റയൽ മഡ്രിഡ് വിട്ട ലൂക്ക മോഡ്രിച്ച് എസി മിലാനിൽ; ഒരു വർഷത്തെ കരാർ, ആവശ്യമെങ്കിൽ ഒരു വർഷം കൂടി നീട്ടാം

മിലാൻ ∙ സ്പാനിഷ് ക്ലബ് റയൽ മഡ്രിഡിലെ 13 സീസണുകൾക്കു ശേഷം ക്രൊയേഷ്യൻ ഫുട്ബോളർ ലൂക്ക മോഡ്രിച്ച് ഇറ്റാലിയൻ ക്ലബ് എസി മിലാനുമായി ഒരു വർഷത്തെ കരാർ ഒപ്പിട്ടു. ആവശ്യമെങ്കിൽ ഒരു വർഷത്തേക്കു കൂടി നീട്ടാമെന്ന തരത്തിലുള്ളതാണു കരാർ.

റയലിനൊപ്പം 6 യൂറോപ്യൻ കപ്പുകളും 4 സ്പാനിഷ് ലീഗുകളും സഹിതം 28 ട്രോഫികൾ നേടിയിട്ടുള്ള മോഡ്രിച്ച് 2018ലെ ബലോൻ ദ് ഓർ പുരസ്കാര ജേതാവുമാണ്.