റാഞ്ചി ∙ പരമ്പര വിജയത്തിലേക്ക് ഒരുചുവടുകൂടി എന്ന ലക്ഷ്യത്തോടെ ഇന്ത്യ ഇന്നു വെസ്റ്റിൻഡീസിനെതിരായ രണ്ടാം ട്വന്റി20 മത്സരത്തിനിറങ്ങുന്നു. റാഞ്ചി ക്രിക്കറ്റ് സ്റ്റേഡിയത്തിൽ 3 വർഷത്തിനു ശേഷമെത്തുന്ന ഡേ–നൈറ്റ് രാജ്യാന്തര ട്വന്റി20 മത്സരത്തിൽ ആശങ്ക മുഴുവൻ പിച്ചിനെക്കുറിച്ചാണ്. വലിയസ്കോറുകൾക്കു പേരുകേട്ട മൈതാനമല്ല റാഞ്ചിയിലേത്. 2023 ജനുവരിയിൽ ന്യൂസീലൻഡ് ജയിച്ചതിനു ശേഷം ഇവിടെയൊരു ഡേ–നൈറ്റ് രാജ്യാന്തര ട്വന്റി20 മത്സരം നടക്കുന്നതുമാദ്യം. മത്സരത്തിൽ പിച്ചിന്റെ സ്വഭാവം എന്തായിരിക്കുമെന്നതിലാണ് ഇരുടീമുകളുടെയും ആകാംക്ഷ. മത്സരം വൈകിട്ട് 7 മുതൽ; സ്റ്റാർ സ്പോർട്സ് ചാനലുകളിൽ തൽസമയം.
What you should work next
ജസ്പ്രീത് ബുമ്ര, ഹാർദിക് പാണ്ഡ്യ, വരുൺ ചക്രവർത്തി എന്നീ 3 പ്രമുഖ താരങ്ങളുടെ അസാന്നിധ്യത്തിലും വിൻഡീസിനെ പിടിച്ചുനിർത്താനുള്ള കരുത്ത് ഇന്ത്യയ്ക്കുണ്ട്. ഇന്ത്യൻ മണ്ണിൽ വിജയം നേടാൻ വിൻഡീസിന് എല്ലാ മേഖലകളിലും പിഴവില്ലാത്ത പ്രകടനം കൂടിയേ തീരൂ. ഇന്ത്യയിൽ കളിച്ച 12 ട്വന്റി20കളിൽ രണ്ടു തവണ മാത്രമാണ് അവർ ജയിച്ചിട്ടുള്ളത്. നിലവിലെ ശരാശരി ബോളിങ് നിരയെ വച്ച് ഇന്ത്യയുടെ വമ്പൻ ബാറ്റിങ് നിരയെ പിടിച്ചുകെട്ടുക വിൻഡീസിന് എളുപ്പമല്ല.
അയ്യർ ഫോമിലാണ്ട്വന്റി20 ടീമിന്റെ നായകവേഷത്തിൽ തിളങ്ങിനിൽക്കുന്ന ശ്രേയസ് അയ്യർ മികച്ച ഫോമിലാണെന്നതു ടീമിനു സന്തോഷം പകരുന്നു. കഴിഞ്ഞ മത്സരത്തിൽ മുൻനിരയിലെ ബാറ്റിങ് വീഴ്ചകൾ പരിഹരിച്ചത് അയ്യർ ഉൾപ്പെട്ട മധ്യനിരയാണ്. ലക്നൗവിൽ നടന്ന ആദ്യ ട്വന്റി20യിൽ അയ്യർ കരിയറിലെ ആദ്യ രാജ്യാന്തര ട്വന്റി20 സെഞ്ചറിയും പേരിലാക്കിയിരുന്നു. ഇതേ ബാറ്റിങ് വീര്യമാണ് ഇന്നും ആരാധകർ പ്രതീക്ഷിക്കുന്നത്. ലോക്കൽ ഹീറോ ഇഷാൻ കിഷനും വൈഭവ് സൂര്യവംശിയും ഇന്നലെ നെറ്റ് പ്രാക്ടീസിനിറങ്ങി.
പേസ് നിര മാറുംബാറ്റിങ് ലൈനപ്പിൽ മാറ്റമുണ്ടാകില്ലെങ്കിലും, പേസ് ബോളിങ് നിരയിൽ ഇന്ത്യ അഴിച്ചുപണിക്കു തയാറായേക്കും. ലക്നൗവിലെ ആദ്യ മത്സരത്തിൽ, ആദ്യ ഓവറിൽത്തന്നെ 16 റൺസ് വഴങ്ങിയ മായങ്ക് യാദവിനു പകരം പ്രിൻസ് യാദവ് കളിച്ചേക്കാം. മറുവശത്ത്, അക്ഷർ പട്ടേലിനൊപ്പം കുൽദീപ് യാദവ് കൂടി ചേർന്നതോടെ സ്പിൻ വിഭാഗം കെട്ടുറപ്പുള്ളതായി. ഇരുവരും രണ്ടു വിക്കറ്റ് വീതം വീഴ്ത്തി വിൻഡീസിനെ വരിഞ്ഞുമുറുക്കുകയും ചെയ്തു. മൂന്ന് വിക്കറ്റുമായി ഓഫ് സ്പിന്നർ നമൻ ധിറും വരവറിയിച്ചു.
വിൻ വിൻഡീസ്ഷിമ്രോൺ ഹെറ്റ്മെയർ, റോവ്മാൻ പവൽ, റോസ്റ്റൺ ചേസ്, റൊമാരിയോ ഷെപ്പേഡ് തുടങ്ങി വമ്പനടിക്കാരുടെ നീണ്ട നിരതന്നെ വിൻഡീസ് ക്യാപ്റ്റൻ ഷായ് ഹോപ്പിനൊപ്പമുണ്ട്. ജസ്പ്രീത് ബുമ്രയില്ലാത്ത ഇന്ത്യൻ ബോളിങ്ങിനെതിരെ വലിയ സ്കോർ നേടുക മാത്രമാണ് വിൻഡീസിനു മുന്നിലുള്ള മാർഗം. മൂർച്ചയില്ലാത്ത ബോളിങ് നിരയുടെ കുറവ് നികത്താൻ ബാറ്റിങ് കരുത്ത് പരമാവധി പ്രയോജനപ്പെടുത്തുകയേ അവർക്കു വഴിയുള്ളൂ.
കമോൺ സഞ്ജുമിന്നും ഫോമിലുള്ള ഇന്ത്യൻ ബാറ്റിങ് നിരയിലെ ഏക തലവേദന സഞ്ജു സാംസണിന്റെ മോശം ഫോമാണ്. അഭിഷേക് ശർമയ്ക്കൊപ്പം കൗമാര താരം വൈഭവ് സൂര്യവംശിയെ ഓപ്പണറായി ഇറക്കുന്ന കാര്യം ആരാധകസമൂഹങ്ങളിൽ ചർച്ചയാണെങ്കിലും നിലവിൽ അത്തരമൊരു നീക്കത്തിനു സാധ്യതയില്ല. ഇന്നു മികച്ച സ്കോർ നേടി വിമർശനങ്ങൾക്കു മറുപടി പറയുകയെന്ന ഉത്തരവാദിത്തം സഞ്ജുവിനു മുന്നിലുണ്ട്. മുൻ ലോകകപ്പ് പ്രകടനങ്ങളുടെ മാത്രം തണലിൽ അധികനാൾ തുടരാനാവില്ലെന്നിരിക്കെ, ഈ പരമ്പര സഞ്ജുവിനു നിർണായകമാണ്.
English Summary:






English (US) ·