വല്ലാത്ത വൈഭവം... ഐപിഎല്ലില്‍ 35 പന്തില്‍ സെഞ്ചുറി കുറിച്ച് 14കാരന്‍ വൈഭവ് സൂര്യവംശി

Authored byനിഷാദ് അമീന്‍ | Samayam Malayalam | Updated: 28 Apr 2025, 11:39 pm

ഇന്ത്യന്‍ ക്രിക്കറ്റിലെ അദ്ഭുത ബാലന്‍ എന്ന വിശേഷണത്തോടെ 14ാം വയസ്സില്‍ ഐപിഎല്‍ അരങ്ങേറ്റം കുറിച്ച വൈഭവ് സൂര്യവംശി (Vaibhav Suryavanshi) 35 പന്തില്‍ സെഞ്ചുറി നേടി. ഐപിഎല്‍ ചരിത്രത്തില്‍ ഒരു ഇന്ത്യക്കാരന്റെ ഏറ്റവും വേഗതയേറിയ സെഞ്ചുറി ഉള്‍പ്പെടെ നിരവധി റെക്കോഡുകളും കടപുഴക്കി. 17 പന്തില്‍ വൈഭവ് 50 കടന്നു.

പരിക്കേറ്റ് പുറത്തായ ക്യാപ്റ്റന്‍ സഞ്ജു സാംസണിന് പകരം രാജസ്ഥാന്‍ റോയല്‍സിന്റെ ഓപണറായി ഇറങ്ങിയതായിരുന്നു വൈഭവ്. ഗുജറാത്ത് ടൈറ്റന്‍സിന്റെ 209 റണ്‍സ് പിന്തുടര്‍ന്ന വൈഭവ് ഇതിന്റെ പകുതിയില്‍ ഒറ്റയ്ക്ക് അടിച്ചുകൂട്ടി. ഐപിഎല്‍ ചരിത്രത്തിലെ ഏറ്റവും വേഗതയേറിയ സെഞ്ചുറിയാണിത്. 2013ല്‍ ക്രിസ് ഗെയ്ല്‍ 30 പന്തില്‍ സെഞ്ചുറി നേടിയിരുന്നു.

14 വയസ്സും 32 ദിവസവുമാണ് വൈഭവിന്റെ പ്രായം. ടി20 സെഞ്ചുറി നേടുന്ന ഏറ്റവും പ്രായം കുറഞ്ഞ താരമാണ്. മഹാരാഷ്ട്രയുടെ വിജയ് സോള്‍ 18 വയസ്സില്‍ ടി20 സെഞ്ചുറി നേടി സ്ഥാപിച്ച റെക്കോഡ് തകര്‍ന്നു. 37 പന്തില്‍ സെഞ്ചുറി നേടിയ യൂസുഫ് പത്താന്റെ പേരിലായിരുന്നു ഇന്ത്യക്കാരന്റെ ഏറ്റവും വേഗമേറിയ സെഞ്ചുറി റെക്കോഡ് ഉണ്ടായിരുന്നത്.

https://www.instagram.com/reel/DI_6YBcvnMh/?utm_source=ig_web_copy_link&igsh=MzRlODBiNWFlZA==https://www.instagram.com/reel/DI_6YBcvnMh/?utm_source=ig_web_copy_link&igsh=MzRlODBiNWFlZA==
സീനിയര്‍ ലെവല്‍ പ്രൊഫഷണല്‍ ക്രിക്കറ്റില്‍ ടി20 സെഞ്ചുറി നേടുന്ന ഏറ്റവും പ്രായം കുറഞ്ഞ താരമാണ് വൈഭവ്. 17 പന്തിലാണ് അര്‍ധ സെഞ്ചുറി തികച്ചത്. ഐപിഎല്ലില്‍ വേഗത്തില്‍ അര്‍ധ സെഞ്ചുറി നേടുന്ന പ്രായം കുറഞ്ഞ താരമെന്ന റെക്കോഡും സ്വന്തമാക്കി. ഐപിഎല്‍ 2025ലെ വേഗമേറിയ അര്‍ധ സെഞ്ചുറിയാണിത്. രാജസ്ഥാന്‍ റോയല്‍സിന്റെ ചരിത്രത്തിലെ വേഗമേറിയ രണ്ടാമത്തെ ഫിഫ്റ്റി ആയും ഇത് ചരിത്രത്തില്‍ ഇടംപിടിച്ചു.

സഞ്ജു പുറത്ത് തന്നെ; പ്ലെയിങ് ഇലവന്‍ പ്രഖ്യാപിച്ചു; ഇനി കളിക്കുക ബംഗ്ലാദേശിനെതിരായ ടി20 പരമ്പരയിലെന്ന് സൂചന
വെടിക്കെട്ട് ഓപണര്‍ യശസ്വി ജയ്‌സ്വാളിനെ ഒരറ്റത്ത് കാഴ്ചക്കാരനായി നിര്‍ത്തി വൈഭവ് 11 സിക്‌സറുകളും ഏഴ് ബൗണ്ടറികളും പായിച്ചു. 3.5 ഓവറില്‍ ടീം സ്‌കോര്‍ 50 കടന്നിരുന്നു. ആര്‍ആറിന്റെ ഏറ്റവും ഉയര്‍ന്ന പവര്‍ പ്ലേ സ്‌കോറും (87/0) ഈ മല്‍സരത്തില്‍ കുറക്കപ്പെട്ടു. 2023ല്‍ നേടിയ 85/1, 2021ല്‍ നേടിയ 81/1 എന്നിവയായിരുന്നു പഴയ മെച്ചപ്പെട്ട പവര്‍ പ്ലേ സ്‌കോറുകള്‍. ഇഷാന്ത് എറിഞ്ഞ രണ്ടാമത്തെ ഓവറില്‍ 28 റണ്‍സ് നേടിയിരുന്നു.

https://www.instagram.com/reel/DI_4ITZODNf/?utm_source=ig_web_copy_link&igsh=MzRlODBiNWFlZA==https://www.instagram.com/reel/DI_4ITZODNf/?utm_source=ig_web_copy_link&igsh=MzRlODBiNWFlZA==
വൈഭവ് പുറത്താവുമ്പോള്‍ ടീം സ്‌കോര്‍ 11.5 ഓവറില്‍ 166ലെത്തിയിരുന്നു. ജയ്‌സ്വാള്‍ 40 പന്തില്‍ 70 റണ്‍സുമായി പുറത്താവാതെ നിന്നു. വൈഭവിന് ശേഷം നിതീഷ് റാണ (4) വേഗം പുറത്തായെങ്കിലും റിയാന്‍ പരാഗ് 32 (15) വേഗത്തില്‍ കളി അവസാനിപ്പിച്ചു.

സഞ്ജു സാംസണ്‍ എപ്പോള്‍ തിരിച്ചെത്തുമെന്ന് പറയാനാവില്ല; പരിക്കിനെക്കുറിച്ച് പുതിയ വിവരങ്ങള്‍ പങ്കുവച്ച് റിയാന്‍ പരാഗ്
ബിഹാറില്‍ നിന്നുള്ള വൈഭവ് ഇന്ത്യന്‍ ക്രിക്കറ്റിലെ പുത്തന്‍ താരോദയമാണ്. ഐപിഎല്‍ 2025ന് മുന്നോടിയായി വൈഭവിനെ 1.1 കോടി രൂപയ്ക്ക് ആര്‍ആര്‍ ലേലത്തില്‍ പിടിക്കുമ്പോള്‍ 13 വയസും 243 ദിവസവും ആണ് പ്രായം. അടിസ്ഥാന വില 30 ലക്ഷം രൂപ ആണെങ്കിലും വൈഭവിന് വേണ്ടി ഡിസിയും രംഗത്തുവന്നതോടെ തുക ഉയരുകയായിരുന്നു.

ഓസ്ട്രേലിയക്കെതിരായ അണ്ടര്‍ 19 യൂത്ത് ടെസ്റ്റില്‍ 13ാം വയസ്സില്‍ സെഞ്ചുറി നേടി ലോക റെക്കോഡ് സ്ഥാപിച്ചാണ് ശ്രദ്ധപിടിച്ചുപറ്റുന്നത്. 2024ല്‍ 12ാം വയസ്സില്‍ രഞ്ജി ട്രോഫിയില്‍ അരങ്ങേറ്റം കുറിച്ച് ഫസ്റ്റ് ക്ലാസ് ക്രിക്കറ്റിലും പ്രായം കുറഞ്ഞ താരമെന്ന റെക്കോഡ് നേടിയിരുന്നു.