽ കീറോൺ പൊള്ളാർഡിനെ മറികടന്ന് രോഹിത് മുംബൈയുടെ റെക്കോർഡ് ബുക്കിൽ തന്റെ പേര് എഴുതി ചേർത്തു. നിലവിലെ സീസണിൽ എട്ട് മത്സരങ്ങളിൽ നിന്ന് 228 റൺസാണ് അദ്ദേഹത്തിന്റെ സമ്പാദ്യം, ശരാശരി 32.57 ഉം സ്ട്രൈക്ക് റേറ്റ് 154.05 ഉം ആണ്.

ഹൈദരാബാദിനെതിരായ വിജയത്തോടെ, ഒമ്പത് മത്സരങ്ങളിൽ നിന്ന് 10 പോയിന്റുമായി മുംബൈ ഇന്ത്യൻസ് നിലവിൽ പോയിന്റ് പട്ടികയിൽ മൂന്നാം സ്ഥാനത്താണ്. മുംബൈ, റോയൽ ചലഞ്ചേഴ്‌സ് ബെംഗളൂരു, പഞ്ചാബ് കിംഗ്‌സ്, ലഖ്‌നൗ സൂപ്പർ ജയന്റ്‌സ് എന്നീ നാല് ടീമുകൾക്കും ഒരേ പോയിന്റുകളാണുള്ളത്, എന്നാൽ ഹാർദിക് പാണ്ഡ്യയുടെ ടീം ഉയർന്ന നെറ്റ് റൺ റേറ്റിൽ മുന്നിലാണ്.