വിജയ്ക്ക് വേണ്ടി പാടിയ പാട്ട് ട്രോളായപ്പോള്‍ വിഷമം തോന്നിയോ; മമിത ബൈജു പറയുന്നു

ചെറിയ ചെറിയ വേഷങ്ങള്‍ ചെയ്തു തുടങ്ങി ഇന്ന് സൗത്ത് ഇന്ത്യന്‍ സിനിമയിലെ ഏറ്റവും താരമൂല്യമുള്ള നടിമാരില്‍ ഒരാളായുള്ള മമിത ബൈജുവിന്റെ വളര്‍ച്ച മലയാളികള്‍ക്കും അഭിമാനിക്കാവുന്ന ഒന്നാണ്. പ്രേമലു എന്ന ചിത്രത്തിന് ശേഷം ബ്രഹ്‌മാണ്ഡ സംവിധായകന്‍ എസ് എസ് രാജമൗലി പോലും പ്രശംസിച്ച മമിത ഇന്ന് തമിഴ് സിനിമാ ലോകത്ത് സൂപ്പര്‍സ്റ്റാറുകളുടെ നായികയായി വിലസുകയാണ്.

വിജയ് രഷ്ട്രീയത്തിലേക്ക് ഇറങ്ങുന്നതിന് മുന്‍പ് അവസാനമായി അഭിനയിക്കുന്ന ജനനായകന്‍ എന്ന ചിത്രത്തില്‍ ഒരു റോള്‍ കിട്ടിയതായിരുന്നു മമിതയ്ക്ക് തമിഴകത്ത് കിട്ടിയ ഏറ്റവും വലിയ ബ്രേക്ക്. ചിത്രം ഇതുവരെ റിലീസ് ആയിട്ടില്ലെങ്കിലും, ആരാധകര്‍ അത്രയേറെ പ്രതീക്ഷയോടെ കാത്തിരിയ്ക്കുന്ന ഒരു സിനിമയാണത്ര.

Also Read: കല്യാണം കഴിക്കുന്നത് അത്ര വലിയ കാര്യമൊന്നുമല്ല, മറ്റുള്ളവര്‍ക്ക് വേണ്ടി കല്യാണം കഴിക്കില്ല എന്ന് ചിമ്പു

സിനിമയില്‍ നിന്ന് വിരമിക്കുന്നതിന് മുന്‍പ് അവസാനമായി അഭിനയിക്കുന്ന സിനിമ എന്ന പേരില്‍ ബ്രഹ്‌മാണ്ഡമായിട്ടാണ് ചിത്രത്തിന്റെ ഓഡിയോ ലോഞ്ച് നടന്നത്. വിജയ് യുടെ ഇതുവരെയുള്ള കരിയറില്‍ പ്രധാന പങ്ക് വഹിച്ച സിനിമാ പ്രവര്‍ത്തകരെല്ലാം പങ്കെടുത്ത വേദിയില്‍ മമിത ബൈജുവിനും ഇടമുണ്ടായിരുന്നു. മൈക്ക് എടുത്ത് സംസാരിക്കവെ, നാളെ.. നാളെ എന്ന് പാട്ട് പാടിയതോടെ ഊതിവിട്ട ബലൂണ്‍ പോലെ ആ ഹൈപ്പ് അങ്ങ് പോയി.

ഓഡിയോ ലോഞ്ചിലെ പാട്ടിന് ശേഷം നേരെ എയറില്‍ കയറിയ മമിതയെ കഴിഞ്ഞ ദിവസം കേരളത്തില്‍ വച്ച് ആരാധകര്‍ വളഞ്ഞിട്ടു പിടിച്ചിരുന്നു. ഉറ്റ സുഹൃത്ത് അനശ്വര രാജന്റെ സിനിമ കാണാന്‍ വന്ന മമിതയോട് ട്രോള് വേദനിപ്പിച്ചോ എന്ന് ചോദിച്ചപ്പോള്‍, എന്തിന് അതൊക്കെ രസമല്ലേ എന്നായിരുന്നു നടിയുടെ പ്രതികരണം.

Also Read: എന്റെ ഈ പ്രായത്തിലാണ് അമ്മയ്ക്ക് അച്ഛനെ നഷ്ടപ്പെട്ടത്; ഇന്ന് സുപ്രിയയെ നഷ്ടപ്പെടുന്നത് എനിക്ക് ചിന്തിക്കാന്‍ പോലും പറ്റില്ല

ആള്‍ക്കാര്‍ സ്വീകരിക്കുന്നത് പോലെയാണ് എന്തും, ആളുകള്‍ അതൊരു എന്റര്‍ടൈന്‍മെന്റായി എടുത്തു. ഞാനും അതങ്ങനെയാണ് കാണുന്നത്. അതിലൊന്നും ഒരു കുഴപ്പവുമില്ല, അതൊക്കെ ഫണ്‍ അല്ലേ. വിജയ് യുമായുല്‌ള അഭിനയാനുഭവം അടിപൊളിയായിരുന്നു എന്നും ചോദ്യത്തിന് ഉത്തരമായി മമിത പ്രതികരിച്ചു.