റോയൽസ് പുറത്തായതോടെ സഞ്ജുവിന്റെ ഭാവിയും ചോദ്യചിഹ്നമായി; ഇന്ത്യൻ ടീമിലെ ഓപ്പണർ സ്ഥാനവും എന്നന്നേക്കുമായി നഷ്ടമായേക്കാം

Edited byഅനുഷ ഗംഗാധരൻ | Samayam Malayalam | Updated: 2 May 2025, 3:26 pm

മലയാളി വിക്കറ്റ് കീപ്പർ ബാറ്റർ സഞ്ജു സാംസൺ ഏറ്റവും കൂടുതൽ തിളങ്ങുന്ന ടൂർണമെന്റ് ആണ് ഇന്ത്യൻ പ്രീമിയർ ലീഗ്. കഴിഞ്ഞ സീസണിൽ ഐപിഎൽ ഡ്രീം ടീമിന്റെ ക്യാപ്റ്റൻ ആയി പലരും തിരഞ്ഞെടുത്തത് സഞ്ജു സാംസണിനെ ആയിരുന്നു. ഐപിഎൽ 2024ന് ശേഷമുള്ള ഐസിസി ടി20 വേൾഡ് കപ്പിൽ ഇന്ത്യൻ സ്‌ക്വാഡിൽ സഞ്ജുവിനെ എത്തിച്ചതും രാജസ്ഥാൻ റോയൽസിലെ താരത്തിന്റെ പ്രകടനമാണ്.
ആദ്യ നാലിൽ തുടരാൻ ഗുജറാത്ത്; പൊരുതാൻ ഹൈദരാബാദ്, നിർണ്ണായക പോരാട്ടത്തിൽ ടീമുകൾ നേരിടുന്ന വെല്ലുവിളികൾ അറിയാംക്യാപ്റ്റൻ ആയതിന് ശേഷം ഇന്നുവരെ താരം നിരാശപെടുത്തിയിരുന്നില്ല. എന്നാൽ ഈ സീസണിൽ പരിക്ക് കൂടി വില്ലനായി എത്തിയതോടെ അത് രാജസ്ഥാൻ റോയൽസിനെ വരെ മോശമായി ബാധിച്ചു. ഐപിഎൽ 2025 സീസണിൽ രാജസ്ഥാൻ റോയൽസിന്റെ ആദ്യ മൂന്ന് മത്സരങ്ങളിൽ സഞ്ജു സാംസണിനു പകരം റിയാൻ പരാഗ് ആയിരുന്നു ക്യാപ്റ്റൻ. ബാറ്റിങ്ങിന് മാത്രം ഫിറ്റ്നസ് ലഭിച്ച താരത്തിന് വിക്കറ്റ് കീപ്പിങ്ങിന് ഫിറ്റ്നസ് സർട്ടിഫിക്കറ്റ് ലഭിച്ചിരുന്നില്ല. ഇതാണ് ആദ്യ മൂന്നു കളിയിൽ ക്യാപ്റ്റൻ സ്ഥാനം ഏറ്റെടുക്കാതെ ഇരുന്നത്. പകരം ഇമ്പാക്ട് പ്ലേയർ ആയി താരം മൈതാനത്ത് ഇറങ്ങി. ആദ്യമത്സരത്തിൽ 66 റൺസ് നേടിയെങ്കിലും പിന്നീട് നിരാശപ്പെടുത്തി.
എന്നാൽ ക്യാപ്റ്റൻ ആയി തിരിച്ചെത്തിയതിനു ശേഷമുള്ള ആദ്യമത്സരം ജയം സ്വന്തമാക്കിയപ്പോൾ ആരാധകരും ടീമും താരത്തിൽ ഏറെ പ്രതീക്ഷ അർപ്പിച്ചു. പക്ഷെ ഡെൽഹിയുമായി നടന്ന മത്സരത്തിൽ സഞ്ജു സാംസണിന് ഏറ്റ പരിക്ക് അത് ടീമിനെ തന്നെ തകർച്ചയിൽ കൊണ്ടുചെന്നെത്തിക്കുകയായിരുന്നു.ഈ സീസണിൽ വെറും 7 മത്സരങ്ങളിൽ മൈതാനത്ത് ഇറങ്ങിയ താരം 224 റൺസ് മാത്രമാണ് ആകെ നേടിയത്. ഇതോടെ സഞ്ജുവിന്റെ ഭാവി ഇനി എന്ത് എന്ന ചോദ്യവും ആരാധകർ ഉയർത്തുകയാണ്.

നിലവിൽ ഇന്ത്യൻ ടീമിന്റെ ടി 20 സ്‌ക്വാഡിൽ സഞ്ജു ഓപ്പണർ സ്ഥാനത്താണ് ഉള്ളത്. എന്നാൽ ഐപിഎൽ 2025 ലെ താരത്തിന്റെ പ്രകടനം വിലയിരുത്തുമ്പോളും തുടർച്ചയായ ഫിറ്റ്നസ് പ്രശനം നിലനിൽക്കുമ്പോഴും ഓപ്പണർ സ്ഥാനം നഷ്ടമാകാനുള്ള സാധ്യത ഏറുകയാണ്.

ഓഗസ്റ്റിൽ ഇന്ത്യയുടെ ബംഗ്ലാദേശ് പര്യടനത്തിൽ മൂന്ന് ഏകദിന മത്സരങ്ങളും മൂന്ന് ടി 20 മത്സരങ്ങളുമാണ് ഷെഡ്യൂൾ ചെയ്‌തിരിക്കുന്നത്‌. ഇതിൽ സൂര്യകുമാർ യാദവ് നയിക്കുന്ന ഇന്ത്യയുടെ ടി 20 ടീമിൽ സഞ്ജു സാംസണെ ബിസിസിഐയുടെ സെലെക്ഷൻ കമ്മിറ്റി പരിഗണിക്കാൻ സാധ്യത വളരെ കുറവാണ്.

മികച്ച ഫോമിൽ സഞ്ജു പ്രകടനം കാഴ്ചവെച്ചപ്പോൾ പോലും പലകാരണങ്ങളാൽ സഞ്ജു തഴയപ്പെട്ടിരുന്നു. ഇന്ന് ഫിറ്റ്നസ് പ്രശ്നം വേട്ടയാടുന്നതുകൊണ്ടു തന്നെ ആ കാരണം ചൂണ്ടിക്കാട്ടി താരത്തെ പുറത്ത് നിർത്താൻ തന്നെയാണ് സാധ്യത കൂടുതൽ. എന്നാൽ സഞ്ജുവിന് ബംഗ്ലാദേശുമായുള്ള ടി 20 പരമ്പര നഷ്ടമായാൽ സ്വാഭാവികമായും താരത്തിന് സെപ്റ്റംബറിൽ നടക്കുന്ന ഏഷ്യ കപ്പും നഷ്ടമാകും.

അതുകൊണ്ടു തന്നെ ഫിറ്റ്നസ് തിരിച്ചെടുത്ത് ബംഗ്ലാദേശുമായുള്ള ടി20 പരമ്പരയിൽ ഇന്ത്യയുടെ പ്ലേയിങ് ഇലവനിൽ ഇടം നേടി മികച്ച പ്രകടനം കാഴ്ചവെച്ചാൽ മാത്രമേ ഏഷ്യ കപ്പിൽ ഇന്ത്യയുടെ പ്ലേയിങ് ഇലവനിൽ ഇടം നേടാൻ സാധിക്കുകയുള്ളു.

അതേസമയം രാജസ്ഥാൻ റോയൽസിലും താരത്തിന്റെ ഭാവി ആശങ്കയിലാണ്. ക്യാപ്റ്റൻസിയിൽ തിളങ്ങാൻ പോലും താരത്തിന് സാധിച്ചിട്ടില്ല. ആകെ ഒരു മത്സരത്തിൽ മാത്രമാണ് ക്യാപ്റ്റൻ എന്ന രീതിയിൽ ടീമിന് ജയം സമ്മാനിച്ചത്.

നിലവിൽ രാജസ്ഥാൻ റോയൽസിന്റെ സ്ഥിരം ഓപ്പണർമാർ സഞ്ജു സാംസണും യശസ്വി ജയ്‌സ്വാളും ആണ്. എന്നാൽ വൈഭവ് സൂര്യവംശി സഞ്ജുവിന്റെ പകരക്കാരനായി ഇറങ്ങുകയറും ഓപ്പണർ ആയി ഇറങ്ങി തിളങ്ങുകയും ചെയ്‌തതോടെ സഞ്ജുവിന്റെ ഓപ്പണർ സ്ഥാനം നഷ്ടമാകാൻ സാധ്യതയുണ്ട്. ക്യാപ്റ്റനായി തിളങ്ങാൻ ഈ സീസണിൽ കഴിയാത്തത് കൊണ്ടുതന്നെ ക്യാപ്റ്റൻ സ്ഥാനവും നഷ്ടമാകാൻ സാധ്യത കൂടുതലാണ്.

ഐപിഎൽ 2025 ൽ രാജസ്ഥാൻ റോയൽസ് പുറത്തായതോടെ മലയാളി വിക്കറ്റ് കീപ്പർ ബാറ്റർ സഞ്ജു സാംസണിന്റെ ഭാവിയും അനിശ്ചിതത്വത്തിൽ ആവുകയാണ്.