ലളിതം മനോഹരം! പത്ത് വർഷത്തെ പ്രണയം, യൂൺ സങ് വൂണും കിം ​ഗാ യൂനും വിവാഹിതരായി, ചിത്രങ്ങൾ വൈറലാവുന്നു

Authored by: അശ്വിനി പി|Samayam Malayalam•28 Oct 2025, 3:26 pm

ദക്ഷിണ കൊറിയൻ നടനാണ്. മൂൺ ലവേഴ്സ്: സ്കാർലെറ്റ് ഹാർട്ട് റിയോ, ഹോട്ട് സ്റ്റോവ് ലീഗ്, ദ തേർഡ് മാര്യേജ് എന്നിങ്ങനെ നിരവധി കെ ഡ്രാമകളിലൂടെ ശ്രദ്ധേയനാണ് യൂൺ സങ് വൂൺ. പത്ത് വർഷത്തെ പ്രണയത്തിനൊടുവിൽ യൂൺ സങ് വൂണും നടി കിം ഗാ യൂനും വിവാഹിതരായി. അതി മനോഹരവും ലളിതവുമായി നടന്ന വിവാഹത്തിന്റെ ചിത്രങ്ങളാണ് ഇപ്പോൾ പുറത്തുവരുന്നത്.

കഴിഞ്ഞ പത്ത് വർഷത്തോളമായി ഇരുവരും പ്രണയത്തിലായിരുന്നു. ഒടുവിൽ ആ ബന്ധം ഔദ്യോഗികമായി ഒന്നുകൂടെ ഉറപ്പിച്ചു, സിയോളിൽ വച്ചു നടന്ന വിവാഹത്തിൽ അടുത്ത ബന്ധുക്കളും സുഹൃത്തുക്കളും അടക്കം നിരവധി സെലിബ്രേറ്റികളും പങ്കെടുത്തു. കിം ദി ലാൻഡ് എന്ന സീരീസിലെ ആറ് സഹോദരങ്ങളും വിവാഹത്തിന് എത്തിയ വിശേഷങ്ങളൊക്കെയാണ് ഇപ്പോൾ ആരാധകരുടെ സോഷ്യൽ മീഡിയയിൽ നിറയുന്നത്.

Also Read: സാബുമാന്റെ മുഖംമൂടി വലിച്ചു കീറി നെവിൻ, കൂടെ അനുമോളും; പുറത്തിറങ്ങിയാൽ ഇടിക്കുമെന്ന് സാബുമാൻ

വിവാഹത്തിന്റെ ചിത്രങ്ങളും വീഡിയോകളും എല്ലാം ഇപ്പോൾ വൈറലാണ്. വെള്ള ഗൗണിൽ അതീ സുന്ദരിയായിട്ടാണ് 36 കാരിയായ കിം ഗാ യൂൻ എത്തിയത്. ആർപ്പു വിളിച്ചും ആശംസകൾ അറിയിച്ചും സുഹൃത്തുക്കളും ബന്ധുക്കളും എല്ലാം അവരുടെ സന്തോഷത്തിനൊപ്പം ചേർന്നു. ഒരു വീഡിയോയിൽ യൂൺ സങ് വൂൺ തന്റെ പങ്കാളിയ്ക്ക് മുട്ടുകുത്തി നിന്ന് പൂക്കളുടെ ബൊക്കെ നൽകുന്നത് കാണാം.

Also Read: അമ്മയുട ആ വാക്കാണ് തിരിച്ചെത്തിച്ചത്, ഒരു പുണ്യം പോലെ; ഷീലയും ആനിയും പറയുന്നു


2015 ലെ കെബിഎസ് 2 ഡ്രാമയായ അബൈഡിംഗ് ലവ് ഡാൻഡെലിയോൺ എന്ന ചിത്രത്തിൽ അഭിനയിക്കുന്നതിനിടെയാണ് കിം ഗാ യൂനും യൂൺ സങ് വൂണും പരപ്സരം കണ്ടുമുട്ടിയത്. താമസിയാതെ സുഹൃത്തുക്കളായി, ആ ബന്ധം പ്രണയത്തിന് വഴിമാറി. എന്നാൽ പ്രണയത്തിനൊപ്പം തന്നെ രണ്ടു പേരും കരിയറും സീരിയസായി മുന്നോട്ടു കൊണ്ടുപോകുന്നുണ്ടായിരുന്നു. വിജയകരമായ കരിയറിനൊപ്പം തങ്ങളുടെ പ്രണയ ബന്ധവും കൂടുതൽ ശക്തമാക്കിയ താരങ്ങൾ ഇപ്പോൾ തങ്ങളുടെ സ്വപ്ന ദിവസത്തിലെത്തിയ സന്തോഷത്തിലാണ്.