വാരിവലിച്ചുസ്നേഹിക്കാൻ പാടില്ല എവിടെയും ഒരു ബൗണ്ടറി വയ്ക്കുക! ഒരു സർക്കിൾ വരയ്ക്കേണ്ടത് ആവശ്യമെങ്കിൽ അത് വരയ്ക്കണം

Authored by: ഋതു നായർ|Samayam Malayalam•13 Nov 2025, 1:56 pm

എ ആർ റഹ്‌മാൻ ഷോയിൽ എത്തിയതിനെക്കുറിച്ചും ബന്ധങ്ങളിലെ ബൗണ്ടറികൾ എത്രത്തോളം ആവശ്യമെന്നും ഗായിക സയനോര ഫിലിപ്പ് പറയുന്നു

എ ആർ റഹ്മാൻ സാറിന്റെ അവിടെ നിന്നും ഒരു കോൾ വന്നു, എന്റെ ഒരു സിഡി കേട്ടിട്ട് ആണ് എനിക്ക് ക്ഷണം കിട്ടുന്നതും. അങ്ങനെ ഞാൻ സാറിനെ കാണുന്ന ദിവസം എത്തി. ഞാൻ എന്ത് ഭാഗ്യമാണ് ചെയ്തത് ദൈവമേ, എന്നെ ആരെങ്കിലും ഇദ്ദേഹത്തിന് ഒന്ന് പരിചയപ്പെടുത്തി കൊടുക്കുമോ എന്നായിരുന്നു മനസ്സ് നിറയെ. സയനോര ഈ പാട്ട് പാടുമോ എന്ന് എന്നെ അടുത്തുവിളിച്ചു കൊണ്ട് അദ്ദേഹം ചോദിച്ചു. അപ്പോൾ തന്നെ എന്റെ കിളി പോയി എന്റെ പേര് വിളിച്ചല്ലോ എന്നാണ്. ഞാൻ ഒരു കണ്ണൂര് കാരിയാണ് ഒരു സാദാ നാട്ടിന്പുറത്തുനിന്നും ഒരു സാധാ വീട്ടിൽ നിന്നും വരുന്ന ആളാണ്, അപ്പോൾ എന്റെ മനസ്സിൽ റഹ്മാൻ സാറിനെ ഒന്ന് കാണുന്ന ഫീൽ പോലും മനസ്സിൽ ഉണ്ടായിരുന്നില്ല.

അത്രക്കൊന്നും ചിന്തിക്കാൻ അറിയില്ല. അങ്ങനെ ഞാൻ മാറിനിന്നു കരഞ്ഞു, ഞാൻ ഇപ്പോൾ എവിടെ ആണ് നിൽക്കുന്നത് എന്നോർത്തുപോയി. അങ്ങനെ പിന്നെ യുകെയിലും യുഎസിലും ഒക്കെ അദ്ദേഹത്തിന്റെ ഒപ്പം ഷോയ്ക്ക് പോയി. അങ്ങനെ യുകെയിൽആദ്യമായി പോയി അനുഭവം കേട്ടാൽ എല്ലാവരും ചിരിക്കും . നമ്മൾക്ക് അവിടെ ബാറ്റ കിട്ടുന്നുണ്ട് പക്ഷേ പുറത്തിറങ്ങാൻ പേടിച്ചിട്ട് ആദ്യത്തെ ദിവസം ഞാൻ പട്ടിണിക്ക് റൂമിൽ ഇരുന്നു,പക്ഷേ മെല്ലെ മെല്ലെ ഞാൻ ടീം ആയി ബ്ലെൻഡ് ആയി. അങ്ങനെ കുറെ എക്സ്പീരിയൻസ് എനിക്ക് കിട്ടി. അത് കോളേജ് കഴിഞ്ഞ സമയത്താണ്. ഇപ്പോഴും അതൊക്കെ മനസ്സിൽ തങ്ങി നിൽക്കുന്ന ഓർമ്മകളാണ്. എനിക്ക് കിട്ടിയ ഏറ്റവും വലിയ അനുഗ്രഹം ആയി കാണുന്നു അതൊക്കെ. സാറിന്റെ അമ്മയും സഹോദരിമാരും ഒക്കെ ആയി നല്ലൊരു ബന്ധം ഉണ്ടായിരുന്നു, അമ്മ എനിക്ക് വിവാഹത്തിന് ഗിഫ്റ്റ് ഒക്കെ തന്നിരുന്നു.
ഇപ്പോൾ ബന്ധങ്ങളിൽ ഞാൻ ചില ബൗണ്ടറിസ്‌ വച്ചു. അത്രയും പ്രിയപ്പെട്ടവർക്ക് മാത്രമായി ഞാൻ ചുരുങ്ങിയിട്ടുണ്ട്, ചില അനുഭവങ്ങൾ ഉണ്ടായതുകൊണ്ടുതന്നെ ഞാൻ അങ്ങനെ ആയതാണ്. എന്താണ് എന്റെ മനസ്സിൽ എനിക്ക് ഉള്ളത്എന്ന് നോക്കിയാണ് ഞാൻ ഇപ്പോൾ തീരുമാനങ്ങൾ എടുക്കുന്നത്. ചില ബൗണ്ടറീസ് വയ്ക്കുന്നതും അതുകൊണ്ട്തന്നെ ആണ്.

ബൗണ്ടറിസ്‌ സെറ്റ് ചെയ്യാൻ പറ്റില്ല എന്നൊന്നും ഇല്ല അത് നമ്മൾ വരയ്ക്കണം. ഒരു സർക്കിൾ ഞാൻ വരച്ചാൽ അവിടെ ആരൊക്കെ വരണം, നമ്മുടെ ഇമോഷണൽ മൂഡിനെ സ്വാധീനിക്കാൻ നമ്മൾ ആർക്കാണ് പവർ കൊടുക്കുന്നത്, ആത് ഫ്രണ്ടോ ഫാമിലിയോ ഒക്കെ ആയിക്കോട്ടെ. അവിടെ നമ്മൾ ഒരു താക്കോൽ ആണ് കൊടുക്കുന്നത്. അത്രയും പ്രിയപ്പെട്ട ഒരാൾക്ക് ആണ് നമ്മളെ വേദനിപ്പിക്കാൻ സാധിക്കുന്നത് എങ്കിൽ ആ അധികാരം നമ്മൾ കൊടുക്കുന്നതാണ്. ആ അധികാരം നമ്മൾ എടുത്തുകളഞ്ഞാൽ ആ വിഷയം തീരും . പിന്നെ ആ സർക്കിളിൽ നിന്നും മറ്റൊരു സർക്കിളിലേക്ക് പോകും . ആ സർക്കിളിൽ ഉള്ള ആളുകൾ നമ്മളെ എന്ത് ചെയ്യാൻ ശ്രമിച്ചാലും അത് നമ്മുടെ മനസിന്റെ സമാധാനത്തെയും സന്തോഷത്തെയും വ്യതിചലിപ്പിക്കില്ല എന്ന് എനിയ്ക്ക് തോന്നിയിട്ടുണ്ട്. അത് ഏറ്റവും വലിയ കാര്യമാണ്.

ഞാൻ ഒക്കെ വാരിവലിച്ചുസ്നേഹിക്കുന്ന ആളാണ്, പിന്നെ ആണ് അത് പാളിയല്ലോ കർത്താവേ എന്ന് അറിയുന്നത്, ഇതൊക്കെ ഞാൻ പറയുന്നത് ആ ഒരു സ്റ്റേജിലൂടെ ഒക്കെ കടന്നു പോയതുകൊണ്ടാണ്. ഞാൻ ഭയങ്കര ഇമോഷണൽ ആയ സെൻസിറ്റീവ് ആയ ആളാണ്; സമയം മലയാളത്തിന് നൽകിയ അഭിമുഖത്തിൽ സയനോര പറഞ്ഞു.