രോഹിത് ശര്‍മ ഡക്ക്..! ഹാര്‍ദികും ബുംറയും കളത്തിന് പുറത്ത്; മുംബൈ ഇന്ത്യന്‍സിന് ചെന്നൈയില്‍ വാരിക്കുഴി ഒരുക്കി സിഎസ്‌കെ

Authored byനിഷാദ് അമീന്‍ | Samayam Malayalam | Updated: 23 Mar 2025, 9:25 pm

Samayam Malayalamസൂര്യകുമാര്‍ യാദവിനെ നൂര്‍ അഹ്‌മദിന്റെ പന്തില്‍ എംഎസ് ധോണി സ്റ്റമ്പ് ചെയ്ത് പുറത്താക്കുന്നു

പ്രമുഖ ദേശീയ താരങ്ങള്‍ അണിനിരക്കുന്ന മുംബൈ ഇന്ത്യന്‍സ് ചെന്നൈയില്‍ പതറുന്നു. ഐപിഎല്‍ 2025 സീസണിലെ തങ്ങളുടെ ആദ്യ മല്‍സരത്തില്‍ ചെന്നൈ സൂപ്പര്‍ കിങ്‌സ് (IPl 2025 CSK vs MI) മികച്ച ബൗളിങിലൂടെ എംഐയെ വരിഞ്ഞുകെട്ടി. 20 ഓവറില്‍ ഒമ്പത് വിക്കറ്റിന് 155 റണ്‍സാണ് മുംബൈ നേടിയത്. 120 പന്തില്‍ 156 റണ്‍സ് വിജയലക്ഷ്യമാണ് സിഎസ്‌കെയ്ക്ക് മുന്നിലുള്ളത്. ചെപ്പോക്ക് സ്‌റ്റേഡിയത്തില്‍ ടോസ് നഷ്ടപ്പെട്ട് ബാറ്റിങ് ആരംഭിച്ച എംഐക്ക് ആദ്യ ഓവറില്‍ തന്നെ ഇന്ത്യന്‍ ക്യാപ്റ്റന്‍ രോഹിത് ശര്‍മയെ (Rohit Sharma) നഷ്ടമായി. ഖലീല്‍ അഹമ്മദിന്റെ നാല് പന്തുകള്‍ നേരിട്ട അദ്ദേഹം റണ്‍സൊന്നും നേടാതെ ശിവം ദുബെയ്ക്ക് ക്യാച്ച് നല്‍കി. തന്റെ അടുത്ത ഓവറില്‍ ഖലീല്‍ അഹ്‌മദ് മറ്റൊരു ഓപണറായ റയാന്‍ റിക്കല്‍റ്റണിനെയും (7 പന്തില്‍ 13) പുറത്താക്കി ഇരട്ട പ്രഹരമേല്‍പ്പിച്ചു.


മൂന്നാമനായെത്തിയ വില്‍ ജാക്‌സിനെ അശ്വിന്‍ 7 പന്തില്‍ 11 റണ്‍സുമായി മടക്കിയതോടെ 4.4 ഓവറില്‍ മൂന്നിന് 36 എന്ന നിലയിലായി.

എഐയുടെ താല്‍ക്കാലിക ക്യാപ്റ്റന്‍ സൂര്യകുമാര്‍ യാദവ് രക്ഷാപ്രവര്‍ത്തനം ആരംഭിച്ചു. 26 പന്തില്‍ 29 റണ്‍സെടുത്ത് നില്‍ക്കവെ സൂര്യയെ നൂര്‍ അഹമ്മദിന്റെ പന്തില്‍ വിക്കറ്റ് കീപ്പര്‍ എംഎസ് ധോണി സ്റ്റമ്പ് ചെയ്തു.

ഐപിഎല്‍ 2025 ഉദ്ഘടനം ചെയ്ത് ഷാരൂഖ് ഖാന്‍; മനംകവര്‍ന്ന് ശ്രേയ ഘോഷാലും ദിഷ പട്ടാനിയും
എംഐയുടെ ഹാര്‍ദിക് പാണ്ഡ്യ സസ്‌പെന്‍ഷന്‍ കാരണം ഇന്നത്തെ മല്‍സരത്തില്‍ ഖളിക്കുന്നില്ല. കഴിഞ്ഞ സീസണിലെ അവസാന മാച്ചിലെ ടീമിന്റെ കുറഞ്ഞ ഓവര്‍ റേറ്റിന്റെ പേരിലാണ് നടപടി. ഇതോടെയാണ് ടീമിന്റെ മുന്‍ നായകന്‍ രോഹിത് ശര്‍മ നിലനില്‍ക്കെ അദ്ദേഹത്തെ മറികടന്ന് സൂര്യയെ ക്യാപ്റ്റനാക്കിയത്.

ടീം ഇന്ത്യയുടെ സ്റ്റാര്‍ പേസറും എംഐയുടെ പ്രധാന താരവുമായ ജസ്പ്രീത് ബുംറയും പരിക്ക് കാരണം ഇന്നത്തെ മല്‍സരത്തില്‍ നിന്ന് പുറത്താണ്.

വനിതാ ക്രിക്കറ്റ് ലോകകപ്പ് 2025 ആതിഥേയ വേദിയായി തിരുവനന്തപുരവും; ഉദ്ഘാടനം വിശാഖപട്ടണത്ത്
സൂര്യകുമാറിന് പിന്നാലെ റോബിന്‍ മിന്‍സ് (3) വേഗം പുറത്തായെങ്കിലും തിലക് വര്‍മ 25 പന്തില്‍ 31 റണ്‍സ് സംഭാവന നല്‍കി. നൂര്‍ അഹ്‌മദിന്റെ പന്തില്‍ വിക്കറ്റിന് മുന്നില്‍ കുരങ്ങുകയായിരുന്നു. നമന്‍ ധിറിനെ 12 പന്തില്‍ 17 റണ്‍സെടുത്ത് നില്‍ക്കെ നൂര്‍ അഹ്‌മദ് ക്ലീന്‍ ബൗള്‍ഡാക്കി.

പുറത്താവാതെ 15 പന്തില്‍ 28 റണ്‍സുമായി ദീപക് ചാഹര്‍ അവസാന ഓവറുകളില്‍ തിളങ്ങിയില്ലായിരുന്നുവെങ്കില്‍ മുംബൈയുടെ സ്ഥിതി കൂടുതല്‍ ദയനായമാവുമായിരുന്നു.

മികച്ച ബൗളിങിലൂടെയാണ് സിഎസ്‌കെ മുംബൈയെ ചുരുങ്ങിയ സ്‌കോറില്‍ ഒതുക്കിയത്. നൂര്‍ അഹ്‌മദ് നാല് ഓവറില്‍ 18 റണ്‍സിന് നാല് വിക്കറ്റെടുത്തു. ഖലീല്‍ അഹ്‌മദ് നാല് ഓവറില്‍ പ്രമുഖ താരങ്ങള്‍ ഉള്‍പ്പെടെ മൂന്ന് പേരെയാണ് പുറത്താക്കിയത്.