ലോകകപ്പിൽ വെള്ളം കുടിക്കാൻ ‌3 മിനിറ്റ് ഇടവേള, ഓരോ പകുതിയിലും 22 മിനിറ്റ് കഴിയുമ്പോൾ ബ്രേക്ക്

സൂറിക് ∙ അടുത്ത വർഷത്തെ ഫുട്ബോൾ ലോകകപ്പിൽ എല്ലാ മത്സരങ്ങൾക്കും 3 മിനിറ്റ് വീതമുള്ള രണ്ടു ഹൈഡ്രേഷൻ ബ്രേക്കുകൾ (വെള്ളം കുടിക്കാനുള്ള ഇടവേള) ഏർപ്പെടുത്തുമെന്നു ഫിഫ അറിയിച്ചു. ഓരോ പകുതിയിലും 22 മിനിറ്റു കഴിയുമ്പോഴാണ് ഇടവേള. യുഎസ്, മെക്സിക്കോ, കാനഡ എന്നിവിടങ്ങളിലായി നടക്കുന്ന ലോകകപ്പിലെ എല്ലാ മത്സരങ്ങൾക്കും ഇതു ബാധകമായിരിക്കുമെന്നും ഫിഫ അറിയിച്ചു.