വളരെ നിഷ്‌കളങ്കമായ പ്രണയമായിരുന്നു അത്, ഇന്നും അതിന്റെ ഓര്‍മകള്‍ ഉള്ളിലുണ്ട്; ആദ്യ പ്രണയത്തെ കുറിച്ച് അനുഷ്‌ക ഷെട്ടി

Authored by: അശ്വിനി പി|Samayam Malayalam•6 Nov 2025, 1:13 pm

ഇന്ത്യന്‍ സിനിമയുടെ ദേവസേന, കരത്തുറ്റ നായികാ വേഷങ്ങള്‍ ചെയ്ത് ശ്രദ്ധ നേടിയ അനുഷ്‌ക ഷെട്ടി ഇപ്പോള്‍ കഴിഞ്ഞ കുറച്ച് കാലങ്ങളായി ഇന്റസ്ട്രിയില്‍ നിന്നും മാറി നില്‍ക്കുകയാണ്. സോഷ്യല്‍ മീഡിയയില്‍ നിന്നു പോലും ബ്രേക്ക് എടുത്ത് മാറി നില്‍ക്കുന്ന അനുഷ്‌ക തന്റെ ആദ്യ പ്രണയത്തെ കുറിച്ച് പറഞ്ഞ കാര്യമാണ് ഇപ്പോള്‍ വൈറലാവുന്നത്.

ഒരിടവേളയ്ക്ക് ശേഷം ഗാട്ടി എന്ന ചിത്രം അനുഷ്‌കയുടേതായി അണിയറയില്‍ റിലീസിന് തയ്യാറെടുക്കുകയാണ്. ഇതിനിടയിലാണ് സണ്‍ ന്യൂസിന് നല്‍കിയ അഭിമുഖത്തില്‍ ആദ്യ പ്രണയത്തെ കുറിച്ച് നടി സംസാരിച്ചത്. ആറാം ക്ലാസില്‍ പഠിക്കുമ്പോഴായിരുന്നു അത്. സഹപാഠിയായ കുട്ടി തന്നോട് ഐ ലവ് യു എന്ന് പറഞ്ഞ് പ്രണയാഭ്യര്‍ത്ഥന നടത്തുകയായിരുന്നു. ആ വാക്കിന്റെ അര്‍ത്ഥം പോലും അന്നറിയില്ലായിരുന്നുവെങ്കിലും പ്രപ്പോസല്‍ സ്വീകരിച്ചു. ഇന്നും നിഷ്‌കളങ്കമായ ആ പ്രണയത്തിന്റെ ഓര്‍മകള്‍ മനസ്സിലുണ്ട് എന്നാണ് അനുഷ്‌ക ഷെട്ടി പറഞ്ഞത്.

Also Read: മക്കളുടെ ആഗ്രഹം സാധിച്ചു കൊടുക്കാന്‍ കഴിഞ്ഞില്ല; താന്‍ എന്താണ് ഇങ്ങനെ ആയിപ്പോയത് എന്ന് അജിത്ത് പറയുന്നു

43 വയസ്സുകാരിയായ അനുഷ്‌ക ഷെട്ടി വിവാഹം കഴിക്കാത്തത് എന്താണ് എന്നത് ആരാധകര്‍ക്കിടയിലെ വലിയൊരു ചോദ്യമാണ്. പലര്‍ക്കുമൊപ്പം നടിയുടെ പേര് ഗോസിപ്പായി വന്നു. അതില്‍ ഏറ്റവും ശക്തമായിരുന്നു പ്രഭാസിനൊപ്പം ചേര്‍ത്തുവച്ച് വന്ന ഗോസിപ്പുകള്‍. അനുഷ്‌കയും പ്രഭാസും വിവാഹം ചെയ്യുന്നു എന്ന വാര്‍ത്തകള്‍ കാട്ടു തീ പോലെ പടര്‍ന്നപ്പോള്‍ പ്രഭാസ് പ്രതികരിച്ചിരുന്നു. അനുഷ്‌ക എന്റെ ഏറ്റവും നല്ല സുഹൃത്താണ്, എനിക്കെങ്ങനെ അനുഷ്‌കയെ വിവാഹം ചെയ്യാന്‍ സാധിക്കും എന്നായിരുന്നു പ്രഭാസിന്റെ ചോദ്യം. സുഹൃത്തുക്കളാണ് എന്ന് അനുഷ്‌കയും പറഞ്ഞിട്ടുണ്ട്.

Also Read: നന്നായി തടി വച്ചു, പിന്നീടെങ്ങനെ കുറച്ചെടുത്തു; ലുക്ക് മെയിന്റെയിന്‍ ചെയ്തു പോകുന്നതിനെ കുറിച്ച് ഭാവന


ഗോസിപ്പുകള്‍ അങ്ങനെ നിലനില്‍ക്കെ ഒന്നിനും വിശദീകരണം നല്‍കാത്ത ആളാണ് അനുഷ്‌ക. കരിയറില്‍ കൂടുതല്‍ ശ്രദ്ധിക്കാന്‍ വേണ്ടിയാണ് ഇപ്പോള്‍ സോഷ്യല്‍ മീഡിയയില്‍ നിന്നും ബ്രേക്കെടുത്ത് മാറി നില്‍ക്കുന്നത്. മലയാളത്തില്‍ ജയസൂര്യയ്‌ക്കൊപ്പം അഭിനയിച്ച കത്തനാര്‍ എന്ന ചിത്രവും അണിയറയില്‍ പോസ്റ്റ് പ്രൊഡക്ഷന്‍ വര്‍ക്കിലാണ്.