വന്നവഴി മറന്നവള്‍, നന്ദികേട് കാണിച്ചു! ആദ്യ സിനിമ മുതല്‍ കുത്തുവാക്കുകളും വിമര്‍ശനങ്ങളും മാത്രം കേട്ട പ്രിയയുടെ വളര്‍ച്ച, ഇന്ന് ട്രെന്റിങ് താരം!

Authored byഅശ്വിനി പി | Samayam Malayalam | Updated: 15 Apr 2025, 5:21 pm

Samayam Malayalamപ്രിയ പ്രകാശ് വാര്യർ

ഒരൊറ്റ രാത്രികൊണ്ട് നാഷണല്‍ ക്രഷ് ആയി മാറിയ പെണ്‍കുട്ടിയാണ് പ്രിയ പ്രകാശ് വാര്യര്‍. ഒമര്‍ ലുലു സംവിധാനം ചെയ്ത ഒരു അടാര്‍ ലവ് എന്ന ചിത്രത്തിലൂടെയായിരുന്നു ആ മാജിക് സംഭനവിച്ചത്. ഒു പാട്ട് രംഗത്ത് സെക്കന്റുകള്‍ മാത്രമുള്ള ഒരു സിനിമയില്‍ കണ്ണിറുക്കി കാണിച്ച നടി, പിന്നീട് നാഷണല്‍ ക്രഷ് ആയി മാറി. ' The histrion whose wink stopped India' എന്ന ക്യാപ്ഷനോടെയാണ് ബിബിസി വാര്‍ത്ത റിപ്പോര്‍ട്ട് ചെയ്തത്.
വാസ്തവത്തില്‍ പ്രിയയ്ക്ക് അടാര്‍ ലവ്വില്‍ കാര്യമായ റോള്‍ ഉണ്ടായിരുന്നില്ല. പാട്ട് വൈറലായതോടെ ആ കഥാപാത്രത്തിന്റെ ദൈര്‍ഘ്യം കൂട്ടാന്‍ സംവിധായകന്‍ നിര്‍ബന്ധിതനായി. അവിടം മുതല്‍ സംവിധായികയും നായികയും തമ്മിലുള്ള പ്രശ്‌നങ്ങളും ആരംഭിച്ചു. കഥയില്‍ പ്രിയയ്ക്കും അഭിപ്രായ വ്യത്യാസങ്ങള്‍ വന്നതോടെയാണ് പ്രശ്‌നങ്ങള്‍ ആരംഭിച്ചത് എന്ന് പറയപ്പെടുന്നു. പിന്നീടുള്ള അഭിമുഖങ്ങളില്‍ ഒമര്‍ ലുലു പ്രിയയെ കുറിച്ച് പറഞ്ഞ കാര്യങ്ങളും ട്രോളന്മാര്‍ക്ക് ആഘോഷിക്കാനുള്ള വഴിയൊരുക്കി.

Also Read: ടീമേ സെറ്റായോ? അര്‍ഹ നിക്‌സിനൊപ്പമുള്ള വിഷു സ്‌പെഷ്യല്‍ ഫോട്ടോകള്‍ വൈറലാവുന്നു, ബിനീഷ് ബാസ്റ്റിന്റെ ജീവിതത്തിലേക്ക് പുതിയ ആള്‍ എത്തിയോ?

വന്ന വഴി മറന്നവള്‍, നന്ദികേട് കാണിച്ചു എന്നൊക്കെയാണ് ഒമര്‍ ലുലു പറഞ്ഞിരുന്നത്. അതിനെ ഏറ്റെടുത്ത് പ്രിയയെ വിമര്‍ശിച്ചവരും കുത്തുവാക്കുകള്‍ കൊണ്ട് വേദനിപ്പിച്ചവരും ഒരുപാടാണ്. പക്ഷേ നടി ഒന്നിനോടും പ്രതികരിക്കാന്‍ പോയില്ല. തനിക്ക് വരേണ്ടത് വരും, അതുവരെ ക്ഷമയോടെ കാത്തിരിക്കുക, ശ്രമിച്ചുകൊണ്ടേയിരിക്കുക എന്ന തത്വത്തില്‍ പ്രിയ വിശ്വസിച്ചു. അതിനിടയില്‍ ബോളിവുഡില്‍ നിന്നുള്‍പ്പടെ പ്രിയ പ്രകാശ് വാര്യര്‍ക്ക് അവസരങ്ങളും വന്നു.

പേളി മാണി ഷോയില്‍, ആ കണ്ണിറുക്കല്‍ രംഗം പ്രിയ കൈയ്യില്‍ നിന്നിട്ടതാണോ, അതോ സംവിധായകന്‍ പറഞ്ഞ് ചെയ്തതാണോ എന്ന ചോദ്യത്തിന്- അത് എന്റെ കോണ്‍ട്രിബ്യൂഷനാണ് എന്ന് നടി പറഞ്ഞിരുന്നു. ഇതിനെതിരെ ഒമര്‍ ലുലു രംഗത്തെത്തിയത് വാര്‍ത്തയായി. പിന്നീട് പ്രിയയുടെ വസ്ത്രധാരണത്തെയും സ്റ്റൈലിനെയും വിമര്‍ശിച്ചവരുണ്ടായിരുന്നു

ഏഴ് വര്‍ഷത്തിന് ശേഷം ഇപ്പോള്‍ പ്രിയ വീണ്ടും സോഷ്യല്‍ മീഡിയയില്‍ വൈറലാവുകയാണ്. തല അജിത്തിന്റെ ഗുഡ് ബാഡ് അഗ്ലി എന്ന ചിത്രം റിലീസ് ചെയ്തതിന് ശേഷം, നായികയായി വന്ന തൃഷയെക്കാളും ആരാധകര്‍ ഏറ്റെടുത്തിരിയ്ക്കുന്നത് പ്രിയയെയാണ്. 2കെ കിഡ്‌സിന്റെ സിമ്രന്‍ എന്ന വിശേഷണത്തോടെ പ്രിയയെ ആഘോഷിക്കുകയാണ് ആരാധകര്‍. സ്വപ്‌ന തുല്യമായ ഒരു റോള്‍ കിട്ടിയ സന്തോഷത്തിലാണ് പ്രിയയും.

ഹാര്‍ഡ് കോര്‍ അജിത്തിന്റെ ഫാന്‍ ആയ ആദ്വിക് സംവിധാനം ചെയ്ത സിനിമ, അജിത്തിന്റെ മകന്റെ പെയര്‍ ആയി ഒരു റോള്‍ ഉണ്ട് എന്ന് പറഞ്ഞ് വിളിച്ചപ്പോള്‍ - പാസിങ് ഷോട്ടില്‍ ആണെങ്കിലും അഭിനയിക്കാം എന്നായിരുന്നുവത്രെ പ്രിയയുടെ മനസ്സില്‍. എന്നാല്‍ ജനം അതിനെ ഇത്രയധികം സ്വീകരിക്കുമെന്ന് കരുതിയിരുന്നില്ല എന്നും പ്രിയ പ്രകാശ് വാര്യര്‍ പറയുന്നു.