3 weeks ago
5
പേര് 'ലൂസര്' എന്നാണെങ്കിലും പരാജയത്തിന്റെ നിരാശയല്ല ഗാനം മുന്നോട്ടുവയ്ക്കുന്നത്. മറിച്ച്, തോല്വിയെയും അപൂര്ണതകളെയും ഒരു പ്രത്യേക ആഘോഷമാക്കി മാറ്റുന്ന സമീപനമാണ് വരികളില് കാണുന്നത്. സമൂഹം 'പരാജിതന്' എന്ന് മുദ്രകുത്തുന്ന ഒരാളുടെ മനോഭാവത്തെ കളിയാക്കിയും ആത്മവിശ്വാസത്തോടെയും അവതരിപ്പിക്കുന്നതാണ് ഗാനത്തിന്റെ പ്രധാന ആകര്ഷണം. അതുകൊണ്ടുതന്നെ 'ലൂസര്' ഒരു സാധാരണ മാസ് സോംഗിനപ്പുറം കഥാപാത്രത്തിന്റെ സ്വഭാവത്തിലേക്കുള്ള രസകരമായൊരു സൂചന കൂടിയായി മാറുന്നു.
മുടിയിൽ തൊട്ടാൽ അവന് ദേഷ്യം വരും...; നാനിയെ കളിയാക്കി കീർത്തി സുരേഷ്! പിന്നാലെ ആ വമ്പൻ സർപ്രൈസും
ഗാനത്തിന്റെ ഏറ്റവും വലിയ ആകര്ഷണം അതിന്റെ പെപ്പി, സ്വാഗര് നിറഞ്ഞ അവതരണമാണ്. വേഗതയേറിയ താളങ്ങളും, ആവര്ത്തിച്ച് മനസ്സില് പതിയുന്ന ഹുക്ക്, രസകരമായ വാക്കുകളുടെ പ്രയോഗം എന്നിവ ചേര്ന്ന് 'ലൂസര്'നെ പെട്ടെന്ന് കൂടെ പാടാവുന്ന തരത്തിലുള്ള ട്രാക്കാക്കി മാറ്റുന്നു. വരികളിലെ കളിയാക്കല് സ്വഭാവവും 'ഞാന് തോറ്റാലും കളി നിര്ത്തില്ല' എന്ന തരത്തിലുള്ള മനോഭാവവും ഗാനത്തിന് ഒരു ലഹരി നല്കുന്നു. റാപ്പ് ഭാഗങ്ങള് എത്തുമ്പോള് ഈ ഊര്ജ്ജം ഇരട്ടിയായി ഉയരുകയും ചെയ്യുന്നു.
ഈ ഗാനത്തിന്റെ സംഗീതം ഒരുക്കിയത് ജേക്സ് ബിജോയ് ആണ്. സംഗീതസംവിധാനം, അറേഞ്ച്മെന്റ്, പ്രൊഡക്ഷന് എന്നിവയും ജേക്സ് നിര്വഹിച്ചിരിക്കുന്നു. കൂടാതെ ഗാനത്തിന്റെ വരികള് രചിച്ചിരിക്കുന്നത് സുഹൈല് കോയയും. മലയാളത്തില് ദുല്ഖര് തന്നെയാണ് ഗാനം ആലപിച്ചിരിക്കുന്നത്. റാപ്പ് ഉള്പ്പെടെയുള്ള മറ്റു ഭാഗങ്ങളില് റെബിള്, നീരജ് മാധവ് എന്നിവരുടെ സാന്നിധ്യവും ഗാനത്തിന് കൂടുതല് പഞ്ച് നല്കുന്നു.
ഗാനത്തിന്റെ മറ്റൊരു കൗതുകം ദുല്ഖറിന്റെ ആലാപനമാണ്. നടനെന്ന നിലയില് മാത്രമല്ല, ഗായകനായും ദുല്ഖര് വീണ്ടും എത്തുമ്പോള് കഥാപാത്രത്തോട് കൂടുതല് വ്യക്തിപരമായൊരു ബന്ധം ഗാനത്തിന് ലഭിക്കുന്നുണ്ട്. 'ഐ ആം ഗെയിം' ചിത്രത്തില് താന് അവതരിപ്പിക്കുന്നത് യഥാര്ഥ വ്യക്തിത്വത്തില് നിന്ന് ഏറെ വ്യത്യസ്തനായ, കുറച്ചൊക്കെ 'പോക്കിരി' സ്വഭാവമുള്ള കഥാപാത്രമാണെന്ന് ദുല്ഖര് തന്നെ പറഞ്ഞിട്ടുണ്ട്. പിന്നീട് അയാള് സ്വയം തിരുത്തി പ്രേക്ഷകരുടെ സ്നേഹം തിരിച്ചുപിടിക്കുമെന്ന സൂചനയും താരം നല്കിയിട്ടുണ്ട്. അതുകൊണ്ട് 'ലൂസര്' കഥാപാത്രത്തിന്റെ സ്വഭാവം നേരത്തെ തന്നെ പരിചയപ്പെടുത്തുന്ന ഒരു ട്രാക്കായി മാറുന്നു.
'ഐ ആം ഗെയിം' ദുല്ഖറിന്റെ മലയാള സിനിമയിലേക്കുള്ള ഏറെ പ്രതീക്ഷയുള്ള തിരിച്ചുവരവാണ്. 2023ലെ 'കിംഗ് ഓഫ് കൊത്ത'യ്ക്ക് ലഭിച്ച സമ്മിശ്ര പ്രതികരണത്തിനും ബോക്സ് ഓഫീസ് പ്രകടനത്തിനും ശേഷം മലയാളത്തില് ദുല്ഖറിന്റെ ഒരു മുഴുനീള നായകചിത്രത്തിനായി ആരാധകര് കാത്തിരിക്കുകയായിരുന്നു. 'ലോക: ചാപ്റ്റര് വണ് ചന്ദ്ര'യില് അതിഥിവേഷത്തിലും നിര്മ്മാതാവായും ദുല്ഖര് സാന്നിധ്യമറിയിച്ചിരുന്നെങ്കിലും, 'ഐ ആം ഗെയിം' ആണ് അദ്ദേഹത്തിന്റെ പ്രധാന മലയാളം തിരിച്ചുവരവായി കണക്കാക്കപ്പെടുന്നത്.
'ആര്.ഡി.എക്സ്' സംവിധായകന് നഹാസ് ഹിദായത്താണ് ചിത്രം സംവിധാനം ചെയ്യുന്നത്. ദുല്ഖര് സല്മാനും ജോം വര്ഗീസും ചേര്ന്ന് വേഫെയര് ഫിലിംസിന്റെ ബാനറില് ചിത്രം നിര്മ്മിക്കുന്നു. ആദ്യം ഓഗസ്റ്റ് 20ന് റിലീസ് ചെയ്യാനിരുന്ന ചിത്രം പിന്നീട് വിപുലമായ റിലീസ് പ്ലാനിന്റെ ഭാഗമായി സെപ്റ്റംബര് 3ലേക്ക് മാറ്റുകയായിരുന്നു. മലയാളം, തമിഴ്, തെലുങ്ക്, ഹിന്ദി, കന്നഡ എന്നിനി ഭാഷകളിലായിരിക്കും ചിത്രം തീയേറ്ററുകളില് എത്തുന്നത്.
'ലൂസര്' എന്ന ഈ ഗാനം 'ഐ ആം ഗെയിം' ഏതുതരത്തിലുള്ള ഊര്ജ്ജമാണ് പ്രേക്ഷകര്ക്ക് നല്കാന് പോകുന്നതെന്നതിന്റെ ചെറിയൊരു ട്രെയിലര് കൂടിയാണ്. ചടുലമായ താളം, കളിയാക്കുന്ന വരികള്, ദുല്ഖറിന്റെ ശബ്ദം, റാപ്പിന്റെ ആവേശം, കഥാപാത്രത്തിന്റെ മനോഭാവം എന്നിവയെല്ലാം ചേരുമ്പോള് തന്നെ ഗാനം പല പ്ലേയ്ലിസ്റ്റുകളിലും ഇടം പിടിക്കുമെന്നുള്ള സാധ്യത തള്ളിക്കളയാനാവില്ല. സെപ്റ്റംബര് 3ന് ചിത്രം തിയേറ്ററുകളിലെത്തുമ്പോള് ഈ 'ലൂസര്' യഥാര്ഥത്തില് ഗെയിം ജയിക്കുമോ എന്നതാണ് ഇനി അറിയാനുള്ളത്.
English (US) ·