വാക്കേറ്റമില്ല, കണ്ണീരില്ല; കോടതിയിൽ പരസ്പരം ബൈ പറഞ്ഞ് പിരി‍ഞ്ഞ് ജിവി പ്രകാശും സൈന്ധവിയും, 23 വർഷത്തെ ബന്ധം അവസാനിച്ചു!

Authored by: അശ്വിനി പി|Samayam Malayalam•27 Sept 2025, 12:18 pm

കണ്ണീരും വാക്കേറ്റവും കുറ്റപ്പെടുത്തലുകളും സെന്റിമെന്റ്സുമൊക്കെയായി പരസ്പരം ഇനിയൊരിക്കലും കാണേണ്ട എന്ന രീതിയിൽ വിവാഹ ബന്ധം അവസാനിപ്പിച്ച പലരും ഉണ്ട്. എന്നാൽ അതിലിപ്പോൾ വലിയ മാറ്റം വരുന്നു. ഭാര്യാ - ഭർത്താവ് എന്ന നിലയിലുള്ള ബന്ധം അവസാനിപ്പിച്ചാലും മക്കളുടെ കാര്യത്തിന് വേണ്ടി ഒന്നിക്കുന്ന പല ദമ്പതികളും ഇന്ന് ഇന്റസ്ട്രിയിലുണ്ട്. ആ ലിസ്റ്റിൽ ആണ് ഇനി സംഗീത സംവിധായകനും നടനുമായ ജിവി പ്രകാശും മുൻ ഭാര്യയും ഗായികയുമായി സൈന്ധവിയും

ജിവി പ്രകാശിന്റെയും സൈന്ധവിയുടെയും വിവാഹ ബന്ധം നിയമപരമായി അവസാനിച്ചു. ഇന്നലെ, സെപ്റ്റംബർ 26 ന് ഇരുവരും കോടതിയിൽ എത്തി, കോടതി നടപടികൾക്ക് ശേഷം പരസ്പരം ബൈ പറഞ്ഞു പിരിഞ്ഞു. സൗഹൃദത്തോടെ പിരിയുന്ന ഇരുവരുടെയും കോടതിയ്ക്ക് മുന്നിലുള്ള വീഡിയോ ആണ് ഇപ്പോൾ സോഷ്യൽ മീഡിയിയൽ വൈറലാവുന്നത്. മകളോട് കാണിക്കുന്ന സ്നേഹത്തിന്റെയും 23 വർഷത്തെ അവരുടെ ബന്ധത്തോടുള്ള ബഹുമാനത്തിന്റെയും സൂചകമാണ് ഇത്രയും മാന്യമായുള്ള വേർപിരിയൽ എന്നാണ് സോഷ്യൽ മീഡിയിയൽ വരുന്ന കമന്റുകൾ.

Also Read: സറോഗേഷനും അഡോപ്‌ഷനും മുതൽ ആശിച്ചുകിട്ടിയ ആദ്യകണ്മണികൾ! കുഞ്ഞിക്കാൽ കാണാൻ ഉള്ള ആഗ്രഹത്തിൽ അമ്മമാരായ താരങ്ങൾ

രണ്ട് ദിവസം മുൻപാണ് ജിവി പ്രകാശിന് മികച്ച സംഗീത സംവിധായകനുള്ള ദേശീയ പുരസ്കാരം ലഭിച്ചത്. അത് കഴിഞ്ഞ് തൊട്ടടുത്ത ദിവസം വിവാഹ മോചനവും. എത്രത്തോളം സൗഹൃദത്തോടെ വേർപിരിഞ്ഞു എന്ന് പറഞ്ഞാലും 23 വർഷത്തെ ബന്ധം അവസാനിപ്പിക്കുക എന്നത് നിസ്സാരമായ ഒന്നല്ല. രണ്ട് പേരെയും ഇമോഷണലി ഡൗണാക്കുന്ന ഒന്നുതന്നെയാണ്.

Also Read: കല്യാണത്തെ കുറിച്ചുള്ള ചോദ്യങ്ങൾക്ക് സത്യരാജിന്റെ മകളുടെ മറുപടി; എന്റെ രണ്ട് അമ്മൂമ്മമാരും സിംഗിൾ ആയിരുന്നു


സ്കൂൾ കാലം മുതലേ സുഹൃത്തുക്കളായിരുന്നു ജിവി പ്രകാശും സൈന്ധവിയും . 12 വർഷത്തെ പ്രണത്തിന് ശേഷമായിരുന്നു ഇരുവരുടെയും വിവാഹം. 11 വർഷത്തെ ദാമ്പത്യ ജീവിതത്തിന് ശേഷമാണ് വേർപിരിയാം എന്ന തീരുമാനത്തിലെത്തിയത്. അത് പലർക്കും ഷോക്കിങ് ആയിരുന്നു. വേർപിരിഞ്ഞതിന് ശേഷവും സൈന്ധവിയും ജിവി പ്രകാശും ഒന്നിച്ച് സ്റ്റേജ് ഷോകൾ ചെയ്തതും, അതിന് വേണ്ടിയുള്ള പ്രാക്ടീസ് വീഡിയോകളും എല്ലാം വൈറലായിരുന്നു. അത് കണ്ട് ഇരുവരും വീണ്ടും ഒന്നിക്കും എന്ന് പ്രതീക്ഷിച്ചവരുണ്ട്. എന്നാൽ പ്രൊഫഷണലി ഉള്ള ബന്ധവും, മകളുടെ അച്ഛൻ അമ്മ എന്ന ബന്ധവും എക്കാലവും ഞങ്ങൾ തുടരും, ദാമ്പത്യ ജീവിതം മാത്രമേ അവസാനിച്ചിട്ടുള്ളൂ, അതിന് മുൻപേ ഉണ്ടായിരുന്ന സൗഹൃദവും എന്നും ഉണ്ടാവും എന്ന് ജിവി പ്രകാശ് വ്യക്തമാക്കിയിരുന്നു.