രോഹിത് ശർമ ഇമ്പാക്ട് പ്ലേയറായി കളിക്കുന്നതിന് കാരണം ഇതാണ്; അവസാനം വെളിപ്പെടുത്തി മുംബൈ ഇന്ത്യൻസ് പരിശീലക‌ൻ

Curated byഗോകുൽ എസ് | Samayam Malayalam | Updated: 6 May 2025, 5:30 am

2025 സീസൺ ഇന്ത്യ‌ൻ പ്രീമിയർ ലീഗിൽ ( IPL 2025 ) മികച്ച ഫോമിലാണ് മുംബൈ ഇന്ത്യൻസ് താരം രോഹിത് ശർമ ( Rohit Sharma ). 10 കളികളിൽ 32.56 ബാറ്റിങ് ശരാശരിയിൽ 293 റൺസാണ് ഇതുവരെ രോഹിത് നേടിയത്. മൂന്ന് അർധസെഞ്ചുറികളും താരം നേടിക്കഴിഞ്ഞു. രോഹിത് നൽകുന്ന മികച്ച തുടക്ക‌ങ്ങൾ മുംബൈ ഇന്ത്യൻസിന്റെ ( Mumbai Indians) കുതിപ്പിൽ നിർണായകമാകുന്നുണ്ട്.അതേ സമയം ബാറ്റിങ്ങിൽ ടീമിന്റെ പ്രധാനിയായ രോഹിത് ശർമ, പ്രധാനമായും ഇമ്പാക്ട് പ്ലേയറായാണ് ഇപ്പോൾ കളിക്കുന്നത്. ടീമിലെ ഏറ്റവും സീനിയർ താരമായിട്ടും രോഹിത് ശർമ ഫീൽഡി‌ങ്ങിന് ഇറങ്ങാത്തത് ആരാധകരുടെ നെറ്റിചുളിപ്പിക്കുന്നുണ്ട്‌. എന്നാൽ ഇപ്പോളിതാ 2025 സീസൺ ഐപിഎൽ അവസാന ഘട്ടത്തിലേക്ക് അടുക്കവെ രോഹിത് ശർമയെ ഫീൽഡിങ്ങിന് ഇറക്കാതെ, ഇമ്പാക്ട് പ്ലേയറായി കളിപ്പിക്കുന്നതിന്റെ കാരണം വെളിപ്പെടുത്തിയിരിക്കുകയാണ് മുംബൈ ഇന്ത്യൻസ് പരിശീലകൻ മഹേല ജയവർധനെ. ഗുജറാത്ത് ടൈറ്റൻസിന് എതിരായ കളിക്ക് മുമ്പ് മാധ്യമങ്ങളോട് സംസാരിക്കവെയായിരുന്നു മുംബൈ ഇന്ത്യൻസ് പരിശീലകന്റെ വെളിപ്പെടുത്തൽ.


പരിക്കിന്റെ ചെറിയ അസ്വസ്ഥതകൾ ഉള്ളതിനാലാണ് രോഹിത് ശർമയെ ഇമ്പാക്ട് പ്ലേയറായി മുംബൈ ഇന്ത്യൻസ് കളിപ്പിക്കുന്നതെന്നാണ് മഹേല ജയവർധനെ പറയുന്നത്‌. ചാമ്പ്യൻസ് ട്രോഫി മുതൽ രോഹിതിന് അസ്വസ്ഥത ഉണ്ടെ‌ന്നും അതിനാലാണ് ഇങ്ങനെ ചെയ്യുന്നതെന്നും മുംബൈ ഇന്ത്യൻസ് പരിശീലകൻ വ്യക്തമാക്കി.

കളിക്കിടെ ബഡോനിയെ വഴക്കിട്ട് പന്ത്, അതും അനാവശ്യ കാര്യത്തിന്; ലക്നൗ ക്യാപ്റ്റൻ കട്ട കലിപ്പിൽ
അതേ സമയം രോഹിതിന്റെ പരിക്കിന്റെ വ്യാപ്തി എത്രത്തോളമുണ്ടെ‌ന്ന കാര്യത്തിൽ ഇതുവരെ വ്യക്തത വന്നിട്ടില്ല. എന്നാൽ നിലവിൽ ലഭിക്കുന്ന സൂചനകൾ അനുസരിച്ച്, ഈ സീസണിലെ ശേഷിക്കുന്ന മത്സരങ്ങളിലും രോഹിത് ഇമ്പാക്ട് പ്ലേയറായാകും മുംബൈ ഇന്ത്യൻസിന് വേണ്ടി ഇറങ്ങുക.

രാജസ്ഥാൻ റോയൽസ് ഈ സീസണിൽ കാണിച്ച ഏറ്റവും വലിയ അബദ്ധം; ടീമിന് വേണ്ടി ഒന്നും ചെയ്യാനാവാതെ ആ സൂപ്പർ താരം
അതേ സമയം ഐപിഎൽ 2025 സീസണിൽ നിലവിൽ മൂന്നാം സ്ഥാനത്താണ് മുംബൈ ഇന്ത്യൻസ്. 11 കളികളിൽ നിന്ന് 14 പോയിന്റാണ് ടീമിന്റെ സമ്പാദ്യം. ഏഴ് കളികളിൽ വിജയിച്ച മുംബൈ ഇന്ത്യൻസ്, നാല് മത്സരങ്ങളിൽ തോറ്റു. പോയിന്റ് പട്ടികയിലെ ആദ്യ നാല് സ്ഥാനക്കാരാണ് പ്ലേ ഓഫിലേക്ക് യോഗ്യത നേടുക. ശേഷിക്കുന്ന മൂന്ന് കളികളിൽ രണ്ടെണ്ണത്തിൽ വിജയിക്കാൻ കഴിഞ്ഞാൽ മറ്റ് മത്സരഫലങ്ങളെ ആശ്രയിക്കാതെ പ്ലേ ഓഫ് കാണാൻ അവർക്കാകും. നിലവിൽ റോയൽ ചലഞ്ചേഴ്സ് ബംഗളൂരുവാണ് ഐപിഎൽ പോയിന്റ് പട്ടികയിൽ ഒന്നാമത്. 16 പോയിന്റാണ് അവർക്കുള്ളത്. 11 കളികളിൽ 15 പോയിന്റുമായി പഞ്ചാബ് കിങ്സാണ് രണ്ടാമത്.