വയസ്സ് 40 നോട് അടുക്കുന്നു, കല്യാണം കഴിക്കുന്നില്ലേ എന്ന ചോദ്യം വേണ്ട: ലൈഫ് അടിച്ചു പൊളിച്ച് രമ്യ നമ്പീശൻ

Authored by: അശ്വിനി പി|Samayam Malayalam•6 Aug 2025, 4:51 pm

ഒരു പ്രായം കഴിഞ്ഞാൽ സെലിബ്രേറ്റികൾ എന്നല്ല, ഏതൊരാളും നേരിടുന്ന ചോദ്യമാണ് കല്യാണം ആയില്ലേ എന്ന്. പല നടിമാരും അതിന് വ്യക്തമായ മറുപടി നൽകിയിട്ടുണ്ട്. കല്യാണം കഴിക്കുന്നില്ല എന്ന നിലപാടിലാണ് സായ് പല്ലവിയും ഐശ്വര്യ ലക്ഷ്മിയും ഒക്കെ. പാർവ്വതി തിരുവോത്തിനെ പോലുള്ള നടിമാർ അത് സംഭവിക്കുമ്പോൾ സംഭവിക്കട്ടെ എന്ന മൈന്റ് സെറ്റിലാണ്.

ഇനി രമ്യ നമ്പീശനോടും ആ ചോദ്യം ആവശ്യമില്ല. സിംഗിൾ ലൈഫ് അടിച്ചു പൊളിക്കുകയാണ് രമ്യ നമ്പീശൻ എന്ന് നടിയുടെ ഏറ്റവും ലേറ്റസ്റ്റ് ഇൻസ്റ്റഗ്രാം പോസ്റ്റുകൾ കണ്ടാൽ മനസ്സിലാവും. സോളോ ട്രിപ്പും, അതിലെ സന്തോഷങ്ങളുമൊക്കെ അടങ്ങുന്ന ഏതാനും കുറേ ചിത്രങ്ങളാണ് രമ്യ നമ്പീശൻ പങ്കുവച്ചിരിയ്ക്കുന്നത്.

Also Read: രേണുവിനെ സെപ്റ്റിടാങ്ക് എന്ന് അക്ബർ, ആട്ടാൻ തോന്നുന്നു എന്ന് നെവിൻ; മനക്കരുത്ത് കൊണ്ട് പിടിച്ചു നിൽക്കുന്നവൾ, കപ്പ് രേണുവിന് തന്നെ എന്ന് സോഷ്യൽ മീഡിയ!

You + you is YOU എന്ന ക്യാപ്ഷനോടെയാണ് ചിത്രങ്ങൾ പങ്കുവച്ചിരിയ്ക്കുന്നത്. തുള്ളിച്ചാടുന്ന ചിത്രങ്ങളാണ് കൂടുതലും, പിന്നെ കുറച്ച് സെൽഫി ചിത്രങ്ങളും. അതിലെല്ലാം നടി എത്രത്തോളം തന്നെ സ്വയം സ്നേഹിക്കുന്നു എന്ന് വ്യക്തമായി അറിയാൻ സാധിക്കാം.

Also Read: ദിവസേന രണ്ടുലക്ഷം രൂപ ഷോപ്പിൽ നിന്നുമാത്രം; യൂട്യൂബിൽ നിന്നും, പ്രമോഷിനിലൂടെ വേറെയും; ദിയ എന്ന ബോൾഡ് ആൻഡ് ബ്യൂട്ടിഫുൾ ലേഡി


നടി എന്ന നിലയിൽ മാത്രമല്ല, നർത്തകി, ഗായിക എന്നീ നിലകളിലും തന്റെ കഴിവ് തെളിയിച്ചിട്ടുള്ള രമ്യ നമ്പീശൻ, കൈ വച്ച മേഖലകളിൽ എല്ലാം അഗീകാരവും നേടിയിട്ടുണ്ട്. അഭിനയത്തിൽ നിന്ന് ബ്രേക്ക് എടുത്ത് മാറി നിൽക്കുന്ന നടി, സ്റ്റേജ് ഷോകളും സംഗീത പരിപാടികളുമൊക്കെയായി തിരക്കിലാണ്. അതിനിടയിലാണ് ഈ സെൽഫ് ലവ്വിന് വേണ്ടിയുള്ള സമയം കണ്ടെത്തുന്നത്. ഇന്റസ്ട്രിയിലെ തെറ്റുകൾ ചൂണ്ടി കാണിച്ചതുകൊണ്ടും, പ്രതികരിച്ചതുകൊണ്ടുമാണ് തനിക്ക് അവസരങ്ങൾ നഷ്ടപ്പെട്ടത്. അതിൽ കുറ്റബോധമില്ല, പറയേണ്ടത് പറയേണ്ടിടത്ത് പറയും. അത് തനിക്ക് തന്നോടു തന്നെയുള്ള ബഹുമാനം കൂടെയാണ് എന്ന് നേരത്തെ ഒരു അഭിമുഖത്തിൽ രമ്യ നമ്പീശൻ പറഞ്ഞിരുന്നു.