വലിയൊരു കാരണങ്ങളുണ്ട്! ശ്രീനിവാസന്റെ അന്ത്യകര്‍മങ്ങള്‍ക്ക് വരാതിരുന്നതിനെ കുറിച്ച് ജയറാം

ആശകള്‍ ആയിരം എന്ന ചിത്രത്തിന്റെ പ്രമോഷന്‍ തിരക്കുകളിലാണിപ്പോള്‍ ജയറാമും കാളിദാസും. ഭരത്വാജ് രംഗന്റെ അഭിമുഖത്തില്‍ വന്നപ്പോഴാണ് ശ്രീനിവാസന്റെ അന്ത്യകര്‍മങ്ങളില്‍ പങ്കെടുക്കാത്തതിനെ കുറിച്ച് ആദ്യമായി ജയറാം പ്രതികരിച്ചത്.

തമിഴ്‌നാട്ടില്‍ നിന്ന് പാര്‍ത്തിപന്‍ അടക്കമുള്ള നടന്മാര്‍, ദുബായിലേക്കുള്ള യാത്ര പോലും ഒഴിവാക്കി ഒരൊറ്റ സിനിമ ശ്രീനിവാസന്റെ കൂടെ ചെയ്തു എന്ന കാരണത്താല്‍ അദ്ദേഹത്തെ അവസാനമായി കാണാന്‍ കേരളത്തിലെത്തി. അങ്ങനെ പലരും, പക്ഷേ ശ്രീനിവാസന്റെ സിനിമകളിലൂടെ കരിയര്‍ പടുത്തുയര്‍ത്തിയ ജയറാം ഒന്ന് വന്നില്ല എന്ന് മാത്രമല്ല, സോഷ്യല്‍ മീഡിയയില്‍ ഒരു പോസ്റ്റ് പോലും പങ്കുവച്ചിരുന്നില്ല. അതിന്റെ പേരില്‍ ഒരുപാട് നെഗറ്റീവ് കമന്റുകള്‍ ജയറാമിന് നേരിടേണ്ടതായി വന്നിരുന്നു.

Also Read: ഉള്ളിന്റെ ഉള്ളില്‍ പോലും ഇങ്ങനെ ഒന്ന് ഞാന്‍ ചിന്തിച്ചിട്ടില്ല, വഴികാട്ടിയും ഉണ്ടായിരുന്നില്ല; സ്വപ്‌നം പോലും കാണാത്ത ഇടത്ത് സമാന്ത റുത്ത് പ്രഭു

തന്റെ കരിയറില്‍ ഏറ്റവും മികച്ച കഥാപാത്രങ്ങള്‍ നല്‍കിയ എഴുത്തുകാരനാണ് ശ്രീനിവാസന്‍ എന്ന് പറഞ്ഞുകൊണ്ടാണ് ഭരത്വാദ് രംഗന്റെ അഭിമുഖത്തില്‍ ജയറാം തുടങ്ങിയത്. അദ്ദേഹത്തിന്റെ അന്ത്യകര്‍മങ്ങളില്‍ പങ്കെടുക്കാന്‍ എനിക്ക് കഴിഞ്ഞില്ല. അതിന് വലിയൊരു കാരണമുണ്ട് എന്ന് മാത്രമാണ് ജയറാം പറഞ്ഞത്. ബാക്കി സംസാരിച്ചത് മകന്‍ കാളിദാസനാണ്.

അച്ഛനും ശ്രീനിയങ്കിലും തമ്മിലുള്ള ഇക്വേഷന്‍ അവര്‍ക്ക് പരസ്പരം അറിയാവുന്നതാണ്. എന്തെങ്കിലും ഒന്ന് പറയണം, നെഗറ്റീവായി പറഞ്ഞാല്‍ മാത്രമാണ് ആളുകള്‍ ശ്രദ്ധിക്കുന്നത് എന്നത് കൊണ്ട് ഒരുപാട് മോശം കമന്റുകള്‍ അച്ഛന് നേരിടേണ്ടി വന്നു. ഒരു മുഖമേ ഇല്ലാത്തവരാണ് അത്തരം കമന്റുകള്‍ എഴുതി വിടുന്നത്. എന്താണ് കാരണം എന്നത് എനിക്കറിയില്ല, അത് അവരുടെ വിഷയമാണ്, അവര്‍ക്ക് ആരോടും വിശദീകരിക്കണം എന്നില്ല എനിക്ക് തോന്നിയത്- കാളിദാസ് ജയറാം പറഞ്ഞു.

Also Read: അഞ്ച് മിനിറ്റ് നേരത്തേക്ക് റിലേഷന്‍ഷിപ്പോ, അതിനെക്കൊണ്ട് എന്ത് കാര്യം; ബെഞ്ചിങ്, നാനോഷിപ് എന്നൊക്കെ കേട്ട് ഞെട്ടി രശ്മിക

സത്യന്‍ അന്തിക്കാട് - ശ്രീനിവാസന്‍ കൂട്ടുകെട്ടില്‍ പിറന്ന പല സിനിമകളിലും ജയറാമായിരുന്നു നായകന്‍. ജയറാമും ശ്രീനിയും ഒന്നിച്ചഭിനയിച്ച സന്ദേശം, തലയണമന്ത്രം, പൊന്മുട്ടയിടുന്ന താറാവ് പോലുള്ള സിനിമകളൊക്കെ ഇപ്പോഴും ട്രെന്റിങ് ആണ്.