വാപ്പച്ചി ഒരിക്കലും അത് പറയില്ല, ഒരാള്‍ക്ക് മാത്രമായി ഇവിടെ ഒന്നും ചെയ്യാനാവില്ല; ദുല്‍ഖര്‍ സല്‍മാന്‍ പറയുന്നു

Authored by: അശ്വിനി പി|Samayam Malayalam•10 Nov 2025, 3:52 pm

കാന്താ എന്ന പുതിയ തമിഴ് ചിത്രത്തിന്റെ പ്രമോഷന്‍ തിരക്കുകളിലാണ് ഇപ്പോള്‍ ദുല്‍ഖര്‍ സല്‍മാന്‍ . റാണ ദഗുപതിയും സമുന്ദ്രക്കനിയുമെല്ലാം കേന്ദ്ര കഥാപാത്രങ്ങളായി എത്തുന്ന ചിത്രം കരിയറിലെ മറ്റൊരു ടേണിങ് പോയിന്റ് ആയിരിക്കും എന്നാണ് ദുല്‍ഖര്‍ പ്രതീക്ഷിക്കുന്നത്. എന്നിരുന്നാലും, സിനിമ വിശേഷങ്ങള്‍ക്കിടയിലും ദുല്‍ഖറിനോട് വാപ്പച്ചി മമ്മൂട്ടിയെ കുറിച്ച് ചോദിക്കാതിരിക്കാന്‍ സാധിക്കുമോ. അച്ഛന്‍ ഒരു ലെജന്റ് ആയിരിക്കുമ്പോള്‍ അത് സ്വാഭാവികവുമാണ്

ദുല്‍ഖറിനോട് മമ്മൂട്ടി യെ കുറിച്ച് ചോദിക്കാം, പക്ഷേ മമ്മൂട്ടി സാറിനോട് ദുല്‍ഖറിനെ കുറിച്ച് ചോദിക്കാന്‍ കഴിയില്ല, അത്തരത്തിലുള്ള റിപ്ലേ ആണ് വരുന്നത് എന്ന് പറഞ്ഞുകൊണ്ടാണ് ആങ്കര്‍ ചോദിച്ചു തുടങ്ങുന്നത് തന്നെ. നിങ്ങള്‍ക്കാണോ ദുല്‍ഖറിനാണോ സ്ത്രീ ആരാധകര്‍ കൂടുതല്‍ എന്ന് ചോദിച്ചപ്പോള്, അത് ദുല്‍ഖറിനോട് പോയി ചോദിക്കണം എന്നാണത്ര ഒരിക്കല്‍ മമ്മൂട്ടി പറഞ്ഞത്. ദുല്‍ഖര്‍ എങ്ങനെ അഭിനയിക്കുന്നു എന്ന ചോദിച്ചത്, കുഴപ്പമില്ല എന്ന തരത്തിലുള്ള പ്രതികരണങ്ങളാണ് മമ്മൂട്ടി നല്‍കുന്നത്.

Also Read: മകളെ എന്നെപ്പോലെ ആക്കിയെടുക്കാന്‍ ശ്രമിക്കുന്നു, പക്ഷേ പറ്റുന്നില്ല; മറിയത്തിന്റെ വിശേഷങ്ങള്‍ പങ്കുവച്ച് ദുല്‍ഖര്‍

എപ്പോഴെങ്കിലും മമ്മൂട്ടി വിളിച്ച്, സൂപ്പറായി ചെയ്തു എന്ന് പറഞ്ഞ ഏതെങ്കിലും ഒരു സിനിമയോ കഥാപാത്രങ്ങളോ ഉണ്ടോ എന്ന് ചോദിച്ചപ്പോള്‍, ദുല്‍ഖര്‍ പറഞ്ഞത് - വാപ്പച്ചി അങ്ങനെ പറയില്ല എന്നാണ്. സിനിമ എന്നത് ഒരു ടീം എഫേര്‍ട്ട് ആണെന്നതാണ് വാപ്പച്ചിയുടെ വിശ്വാസം. ഏതെങ്കിലും ഒരു സിനിമ എന്റെ കഴിവുകൊണ്ടാണ് ജയിച്ചത് എന്ന് എനിക്ക് തോന്നിയാല്‍, പിന്നീടുള്ള തിരഞ്ഞെടുപ്പുകള്‍ എല്ലാം പരാജയപ്പെടും. ഒരാള്‍ക്ക് ഒറ്റയ്ക്ക് ഒരു സിനിമയും ചെയ്യാന്‍ കഴിയില്ല, ആ ഒരു കാര്യം വീട്ടില്‍ എല്ലാവര്‍ക്കും അറിയാവുന്നതാണ്- ദുല്‍ഖര്‍ പറഞ്ഞു.

ഒരുപാട് ആളുകള്‍ സ്വപ്‌നം കാണുന്ന ഇന്റസ്ട്രിയാണ് സിനിമ, നമുക്ക് അത് എളുപ്പത്തില്‍ ലഭിക്കുന്നു എന്ന ഒരു അഡ്വാന്റേജ് ഉണ്ടാവുമ്പോള്‍ നൂറ് ശതമാനം അതിനോട് നീതി പുലര്‍ത്തണം. എനിക്ക് ആ പ്രിവിലേജ് കിട്ടിയതുകൊണ്ട് തന്നെ ഞാന്‍ കൂടുതലും, അത്തരം പ്രിവിലേജുകളില്ലാത്ത പുതുമുഖ സംവിധായകരെ കണ്‍സിഡര്‍ ചെയ്യാറുണ്ട്. അത് അവിടെ ബാലന്‍സ് ആവും എന്ന് കരുതുന്നു.

ഒരു നെപ്പോ കിഡ് ആയതുകൊണ്ട് വേറെ ചില ഡിസ് അഡ്വാന്റേജുകളും ഞങ്ങള്‍ക്കുണ്ട്. അതൊരു പ്രഷര്‍ കൂടെയാണ്. ഒരു ബാഡ് സിനിമ ഒരു അഭിനേതാവ് തിരഞ്ഞെടുത്താല്‍ അവര്‍ക്ക് എന്തെങ്കിലും ഒരു റീസണ്‍ പറയാനുണ്ടാവും, ആ സമയത്ത് ഫിനാന്‍ഷ്യലി അല്പം ടൈറ്റായിരുന്നു, അതുകൊണ്ട് എടുത്തു എന്ന്. പക്ഷേ ഞങ്ങള്‍ക്ക് അങ്ങനെ ഒന്നില്ല, ഒരു തെറ്റായ സിനിമ തിരഞ്ഞെടുത്താല്‍ അത് പൂര്‍ണമായും ഞങ്ങളുടെ പാകപ്പിഴ തന്നെയാണ്. അതുകൊണ്ട് നല്ല തിരഞ്ഞെടുക്കാനുള്ള ശ്രമങ്ങള്‍ നടത്തുക എന്നതാണ് സിനിമയോടു കാണിക്കുന്ന ബഹുമാനവും സ്‌നേഹവും ഉത്തരവാദിത്വവും- ദുല്‍ഖര്‍ സല്‍മാന്‍ പറഞ്ഞു