വാപ്പച്ചി ഉണ്ടായിരുന്നവെങ്കിൽ ഇതിനും മുൻപേ ഇത് പോസ്റ്റ് ചെയ്യുമായിരുന്നു; വാപ്പച്ചിയ്ക്കും ഉമ്മച്ചിയ്ക്കും വേണ്ടി കലാഭവൻ നവാസിന്റെ മക്കൾ

Authored by: അശ്വിനി പി|Samayam Malayalam•18 Sept 2025, 10:55 am

സമീപകാലത്ത് മലയാളി പ്രേക്ഷകരെ ഏറെ നൊമ്പരപ്പെടുത്തിയ ഒരു മരണ വാർത്തയായിരുന്നു കലാഭവൻ നവാസിന്റേത്. ഒരാളെയും വെറുപ്പിക്കാത്ത, നിറഞ്ഞ ചിരിയോടെ പ്രേക്ഷകർക്ക് മുന്നിലേക്ക് എത്തിയ നവാസ് ഇനിയില്ല എന്ന സത്യം ഉറ്റവരെ പോലെ തന്നെ ആരാധകർക്കും അംഗീകരിക്കാൻ കുറച്ച് സമയമെടുത്തു.

ഒരുപാട് നല്ല വേഷങ്ങൾ കരിയറിൽ കിട്ടിക്കൊണ്ടിരിയ്ക്കുമ്പോഴായിരുന്നു നവാസിന്റെ വേർപാട്. ഭാര്യ രഹനയ്ക്കൊപ്പം ഏറെ കാലത്തിന് ശേഷം ഒന്നിച്ചഭിനയിച്ച സിനിമയുടെ റിലീസിന് പോലും കാത്തു നിൽക്കാതെയായിരുന്നു മരണം. ഇഴ ദിവസങ്ങൾക്ക് മുൻപ് യൂട്യൂബ് ചാനലിലൂടെ റിലീസ് ചെയ്തിരുന്നു. ഇതിനോടകം രണ്ട് മില്യണിൽ അധികം ആളുകൾ സിനിമ കണ്ടു കഴിഞ്ഞു.

Also Read: ബേബി വന്നാൽ ഓസിയുമായുള്ള ടൈം കുറഞ്ഞുപോകുമോ എന്നായിരുന്നു പേടി! ഓസി വേഗം അഡ്ജസ്റ്റ് ആയി

എല്ലാവരും ഇഴ കാണണം എന്ന അഭ്യർത്ഥനയുമായി നവാസിന്റെയും രഹനയുടെയും മക്കളിൽ ഒരാൾ പങ്കുവച്ച സോഷ്യൽ മീഡിയ പോസ്റ്റാണ് ഇപ്പോൾ സാമൂഹമാധ്യമത്തിൽ ശ്രദ്ധ നേടുന്നത്. നവാസിന്റെ ഫേസ്ബുക്ക് പേജിലാണ് പോസ്റ്റ് പങ്കുവച്ചിയിക്കുന്നത്. രണ്ട് ആൺകുട്ടികളും ഒരു പെൺകുട്ടിയുമാണ് കലാഭവൻ നവാസിന്, അവരിലൊരാളോ, അല്ലെങ്കിൽ വാപ്പച്ചിയ്ക്ക് വേണ്ടി മൂന്നും പേരും ചേർന്നോ ആണ് പോസ്റ്റ് പങ്കുവച്ചത്.

പ്രിയരേ, വാപ്പിച്ചിയുടേയും ഉമ്മിച്ചിയുടേയും ഇഴ എന്ന സിനിമ യൂട്യൂബിൽ റിലീസായത് ഇതിനകം എല്ലാരും അറിഞ്ഞുകാണുമെന്നു വിശ്വസിക്കുന്നു. വാപ്പിച്ചി ഉണ്ടായിരുന്നെങ്കിൽ ഇതിനകം പോസ്റ്റ്‌ ചെയ്യുമായിരുന്നു. പോസ്റ്റ്‌ ചെയ്യാൻ ഏറെ വൈകിപ്പോയതിൽ വിഷമമുണ്ട്. എല്ലാരും സിനിമ കാണണം- എന്നാണ് പോസ്റ്റ്.

Also Read: സൗന്ദര്യ മരണപ്പെട്ട ആ പ്ലെയിനിൽ ഞാനും ഉണ്ടാവേണ്ടതായിരുന്നു എന്ന് മീന; ഇത്രകാലമായിട്ടും പറയാതിരുന്നത് എന്തിന്?

നവാസിന് വേണ്ടി പ്രാർത്ഥിച്ചും, ആ മരണത്തിലെ വേദന ഇന്നും അനുഭവിയ്ക്കുകയും ചെയ്യുന്ന ചിലരെ പോസ്റ്റിന് താഴെ കാണാം. മക്കൾക്കും ഭാര്യയ്ക്കും ധൈര്യം നൽകുന്ന തരം കമന്റുകളുമുണ്ട്.


മൂത്ത മകന് റിഹാൻ നവാസ് വാപ്പച്ചിയുടെ മരണത്തിന് ശേഷം പങ്കുവച്ച ഇൻസ്റ്റഗ്രാം പോസ്റ്റുകളെല്ലാം വളരെ ഇമോഷണലായിരുന്നു. പ്രകമ്പനം എന്ന ചിത്രത്തിലാണ് ഏറ്റവും ഒടുവിൽ നവാസ് അഭിനയിച്ചിരുന്നത്. അതിന്റെ ലൊക്കേഷൻ ചിത്രങ്ങളെല്ലാം പങ്കുവച്ചുകൊണ്ടായിരുന്നു റിഹാന്റെ പോസ്റ്റ്. ഏറ്റവുമൊടുവിൽ വാപ്പച്ചി അഭിനയിച്ചതും, പാട്ട് പാടിയതും പ്രകമ്പനത്തിന് വേണ്ടിയാണ് എന്ന് മകൻ പറയുന്നു.